^{1 2 3} Vano mafaritzi makina ni atzuweli o Yerusalem yahimwathamela Yeso, ni yahin'koha: "Exeni arumein'nyu ahintharaya ekano ekano tzanakhulu? okhala wira awo khan'nyawa yaphelaka okura n'kathe. Vano Yena ahiwakhula: "Vano nyuwano exeni ohitharihaka ekethelo yan'Luku mwaha tzolamalelatzanyu"? ⁴ Vano N'luku ohimya: Wathithimihe apapao ni a mamao; ni ontthuna waruwana apapawe walani a Mamawe akhale otthukeleya wukhwani. ⁵ Vano nyu n'nira: Yole on'thuna owirela apapawe walani a mamawe: 'Yotene tzorera arowawe okhalana wa'mi ethuvo yorera wa n'luku', hata ohathithimihaka apapao ni amamao" ⁶ Ni tzitzan'mo mwinnyemula momlumo an'luku mwaha tzolamalela tzinyu. ⁷ Anawothe! Iesaiya ahihimya mwaha wa nyu, iraka: ⁸ N'loko'na niyanotzaya an'nikithothopela; vano erohoáya eri otyawene wa mi. ⁹ Vathiru vale, awo an'nikikokhorela, yixuthihaka ekethelo tzatthu. ¹⁰ Vano ahiwatzima atthu emwathamele, ni ahahimerya: N'kiwelele ni n'xututi. ¹¹ Kahiyena en'kela mwano enin'thapuliha pinatamo; Yohikhala en'khuma mwanomwawe, eyo tinin'thapuliha n'tthu ¹² Vano awixuthi'awe yahimwathamela yena, ni yani'nkoha: Nyu motzuwela wira Mafaritzi yahinanariya ehora yin'walyaya molumo'ala? ¹³ Vano Yena ahakhula: Mwiri wotene apapa ahalalyaya on'rowa opheliya nin'tithari'aya. ¹⁴ Mwahiyeni awo amaholeli ohona ahinona. Ni khona an'holelaka khona n'khwawe, opili tzaya an'morela n'lithini. ¹⁵ Ni Peturu ahira: "Nihimeryeni n'likanihon'no. ¹⁶ Vano Yeso ahira: M'paka va nyu khin'nathi wixutha? ¹⁷ Khimwin'tzuwela wira yotene en'kela mwano en'rowa n'mirimani, vano khukhumelaka sirini? ¹⁸ Vano itthu tzin~khuma mwano tzin'kuma varohoni, inýo kkhinan'thapuliha pinatamu. ¹⁹ Okhala wira varohoni titzin'khumaya itthu tzonanara, win'nva, oraruwa, itam'pi tzan'kuwoni, winýa, wotha, oveha. ²⁰ Itthunýa tinýe tzin'honona eruthu yapinatamo, vano otja winyawale khinin'thapuliha pinatamo ²¹ Ni Yeso vakhumalyawe vale, ahirowa nthethe wo tiru ni wo Sidom. ²² Ni n'thiyana a elapo yokananeiya, akhumale nthethe yole, ahikhuwela: Mwene, mwana a Davi, koneleni othunku! Mwanaka kharere ohawa mwaha wa matjini. ²³ Vano Yena khamwakhulale ni molumo. Vano arumeiyawe yahimwathamela, ni yahin'vekela yiraka: Mwireleni akhume'va, yena onanyakula otthuliwihu. ²⁴ Ni Yena ahakhula: N'kiwihiye wira wa n'tthu wohikhala wa epwithipwithi tzorimela enupa yo wisrael. ²⁵ Vano Yena ahiwa kukokhora vakhiviru vawe, Iraka: Pwiya, Kikhalihereni. ²⁶ Vano Yena ahakhula: Kahiyena yorera okuxa n'kathe wanamwane ni wavonyera axana elapwa. ²⁷ Ni, Yena, ahira: Ayoni, Pwiya. Tzitzan'mo axana anapwa an'nilya, itathela tzin'mora nipuro nin'lya pwiya. ²⁸ Vano Yeso ahimwakhula: "Wé n'thiyana, nulupale n'roromelo nao. Wa weyano yiraneye mwana weyano tzin'mphelao. Ni okhuma okathi yole mwanawe ahivona. ²⁹ Ni vamalalyawe Yeso, ahikhuma vale, ahiwa ephareya yo kalileya. Yena ahiwela vamwako, ni ahikilathi. ³⁰ Ni yahin'wela atthu intjene, yarina atthu opophorowa, ohona, ahinin'wa, ni intjene akina; ni yahawana emwathamiheraka Yeso, ni Yena ahavoniha. ³¹ wa mwaha yola, intjene yanixan'ka ne etikinihiyaka vawehalyaya atthu ahin'lavula elavulaka, yahetha yethaka, opophorowa yemelaka, ni ohona yonaka; vano yanin'thothopela N'Luku a Israel. ³² Yeso ahiwatzima arumei'yawe, ni ahihimya: "Kin'niwonela othun'ku atthuala, okhala wira mahiku mararuála enari nimi, ni kharina etthu yotja. Ni n'kim'phela wahiya enatthukale, wira ehitzirikhe n'phironi. ³³ Ni arumei yahimwakhula: Nin'rowa ophwanya vaini iphau tzintjene nipuro n'toko n'na nothowa etthu, wira narupalihe atthu intjene n'toko ala? ³⁴ Yeso ahakoha: "N'rina mikathe mikavi? Ni ayena yahira: "Thanu na pili" ni ihopa vakani. ³⁵ Vano aharuma wira atthu otene ekilathi vathi. ³⁶ Ahikuxa mikathe inýe tanu napili, ni ihopanýe, ahivaha mahala ni ahimeya. Votharana, Yena ahavaha arumei'yawe, arumei khwavaha atthu. ³⁷ Ni atthu otene yahitja ni yahivona; vano tzahithotheliya tzahalale ithan'ka thanu napili tzotzala. ³⁸ Ni yalyale yari ekonto tjexe alopwana ohahela in'hissapuni athiyana ni anamwane. ³⁹ Vamalalyaya waleha atthua'le, Yeso ahikela n'kalawani, ni ahiwa n'thethe wo Makata.