¹ Vaxaka, maholeli othene ana'kutho ni mahumu atthu otakaniha wale yalakana mwaha wa Yeso, wira emwin've. ² Ni yahin'kuxa anathukiyena, ni yahin'vaha Pilato, N'holeli elapo. ³ Vano Yudasi, yole an'varihale, vonalyawe wira Yeso olamuliya, ahihokoloxa amoriaka ekharari, n'tzurukhu yole livura miloko miraru ya paratha, avahaka maholeli an'kutho ni mahumu; ⁴ ni ahira: kotheka, kitumihaka ephome yohitheka. Vano ayena yahira: Nirina nata nixeni? owo n'latthuao! ⁵ Vano yena ahithikhela n'tzurukhule waparatha m'pani mwan'luku, ahikhuma, ni ahirowa wisurun'kha ⁶ Maholeli an'kuthu yahikhupela n'tzuruku'ole waparatha, ni khwira: Khivan'rerela otakaniha n'tzurukhu ola nipuro win'tjathiyaya n'kina, okhala wira ola ehissapu yaphome. ⁷ Vano otenetzaya yahakhulelihana, ni yahithuma mathala awawe ole opa miyapu, wira ekhale mahiye anan'wa. ⁸ Tivo mathala'ale anatzimiya mathala aphome m'paka elelo ⁹ Tzitzan'mo yahonaneya ele yalepiye ni profeta Jeremia, yira'le: Yahikuxiya n'tzurukhu miloko miraru yaparatha, n'tzurukhu yalapiye naxinamwane o Israel, yole awo yahimalyaya ehissapu, ¹⁰ ni khuthuma mathala an'lupo upa miyapu, n'toko apwiya tzakirumalyaya. ¹¹ Yeso ari ni n'holeli alapo, ni n'holeli ole ahin'koha: Tiweyano mwene ayuta? Ni Yeso ahakhula: Nyu mohimya. ¹² Ni anari yena ohotheriya namaholeli a tini ni mahumu, khivo yena yakhulalyawe. ¹³ Pilato, vano, ahimuirela: khunin'wa tzotene nýo tzinotheriyao? ¹⁴ Vano Yeso khivo yakhulalyawe hata molumo nimotza, m'paka n'holeli ole alapo ahikhala oxan'ka. ¹⁵ Van'tjam'poni n'holeli anamopolaka naperetzu n'motza vatthuni, yole yena yan'phelaya. ¹⁶ Ni yahana vano n'motza atzuwelexiya vintjene, atzimiyan Barrabasi. ¹⁷ Vano'tho , yahithukumana, Pilato ahakoha: Tipani n'nin'phelen'nyu wira kimopole? Barraba, walani Yeso ole onatzimiya Kristo? ¹⁸ Okala wira yena anitzuwela wira yan'vahera n'rima. ¹⁹ Ni yena anakilathale nipuro nin'phukiya milathu, amwarawe yahirumiha n'hupi: N'hivareni etthu wa naxariya owo, okhala wira akirere ohawa mulohani mwahawe yena. ²⁰ Vano maholeli anamukutho ni mahumu yahiwirela atthuále wira en'vekele Barrabasi, ni ekhanyerere okhwa wa Yeso. ²¹ N'khulupale ahakoha: Tipani wala en'li mwin'phelen'nyu wira kimopole? Ni yahakhula: Barrapa! ²² Pilato ahiwirela: kimwirihe, Exeni, Yeso, ole onatzimiya Kristo? Otene yahira: Akhomeliye! ²³ Vano n'khulupale ahikoha: N'kan'rowe, Erale exeni yonanara? Awo yanitepa onyakula vintjene: Akhomeliye! ²⁴ Vano Pilato vonalyawe wira khivo yarera, ohiya eyo yanatepa onyakula, yena ahikuxa matzi, ahinyawa oholo watthu, ni khwira: khivo erinaka wa ephome'awe. N'lathu tiwawinyu. ²⁵ Ni atthu otene yahakhula: Ephomeáwe enimwarele hi, ni yamwarele axanehu. ²⁶ Vano ahavaha Barrabas, vano khurumihaka othukiya Yeso, ni khun'vaha wira akhomeliye. ²⁷ Otharelana waya, atoropa a kovernatore yahin'kuxa Yeso khun'rowana opwaro, yahitakaniyana yayena otene atoropa. ²⁸ Awo yahin'khunula kun'wariha etjupa yoxerya. ²⁹ Ni numala on'wariha ekhara yamin'wa, ahiwarihiya n'muruni mwawe, ni n'latzi n'atatan nawe nelopwana. Numala, yahikokhoratza oholowawe, en'ruwanaka, ni khinira: N'rethele, Mwene a Yuda! ³⁰ Ni yahin'xuwela, yahikuxa n'lantzióle, ni yahin'manana vamuru. ³¹ vamalihalyaya on'nyohola, yahin'rulatza n'leya nan'warihalyaya, khun'wariha ekuwo tzawe, ni yahin'kuxa wira yan'khomele. ³² Vakhumalyaya, yahin'phanya n'lpwana n'motza Ocirene, atzimiya Simon; ni ahikhanyereriya wira an'kuxe mwikimanyo. ³³ Ni vaphinýalyaya nipuro