¹ Vano afaritzi ni masaduceu yahimwathamela ni, yaphela omwehererya, Yahin'vekela wira athonyere n'tikiniho n'motza wawirimo. ² Vano Yena ahiwakhula: Waphiyaka makaripi mwin'nira: "onakhalana okathi worera, vano otzulu tiwoxerya". ³ Ni vaxalyaya, "elelo enakhalavo kaxikatzi, okhala wira erimu kirere oxerya ni otikinihiha", Nyu motzuwela wona makhalelo o'tzulu, vano tzothonyera tzokathi khimwin'tzuwela? ⁴ N'loko nawopiha ni namathen'tzi nin'vekela n'thonyero, hata n'thonyero nimotza khimwin'vahiya, wohikhala n'lokaniho na Yonasi. Vano ahahiya khukhumavo. ⁵ Ni arumei vawalyaya ekhopela ekina, yahiliyala okuxa n'kathe. ⁸ Ni Yeso ahiwirela: "Mwiwelele, ni mwikasoope ni furmento ya faritzi ni a saduceu. ⁷ Ni ayena yahithukutha mekaya yiraka: Enonihera wira khinikuxale ⁶ n'kathe. Yeso ahitzuwela, ni ahira: "Exene mwinthukuthinyu nyenyuru, alopwana an'roromelo nan'khani, khin'rina n'kathe? ⁹ N'namlelo khin'nakupali, walani khimwinupuwela mikathe mithanu watthu ekonto pili. ni ithan'ka kavi tzahalale? ¹⁰ Walani ehopa thanu napili, ni ethan'ka tjexe tzahalale? ¹¹ Mopora xeni ehitzuwelalenyu wira yari mwaha wan'kathe miyano yohimeryalyakani? Vano mwikasoope wa furmento ya Faritzi namasatuceu. ¹² Vano yahupuwela wira yena khahimyiale wira yikasoope ni furmento yan'kathe, vano tzowethela tza faritzi ni masatuceu. ¹³ Ni vawalyawe Yeso m'phanthe wo Cesareiya wa Filipe, ahakoha awixuthia'we: Atthu an'himyani wira mwana an'tthu tipani? ¹⁴ Ni awo yanakhula'tza: Akina Yohani M'patitzi, akina Elias, ni akina Yeremias walani namiririmo n'motza. ¹⁵ Yena ahahimerya: Nyuwano mwin'hima exeni wira kapani? ¹⁶ Ni Simon Peturu ahakhula: "Nyu mwa Cristo Mwana An'Luku N'kumi"! ¹⁷ Ni Yeso ahakhul: "Oreriya ti weyano, Simoni, mwana a Yonasi; Okhala wira kahiyena yuvahale akhili weyano, Tapapaka, ari wirimu. ¹⁸ ni miyano kinawuhimerya wira we wa'Peturu, wan'lukun'na kinateka ekerejaka; ni mikhora tzomothoni khin'rowa okhalana owerya. ¹⁹ We kinawuvaha en'thukula mikhora tzotzulu; Tzotene on'rowao olun'ka vathi anorowa yalun'kiye wirimu; Ni tzotene on'rowao otaphula vathayani enarowa otaphuliya wirimu. ²⁰ Vano awaruma arumei'yawe wira ehin'himeryeni n'tthu wirari yena ti Cristu. ²¹ okhuma vavale yeso ahipatjera wathonyihera arumei'yawe wira yena ahana arowaka O'y, erusalem ni ahawe vintjene nanakhulu, ni maholeli anan'kutho, ni asoomi, ni win'viya, ni ohihimuwa nihiku naneraru. ²² Ni peturu ahin'kuxa an'ranaka m'panthiawero, ni khupatjeraka on'laka, eraka: Kiniwonelani otthun'ku we, Pwiya! Etthu n'toko eyo ehukhumeleleni. ²³ Vano Yena ahirukunuwa, khumwirela Peturu: Khumelan'wo, xethwani! We wan'kutzo, okhalawira khun'tzuwela itthu tzan'Luku, pahi tzolumwenku. ²⁴ Vano Yeso ahiwirela arumeiyawe: Yakhala wira ohavo on'phela okithara miyano, ekhothe mekhawe, an'kuxe mwanene mwikimanyoawe, ni akithare. ²⁵ Vano yole om'phela wopola okumiyawe onan'pweteya; Vano yole mwaha wamiyano on'rowa on'pweteya okumiawe mwaha wamiyano, ola onaphwanya. ²⁶ Vano on'phwanyani n'tthu ophwanya itthu tzolumwenku wotene, vano khurimela n'nepaawe? ²⁷ Vano Mwana an'tthu onawa ni warya wapapawe ni malaikhawe, ni onan'thuvela wakhula n'tthu tzitzan'mo tzin'tthunawe ovara n'teko. ²⁸ Ekhweli kinawuhimeryani, wira ahavo va akina, an'rowa ohilawiha okhwa, m'paka emone mwana an'tthu awaka numwene'awe.