¹ Saka, hama, tinamatirei kuti soko raIshe ribharariswe nokukasika uye rikudzwe, nomushobho umweo sezvakaitika nemwi, ² uye kuti tisununguke pa anhu ashaishe uye akashata, nokuti kune asina rutendo. ³ Asi Ishe akatendeka uye atchakusimbisai uye atchakutchengetai kune wakashata. ⁴ Isusu tinokuthemba kuna Ishe pamusoro penyu, kuti murikuita uye mutcharamba metchindoita zvatakakufundisai. ⁵ Kuti Ishe nga sesedze mwoyo dzenyu kune rudhu raMwari uye pakushingirira kwa Kirisitu. ⁶ Saka hama, tinokutumai muzina raIshe Djeso Kirisitu, kuti tambirai kure nehama dziya dzisikadhi kuita tchiro zvisiripi patsika yatakakupai. ⁷ Nokuti imwimwi kamare munozviziya kuti munodhikana kutitedzera. Isusu atina tsika kana moshobho wakashata pakati penyu, ⁸ uye atirhi temunhu tisina kuripa. Kunze kwazvo, takasenza musimba uye tisina simba usiko nemasikate, kuitira kuti tisaremere munhu pakati penyu. ⁹ Titori nekodzero rekutambira tchiro nemwi, asi nokuti tinodhikana kusenza semufananidzo kwamuri, kuti, nokudharo mutitedzere. ¹⁰ Patanga tirinemwi, takakutumai izvi: "Kana munhu asikadhi kusenza, yena ngasarhe". ¹¹ Nokuti takazuwa kuti kune arikufamba asikaiti tchiro pakati penyu; aona asenzi, asi, kunze kwazvo, anopindira zviri muupenyu dze amweni. ¹² Saka tinokutumai uye tinokuyambirai muzina raIshe Djeso Kirisitu kuti, nokudzikama, musenze uye murhe zviro zvenyu. ¹³ Asi imwimwi, hama, musatsamwe ngokuita zvakana. ¹⁴ Kana munhu asika tereri soko iri mutsamba, mubvisei, uye musabhatane naye, kuitira kuti, nomushobho uyu yena atswerudzwe. ¹⁵ musamuone semuwengi, asi mubhatsirei se hama. ¹⁶ Kuti Mwari watcho werugare ngakupei rugare munguwa yese uye nomushobho dzese. Kuti Ishe ngawe nemwi mwese. ¹⁷ Nenyara dzangu ndirikutara izvi, inini Pauro ndingokukutchungamidzai, uye nditcho tchiratidzo tchangu mutsamba dzese. Ndiwo matariro angu. ¹⁸ Kuti nyasha dza Ishe wedhu Djeso Kirisitu ngadziwe nemwi mwese.