¹ Ni kahiweha okathi Mwapwittipwitthi atthukulalene mikhoyi thanu napili, ni kahinwa wa m'motja a in'ye ikumi tjihimyaka ni ntju nookhuwela ntoko etari: ''Nwe!'' ² Ni kahoona, ni ekhavalo yottela, awelale akhavalo eyo ahinkuxa arku, ni owo ahivahiya ekhara. Ni ahikhuma ntoko namaxintta wira axintte. ³ Okathi Mwapwittipwitthi atthukulalyawe nkhoyi wa enenli, kahimwinwa ole nkumi a enenli iraka:''Nwe!'' ⁴ Ni yahikhuma ekhavalo ekina, oxerya, ni ole ettiha ekhavalo ahivahiya owerya okumiha nrettele elapo ya vathi, wira atthu yinvaneke yaworu, ni ahivahiya ekatana yulupale. ⁵ Okathi mwapwittipwitthi atthukulalyawe elivuru ya nattharu, kahimwinwa ole nkumi a nattharu iraka: ''Nwe!'' Ni kahona, ni ekhavalo yoripa ni ole eettiha ni epalantja m'matatani mwawe. ⁶ Kahinwa naakhala mwa ntju eriyari ya iye ikumi, tjiiraka: ''Nthintho m'motja a etrigu mwa esisapo emotja, ni nthinto ttharu ya ecevada etjitjapo emotja; ni n'hihonone makhura ni evinyu''. ⁷ Okathi Mwapwittipwitthi akhukulalyawe nkhoyi a netjese, kahinwa ntju a ole nkumi iraka: ''Nwe!'' ⁸ Ni kahona, ekhavalo ya emarela, ni ole eettiha ihaniya okhwa, ni Omoroni wanintthara. Wa awo avahiya owerya mphantti wa elapo ya vathi wira yinve ni ekatana, ni etala, ni okhwa, ni inama tja ntakhwani tja vathi. ⁹ Okathi Mwapwittipwitthi atthukulalyawe nkhoyi wa nethanu, miyano kahiweha vathi wa altari iroho tja atthu ale akhwiye mwaha wa Molumo a Muluku ni namona yarinaya. ¹⁰ Awo yahikhuwela ventji: ''Mpakha lini, Apwiya, owarya ni ekekhayi, munrowenyu ohiya walamula ale ankhala vathi, ni ophumela ephome-hu?'' ¹¹ Vano, wakhula ntthu ahivahiya ikuwo tjottela, ni awo yahihimeriya wira vanirerela wira yintjuwetho n'hina wokathi vakhani, mpakha amalele axin'naya yarowa okhwa tjitjam'mo awo tjikhwalyaya. ¹² Ni kahona okathi Mwapwittipwitthi atthukulalyawe nkhoyi wa nethanu namotja, ni yahikhala etetere yintji. Ntjuwa naari nooripa ntoko ikuwo tja ntthu okhwa, ni mweri ari ntoko ephome. ¹³ Ni itheneri tja wirimu tjahimorela vathi, ntoko nrale m'morossaya mihokorokho tjaya tjohittokottha okathi tjintathiyaya ni epheyo yintji. ¹⁴ Erimu yahithanliya ntoko ntthukula ephiro yaakhuniya, ni miyako tjotene ni itjitjiro tjahikumihiya mapuro aya. ¹⁵ Vano mamwene a vathi, alupale, aholeli, athatjiri, owerya, ipottha tjotene ni tjohikhala ipottha yahivitha m'miyakoni ni n'hina wa maluku a miyako. ¹⁶ Ni yanihimerya miyako ni maluku: ''N'nimorele hiyano! N'nivithe oholo wa ole okilathale vehitjeni, ni onanariya wa Mwapwittipwitthi. ¹⁷ Vano nihiku Naya nulupale noonanariya noophiya, ni tipani nrowa ohala emenlene?''