¹ Panguwa, yemanga makafa mu ushaishi nezwitema zvenyu, ² zvakaita kuti muhambe mumakwanza enyika ino, mererano ne akuru emhepo. Uyu imweya wo uya urikusenza mu ana emusikazwa. ³ Isusu tese tanga tiri pakati pe ekusatenda aya, Taiita zvidho zvakashata zve nyama dzedhu, tetchiita kudha kwe nyama no murangariro wedhu. Tanga tiri ana eushungu se zvinoita amweni. ⁴ Mwari mupfumi muusisi, ngekudha kwe rudho rake guru raAkatidha naro ⁵ Petanga takafa muzvitema, iyena wakatiunzisira ndaramo pamwepo naKirisitu. Imwimwi makaponeswa Nge kudha kwe nyasha. ⁶ Mwari wakati purumutsa Naye wakatigadzika pamwepo mumbuto dze kudhenga muna kirisitu Djesu, ⁷ kuitira kuti, munguwa inoteera, iyena akwanise kutipangidzira upfumi wakawanda we nyasha Dzake nokunaka kwake muna Kirisitu Djesu. ⁸ Nge nyasha makaponeswa, nokudha kwe kutenda, izvi azvibzi kwemuri, itchipo tcha Mwari. ⁹ Akudhapi kwe mabhasa, kuti pasawe no umwe unozvitutumadza. ¹⁰ Nguekuti isusu tiri zvisikwa zva Mwari taka sikirwa muna Kirisitu Djesu kuti tiite mabhasa akanaka, awo Mwari wakatinatsirira kare kare, kuti tihambire maari. ¹¹ Hino pano edzurirai, mahedeni munyama, munodhaidzwa "okusatchekerwa" no akatchekerwa aya pa nyama nge nyara dzetchi anhu, ¹² zvekuti panguwa iyona manga makasiana na Kirisitu. Manga muri anhyakudharika ku anhu ekuIziraeri manga muri kundze kwezvitenderano zve rugondeso, musina rukariro ra mangwana uye pasina Mwari panyika. ¹³ Zvino pano, muna Kirisitu Djesu, imwimwi, manga muri kure na Mwari, maunzwa paduze Naye no ngazi ya Kirisitu. ¹⁴ Ngekuti Iyena ndiye runyararo redhu. Iyena wakavenganidza zviiri kuita tchimwe bhasi. Ngenyama Yake Iyena wakapwanya madzitiro ekusazvirana tchaiti paradzanisa. ¹⁵ Zvinoti kudhai, iyena wakafudza mutemo nozvakatemerwa kuitira kuti akwanise kusika munhu mutswa maAri, nokuunza runyararo. ¹⁶ Kirisitu wakabhatanidza madzinza mairi na Mwari munyama imwe bhasi nge kudha kwe mutchinjikwa, etchipedza kusazwirana. ¹⁷ Djesu wakauya etchiteketesa runyararo kwemuri manga muri kure no anga ari paduze. ¹⁸ Nekuti, nge kudha kwaDjesu, tese takaona mukana kuna Bhabha mu Mweya umwe. ¹⁹ Hino, imwimwi mahedeni, amutchiripi anhu e kunza no atorwa. kunze ko izvi, muno rarama pamwepo no anhu atsweni a Mwari, muri nhengo muukama naMwari. ²⁰ Maka simbiswa pamusoro pe masoko e maphositori no maphorofita, ari iyena Djesu Kirisitu bhuwe rinodhikanwa. ²¹ Ma Ari, tchiwakwa tchese tchinotsamira nokukura hingana thembere muna Ishe. ²² Muri kuwakirwa pamwepo maAri hingana nyumba yaMwari muMweya.