¹ Vamalalyawe oyariya Yeso, o Belém yo Yudeiya, okathi wa mwene Herode, atzuweli wa mphanthe onkhuma ntzuwa yahiphiya Oyerusalem, ² Yiraka: "Ori vai mwene oyariye Amayuda? Hi nonale ethothowawe onkuma ntzuwa, ni niwale onkokhorela". ³ Vano mwene Herodi vinwalyawe yeyo, ahikhala otikinihiya, ni yena elapo yotene yo Yerusalem. ⁴ Ni vathukumanalyawe amaholeli otene anan'kutho ni atzuyeli atthu , kwakoha-tza: "Nipuro xeni Yeso arowawe oyariya? ⁵ "Ayenatze yahihimia: "Obelem yo Yudeiya, okhala wira yolepiya nanamiririmo: ⁶ Ni we Belem, elapo yo Yudeiya, we khuyevale wamaholeli otene welapo yo Yudá, wawe onakhumelela nholeli onrowa waxunka athwaka Israel". ⁷ Vano Herodes, ahiwatzima sirini atzuweli, ahakoha wekhweli mwaha wokathi yakhumelelalyaya ethonthowa. ⁸ Ayarumalene o Belem, ahira: "Nrowe, ni mwathole sanene wa mwamwaneyo; ni mwamphwanyavale, nkihimerye, wira ari nimiyano kirowe kankokhorele". ⁹ Vamalalyaya omwinwa mwene, ayena yahikhumatza. Ni ethontowa yawehatzalyaya onkhuma ntzuwa yahaholela, yena yahiphiya, ni yahemela otzulu nipuro nen'no naryawe mwana. ¹⁰ Nayena, vawehalyaya ethonthowa, yahitheya ni yahitheliya nrima vintjene. ¹¹ Ni vavolowalyaya mpani, yahimphwanya mwana ni mamawe Maria, Ni vakokhoralyaya yahinthothopela. Ni etaphulatzaka mafutaya, yahinvahatza tzorerela tzawanalyaya: Eworo, erupani, ni nkanfura. ¹² Vano eyari ethu yotzuwelihiya wirimo yahiireliya nthorani wirari ehihokolele wa Erodi, yahikhumatza erowaka elapoaya etharaka ephiro ekina. ¹³ Ayena vakhumalyaya, vano nlaikha napwiya nahinkhumelela Yosef nthorani niraka: "Ovenye, onkuxe mwana namamawe, ni othawele wikuputu; ni okhele wenwe mpaka mi wuhimerya, okhala wira Eredi onarowa onphela mwana wira amwinve". ¹⁴ Ohiyu yole, Yosef ahivenya, khunkuxa mwana ni mamawe khurowaka wikuputu; ¹⁵ Ni ahikhala wu mpaka okhwa wa Heroti, wirari yonaneye tzenye tzahimiye na Pwiya variyari va namiririmo, yirale: "Wikuputu komwihana Mwanaka". ¹⁶ Vano Herodi vonalyawe wira onuthepiya natzuweli, ahinanariya vintjene, ni khuruma wira yiviye anamwane alupwana otene oBelem wa mwinano tzotene yelapoéle, okhuma eyakha pili okhuruwela vathi, ntoko okathi wakohalyawe wekweli atzuweli. ¹⁷ Zizan'mo yahiraneya ithu tzahimalyawe profeta Jeremia iraka: ¹⁸ "Ikhuthu tzahinwaneya Ó Rama, wunla, ni okhuwa; Rakel awunlelaka anawe, ni ahiphelaka omalihiya, wira awo khaniwonatho. ¹⁹ Vano vakhwaliawe Herodi, nlaikha nimotza napwiya nahinkhumelela wikuputo wa Yosef mulohani, ²⁰ iraka: "Ovenye, onkuxe mwana ni mamawe, orowe elapo yo Israel, okhala wira ahokwa ane yaphela omwin'va mwana. ²¹ vano yosef ahivemya, khunkuxa mwana ni mamawe, ni khuwa elapo yo Israel. ²² Vano vinwalyawe wira Arkelau tari mwene o Yudeiya opuro wapapawe Herodi, yena ahova orowa wenwo; massi vahimeriyawe mulohani, ahirowa nthethe wo Kalileiya, ²³ Ni khukhala epoma motza yatzimiya Onatzareth, wira ethonyirere tzenye tzahimiye ni nanamiririmo, wira yena arowa watzimiya N'natzarethi.