¹ Wumalani wa sapatu, opatjeraka nuxa nihiku nopatjera na sumana, Maria maktala, ni Mariya n'kina yahiwa oweha okhapurini. ² Ni wen'wo yahonaneya etetere; okhala wira n'laikha na pwiya nahikhuruwa wirimu, nahiphiya ni nahipin'thula n'luku, ni ahikilathela. ³ Olathana wawe akhala mwana overunya, ni ekuwo tzawe othela yakhala mwana neku. ⁴ Ni emovaka ale yalipelela yahithukumela mwin'tjene, ni yahikhala mwana anukhwa. ⁵ Vano n'laikha nahiwirela axithiyana'ale: N'hoveni, miyano kotzuwela wira n'niphela Yeso, yole okhomeliye. ⁶ Yena khavo va, Yena ohihimuwa, n'toko tzahimalyawe. wani n'wehe nipuro waheliyawe. ⁷ Rowani mwakuveke mwahimerye arumeiyawe wira yena ohihimuwa mukhwani; ni Yena on'rowa oholowinyu okalileya; wen'wo n'nan'weha. Vano minyano kin'nuhimeryani. ⁸ Vano awo yahikhumatza nin'nanoro omahiye, yovaka ni ohakalala, ni yahithyawa erowaka wahimerya arumeiyawe. ⁹ Ni Yeso ahiwa yariaya, ni kwira: Kin'nukhomatzani. Ayena yahimwathamela, yahin~vara methotzawe, ni yahin'tjon'thela. ¹⁰ Yeso, vano, ahiwirela: N'hoveni. Rowani mwahimerye axulupalyaka wira erowe Okalileya, wen'wo anakiweha ¹¹ Vano awo erowatzaka, vano akina yalipelela yahiwa opoma, ni yahahimerya maholeli tzotene tzakhumelelale. ¹² Vano ayena yahiytthukumana namapwapwu, wano win'wihanalyaya otene tzaya, yahavahatza n'tzurukhu mwin'tjene atoropa, ¹³ khuwirela: Mwereke: "Arumeiyawe yanuwatza ohiyu, ni khumwin'ya hinyano nirupaka" ¹⁴ Ni, eyo yin'wiya ni n'khulupale elapo, hiyano ninan'katzela, wira n'heliye n'khatheya. ¹⁵ Ayena yahakhela n'tzuruku ni yahira n'toko tzahimeriyaya. Ni molumwala yahulaniya wa mayuda m'pakha elelo. ¹⁶ Awixuthi ale n'loko nin'motza yahirowa okalileya, omwako wen'we Yeso awirelalyawe. ¹⁷ Ni vamonalyaya, yahinthothopela; akina yahimwanyihera. ¹⁸ Yesu ahiwathamela, ni kwahimerya: Owerya wotene kovahiya wirimo hata vathi'va. ¹⁹ Tzitzan'mo rowani, mwapa'ke arumei wa elapo tzotene, mwapatitzaka mwa'ntzina na Papa, na Mwana, ni N'nepa wawela, ²⁰ Mwassomihaka win'yathi ithu tzotene kinurumakani. Ni miyano kiri ni nyu mahiku otene, m'paka wumalani wa okathi.