¹ Miyano ka mwiri wekhweli, ni Apapa namalima. ² Eritha yotene eri ni Miyano ni kihinen'ma mihokorokho, Yena onathikila; ni eritha yotene enin'ma, Yena onarerehela, wira yin'meke sanene. ³ Mothuwa mwa molumo Miyano kinuvahakani. ⁴ Khalani mwa Miyano, ni Miyano wa nyu. mana erin'tha ela khinin'ma mekhaya wohikhala vamwirini waya, zizan'mo nyuwano khimwin'khala nyu mwahikhale owurana Nimiyano. ⁵ Miyano ka mwiri, nyuwano, mwa eritha. Yole on'khala mwamiyano ni Miyano mwayena, owo on'nin'ma mihokhorokho zin'tjene, vano yohikhala mwamiyano khivo en'tthuninyu ovara. ⁶ Yakhala wira owo khan'khala ni Miyano, onathikheliya potaa mana erin'tha, ni khinun'ma; ni erin'tha zen'yo zinatakanihiya, khuvonyeriyaka ven'kho ne khinapahiya. ⁷ Mwakhala wa Miyano, ni molumwaka khukhala mwa nyu, n'naveka etthu en'phelen'nyu, ni n'navahiya. ⁸ Apapa an'nithothopeliya mwaha wa yeyo: Wira mwime mihokorokho; ni zizan'mo n'lawiheokhala arumeiyaka. ⁹ Mana Apapa akiphentalyaya, zizan'mo ni Miyano kihuphentani. Khalani nin'phentoaka. ¹⁰ Mwintjathi vale ekano zaka, n'nakhala mwin'phentoni mwaka, zizan'mo Miyano kin'khalaka n'kanoni Mwapapa ni mwin'phentoni waya kin'khalaka,. ¹¹ Miyano kin'nuhimeryani etthu n'ya wira otheliya waka eroho okhale ni nyuwano, ne ohakalala winyu okhale womalela. ¹² Ela ekanoaka: wira m'phen'taneke n'moza nin'khwawe mana Miyano Kuphentalyakani. ¹³ Khavo orina m'phento mulupale wovikana ole on'vaha okumyawe mwaha waxipathaniawe. ¹⁴ Nyuwano mwaxipathaniaka mwavara etthu kinurumakani. ¹⁵ Akiniwazimanitho anan'teko, okhala wira nan'teko khan'zuwela etthu on'varawe pwiyawe. Miyano kiniwazimani apathani, okhala wira kihuhimeryani zoteni kin'walyaka na Papa. ¹⁶ Kahiyena nyuwano n'kithan'lale; masii Miyano kuthan'laleni ni khuvahakani wiira n'rowe mwin'me mihokorokho, ni mihokorokho zinyu ziikhale, wira Apapa yuvaheni zotene en'vekelen'nyu mwan'zinanaka. ¹⁷ Ela kin'nurumani: M'phentane n'moza nin'khwawe. ¹⁸ Olumwen'ku wunyokhakani, zuwelani wira, nyuwano mwinathi, owo wokinyokha Miyano. ¹⁹ Mwakhalale olumwen'ku, olumwen'ku wanawuphentani mana timwawaya; masii okhala wira kimwihiyo awaya, ni Miyano kothan'la wukumihani mulumwenkuni, timwahaya olumwen'ku onunyokhayani. ²⁰ Mupuwele molumo kuhimeralyakani: 'Nanteko kahiyena mulupale khwun'vikana pwiyawe'. Vatharathariaka Miyano, ninyuwano n'natharathariya; Mwin'welela vale molumwaka, ni nyuwano anamwiweleliya molumwinyu. ²¹ Awo anawira zotene n'yo mwaha wan'zinanaka, okhala wira khanin'zuwela ole okirumale. ²² Miyano kahawale ni khwhimeryani, khimwakhalana etan'pi; masii vano khavo on'rowa oruna etam'pi zawe. ²³ Yole on'kinyokha, Yowo on'nanyokha Apapa. ²⁴ Yari wira Miyano n'kavarale wayena miteko n'yo zihipakalyawe n'kina, khimwakhalana etan'pi. Masii vano yahona ni khukinyokha vintjene hata na Papa. ²⁵ Eyo en'khumelela wira molumo alepiye n'kanoni mwaya yiraneye: 'Yahikinyokha Miyano Vohin'lathu'. ²⁶ Awaru namamaliha, Miyano kin'rowaka wuvelelihani wa n'phanthe wa Papa, N'nepa wekhweli, on'khuma wa Papa, Owo on'wela wira oxahiti wa Miyano. ²⁷ Ni nyuwano n'nawirela oxahiti, okhala wira mwin'khalaka Nimiyano okhwuma wupatjerani.