¹ Ni mayiku yale, ahiwa Yohani mpatitzi, alaleyaka muthakoni wo Yudeiya, ² Ni iraka: "Mwituthuwe, okhala wira omwene wa wirimo ori vakhiviru". ³ Wirari ola tinyole alaleiyale ni Namiririmo Yezaiya, iraka: "N'tzu nikhuwela muthakoni: Nrerihe ephiro yapwiya, nssirele malithi"'. ⁴ Yola Yohani awara ekuwo tzawe tzamapururu enkamiya ni ntzako wa kathakha n'yununi wawe, ni yotjawe yari tzorope ni oravo. ⁵ Vano yaniwa wayena atthu yakhala ntere yole wo Yerusalem, ni eYudeiya yotene ni mithethe tzotene tzowathamana o Yordani; ⁶ Ni ayena yanipatitziya nrathi wo Yordani, ehimyakatzaka etampi tzaya. ⁷ Vano yena vawonalyawe afaritzi ni asaduki n'tjene yawa ompatitzoni, ahiwirela: N'loko nevili! Tipani owiren'leni wira nthawe ehukhumo yan'luku enrwa? ⁸ Mwin'me, vano mihokhorokho tzorera tzo wituthuwa. ⁹ Ni n'hupuwele, mwiraka wanyu: "Nihana papehu Abraão", Vano kin'nuhimeryani wira wamaluku ala Muluku anapathuxa axana a Abraão. ¹⁰ Vano epatzo yoheliya vamitatharini vamwiri; Tzitzan'mo mwiri wotene ohin'nrowa wima mihokhorokho tzorera onathikiliya khuthikheliya venkho. ¹¹ Ekhweli miyano kinupatitzani ni matzi wira mwituthuwe, vano ole on'wa othuliwaka tokivikana miyano; irastakha tzawe n'kinwera othukula. Yena onamupatitzani ni n'nepa wowarya ni moro. ¹² Yena okhalana epoxolo n'matatani, onakwetza nipuwanawe, ni onarowa wurula etirikuawe ahele vatathani; vano apaheke miwariu ni moro ohin'rowa othipa. ¹³ Vano Yeso ahiwa tzokalileya mpaka oyordani wira apatitziye ni Yohani. ¹⁴ Vano Yohani anin'kothiha, iraka: "mi kimphela opatitziya ni nyu, vano nyu mwinwa wa miyano"? ¹⁵ Vavo Yeso ahimwakhula: "Thunani nen'nanova wira tzitzan'mo tin'reraya othara ekhweli. Vano yena ahikupali ¹⁶ Vano vamalalyaya Yeso opatitziya, ahikhuma nin'nanoru n'matzini. Ni erimu yahithukuwa, ni yena ahiweha n'nepa Wan'Luku en'khuruwelaka ntoko ekhuntha ni khun'kathela. ¹⁷ Vano ntzu nokhuma wirimu khwira: "Ola mwanaka kinin'mphentaka, Yena okitheliha n'rima.