natzimiya Okolokota, nin'taphulela wira "nipuro na nikurukutja" ³⁴ ahivahiya wira awurye evinyu yotakanihiya wamwe. Ni valawihalyawe, khatthunale owurya. ³⁵ Ni eyan'khomelale, yahikawanatza ekuwo tzawe, Khiya vonyerana erisiikhi. ³⁶ Vano yahikilathi, ni vale yanin'wehererya. ³⁷ Ni yahihela, vatzulu vamuruawe, yele yamotheryaya enalepale: OLA TI YESO, MWENE AYUDA. ³⁸ Vano yahikhomeliya niyena anamanyala en'li, n'motza mono welopwana , nin'kina mono wetthiyana. ³⁹ ale Yavira yanin'nyohola Yena, ekupukupuwihaka mirutzaya, ⁴⁰ ni khiyera: We on'pwexa enupa yamuluku, ni mahiku mararu khuteka, witzopole we! yakhala wira wa mwana An'luku, okhuruwe vamwikimanyoni vo. ⁴¹ Tzitzan'mo maholeli anan'kutho, ni anamalepa,ni mahumu, yanin'nyohola yiraka: ⁴² Wowopola akina, vano wamwaneniao khun'werya witzopola. Yena mwene o wisrael, okhuruwe nin'nano vamwikimanyo, ni ninawukupali. ^{43 44} Wahin'roromela N'luku, awopole nin'nano va, ophelanaka yorera; we wanira: "Kamwana an'luku" Ni anawinýe yakhomelaniyawe ni awo yanin'nyohola. ⁴⁵ Vaphiyalyaya okathi wa thano namotza yahikhala ewiriphi elapo yotene m'paka okathi wa thanu natjexe. ⁴⁶ Ni yathamelaka ewora thano natjexe, Yeso ahikhuwela vin'tjene: Eli, Eli, lema sapactani? Eyo en'himya wira M'lukwaka, N'lukwaka, n'kihiyerale exeni? ⁴⁷ Ni akina yari vavale, vin'walyaya, yahira: Yena onimwatzima Elia. ⁴⁸ Nin'nanoro n'motzaya ahithimakatza ni ahikuxa exiponxa. Vano ahihelela evinakri, ahihela van'tathini, khinan'vaha owurya. ⁴⁹ Vano akina yahira: Nin'hiye, nimone yakhala wira Elia onamopola. ⁵⁰ Yeso ahikhuwela vakina mwin'tjene, ni khuvaha n'nepawe. ⁵¹ Ni vano n'leya nam'pani man'luku yahanyuwa ephantha pili, okhuma otzulu m'pakha vathi, ethaya yahithukumela, ni maluku yahikhuma minyatha. ⁵² Mahiye yahitthukuwa, ni irutthu tzintjene yatthu orera yakhwale khalai yahihimuwa. ⁵³ Ni vamalalyaya ohihimuwa, yahikhuma n'mahiyeni, yahikela epoma yawarya, ni yahakhumelela intjene. ⁵⁴ Ni n'holeli anakhotho, ni ale yan'wehererya Yeso, vawehalyaya eteterre ni itthu tzakhumelelale, yahova mwin'tjene, ni yahira: Ekhweli ola ari mwana An'luku. ⁵⁵ Athiyana intjene, okhuma okalileya yan'tharale Yeso, ni yan'rumela, yari vavale, ewehaka othiawene. ⁵⁶ Yawotze ari Maria Makdala, ni Maria mamawe Tiago ni a Yosefh, ni amamaya axana a Zepeteu. ⁵⁷ Ni oraka ni win'la, ahiwa n'lopwana othatjiri akhumale warimateiya, atzimiya Yosefh, yowotho ari anin;thara Yeso. ⁵⁸ Yena ahiphiya wapilato, ni ahivekela n'rutthu wa Yeso. Vano Pilato ahiruma wira arowe avahiye. ⁵⁹ Yosefh ahikuxa n'rutthu, ni khun'putaputerya vaxukhani orera, ⁶⁰ ni ahin'hela mahiye matzia, athipalyawe vamwala; otharihela waya ahipikirixa n'luku nulupale khuhela van'khora va khapuri, ni khurowa owani. ⁶¹ Ni vale ahavo Maria Makdala ni Maria n'kina, enakilathalene oholo wakhapuri. ⁶² N'meloni waya, niri wumalihani worerihiya, maholeli akhulupale a n'pa yan'luku, ni afaritzi yahithukumana ni Pilato, ⁶³ ni yahira: Mweni, hiyano nihupuwela wira namotha ole anari n'kumi, ahira: "Yamala mahiku mararu kinahihimua". ⁶⁴ Vano rumani wira ekhapuri'ryawe ekhale yolipeleliya m'paka nihiku naneraru, wira ehikhumelele wiraneya awixuti'awe, ewe emwinýe, ni yahimeryeke atthu wira yena ohihimuwa mukhani; tzitzan'mo wottha womaliya on'rowa okhala wotepa ovikana wopatjera. ⁶⁵ Pilato ahimwirela: Nyuwano mokhalana anamilipelela. Rowani mwalipelele n'toko tzin'tthuninyu. ⁶⁶ Ni awo yahikhumavo, ni yahilipelela mahiye natthu, ni yahihela n'thonyero.