¹ Miyano kuhimeraleni etthun'yo wira mwikwathuliyeni. ² Awo anawomulani M'pani mwan'luku. Ekhweli, onira ophiyaka okathi ole otene ale an'rowa owin'vani an'rowa wupuwelaka mana anin'lom'pa N'Luku. ³ Awo anawira n'yo okhala wira khanazuwela Apapa hata Miyano. ⁴ Miyano kuhimeryaleni etthun'ya wira, okathi waphiyavale, mupuwele namuna Miyano kuhimeryalakani mon'koni wa zen'yo. Miyano akuhimeryaleni wupatjerani okhala wira Miyano kari ninyuwano. ⁵ Zizan'mo, Nin'nano vaa Miyano kin'rowa wale akirumale; ni khavo wan'moza wa nyu on'kikoha; 'Mwin'rowa vai?'. ⁶ Okhala wira kihuhimeryani etthun'ya, oripiya eroho ehuzalani varohoni. ⁷ Zizan'mo, Miyano kinuhimeryani ekhweli: Yorera wa nyuwano Miyano kirowe; Khwukala wira Miyano akin'rowa, namamaliha khanuwelani nyuwano; masii Miyano karowavale, kinan'veleliwa wa nyu. ⁸ Awavale namamaliha, onaxututiha olumwen'ku n'mon'koni wa tan'pi, ya xariya ni ophuka. ⁹ Wa tan'pi okhala wira khakiphelale Miyano; Wa xariya, okhala wira Miyano; ¹⁰ kin'rowa wa Papa, ni nyuwano khimwin'konatho; ¹¹ ni ophuka, okhala wira n'holeli a olumwen'ku ori ophukiya. ¹² N'nanlelo kihana etthu zintjene wira kuhimeryeni; masii khimwin'rowa ozuwena nen'nanova. ¹³ Mwazizan'mo okathi Yena, N'nepa wekhweli, wawavale, Yena onawuholani wekhweli yotene; okhala wira khun'rowa wihimyakaza mekhayaru, masii Yena on'rowa ohimya zotene zin'walyaya, ni on'rowa wuhimeryani etthu zin'rowa wiraneya. ¹⁴ Yena onakithothopela, okhala wira onawakhela ele eri yawaka, ni onawuhimeryani. ¹⁵ Zotene arinaaya Apapa tizawaka; vano n'yo, Miyano kohimya wira N'nepa onawakhelela ele eri Yawaka, ni onawuhimeryani. ¹⁶ Okathi vakani, nyuwano khimwin'konatho; ni onaviralene okathi vakanitho, vazia n'nakona". ¹⁷ Vano, arumeiyawe akina yahira n'moza nin'khwawe: "Exeni yeyo on'himyawe: Okathi vakani khamwin'kiweha', ni n'nan'lelo, okathi vakanitho, ni vazya n'nakiweha; ni, okhala wira miyano kin'rowa wa Papa'?". ¹⁸ Tivo, yahiraza: "Exeni yeyo on'himyawe: 'Okathi vakani'? Hiyano khinin'zuwela etthu xeni Yena on'himyawe". ¹⁹ Yesu ahizuwela wira an'phelaza on'koha, ni khuwirela: Mwin'kohanaza nyenyuru n'mon'koni mwa yeyo Miyano kihuhimeryani: 'Okathi vakani, nyuwano khimwin'konatho; ni onaviralene okhathi vakani, vazya N'nakona'? ²⁰ Vekhweli, vekhweli, kinawuhimeryani, nyuwano n'nawun'la ni n'nathukutha, masii olumwen'ku onatheliya roho; nyuwano n'naripiya roho, masii oripiyawinyu roho on'rowa othatuwa ohakalala. ²¹ Mwan'thiyana on'ripiya roho ahalaka oyara okhala wira okathiawe woyara ori vakhiviru; masii numala oyara, khanupuwelatho owereya waya, mwaha wotheliya roho okhala wira onýara mwanawe mulumwen'kuni. ²² Zizan'mo, nyuwano moripiya roho nen'nano vaa, masii Miyano kinawuwehani vayza; ni eroho zinyu zinatheliya, ni khavo on'rowa okumiha otheliya winyu roho. ²³ Nihiku nen'ne, nyuwano khimwin'kikohatho etthu. vekhweli, vekhweli, kinawuhimeryani, mwavekelavale etthu emoza Apapa mwan'zinanaka, Ayena anawuvahani. ²⁴ N'paka nen'nava khin'navekele etthu mwan'zinanaka; vekani ni n'nawakhelela, wira otheliyawinyu roho omalele. ²⁵ Miyano kuhimeraleni etthun'yo n'mon'koni mwan'likaniho; masii on'niphiya okathi ohin'rowaka olavula mwamalikaniho, masii waxariya kinawuhimeryani mwaha wa Papa. ²⁶ Nihiku nen'ne, Nyuwano n'navekela Mwan'zinanaka, Ni Miyano akin'himya wira kinawavekela Apapa mwaha wa nyuwano; ²⁷ okhala wira Apapa an'nuphentani, okhala wira nyuwano mwin'nikiphenta ni nin'nikupali wira kiwale wa Papa. ²⁸ Miyano kiwale wa Papa mulumwen'kuni muu; vazya Miyano kinahiya olumwenku ni kin'rowa wa Papa". ²⁹ Arumeiyawe yahira: "Vano mwinlavula yawoneya; ni khimwinkuxa milikaniho. ³⁰ Vano nozuwela wira nyu mwin'nizuyela etthu zotene, ni kimwin'phela wira n'kohakohiye. Mwaha wa yeyo, nokupali wira mwin'khuma wan'luku. ³¹ Yesu ahiwakhula: "Vano, mokupali? ³² Onaphiya okathi, ni ekhweli wophiya, yuwano mwin'rowinyu omwareya khula n'moza on'rowawe owan'nyawe, ni mwin'rowa okihiyaza Mekhaka. Masii n'kiri mekhaka, okhala wira Apapa ari nimiyano. ³³ Miyano kuhimeryaleni etthunýa wira n'khalane n'rethele wa Miyano. Mulumwen'kuni n'nakhalana mixankiho, masii lipani n'rima; miyano koxintha olumwen'ku".