¹ Wa mahiku menli arowa okhala pasika ni ohakalala wa nkatthe tjohikhala miropo. Akhulupale anamukuttho ni anamalepa yetta aphelaka ontthukela Yesu ni amwive mwa esiri. ² Vano Yanihimya: ''Khahiyo eriyari ya pasika, wira ohukhume onyakula wariyari wa atthu''. ³ Yesu ari oBethaniya owanyawe Simoni, namakuttula, okathi walyawe wa metja, ahattamela nthiyana m'motja ni nrinki wari makhura owunkhela ni orika.Oyo ahinyanya nriki khun'yeherya Yesu vamuru, ⁴ numala akina yahitikinihiya. Ayo yanihimya yaworu: ''Mwaha wa xeni oyehi makhura owunkhela? ⁵ Makhura ala yamutumihiya ntjurukhu muntji ni avahiye atthu ohawa''. Ni anikottiheriya. ⁶ Numala Yesu ahira: '' Mwin'hiye voomala. Mwaha wa xeni nninyakulennyu? Oyo opaka etthu yorera wa miyo. ⁷ Eriyari wa Nyuwo anorowa okhala atthu ohawa wa khula okathi ni mwatthuna munanwirela tjorera Ayo, vano, nkinrowa okhala ni nyuwo mahiku otene. ⁸ Oyo opakale yaweryawe, oreliha erutthu aka woniheryaka ovithiya waka. ⁹ Wekekhayi kinohimeryani, wakhula nipuro na elapo ankelaya olaleiya ehapari, epakalyawe nthiyanola enarowa ohimiya, upuweliyaka''. ¹⁰ VanoYuda Sikarioti,wam'motja wale muloko nenli ahirowa wari anamukuttho wira anvahererye Yesu waiyawo. ¹¹ Numala anamukuttho wiwa eyo, yahihakalala ni yahimpakela natiri wonaha ntjuruku. Nuyo ahipatjerya ophela okathi wira anvahererye Yesu. ¹² Nihiku nopatjerya wa ohakalala ni mikhatthe tjohikhala miropo, numala opakiya mukuttho mwapwittipwitthi a pasika, Awixutti awe yahin'himerya: wowi muniphelin'nyu wira napake ohakalala wa pasika?'' ¹³ Oyo aharuma enli wa awixutti awe ni khahimerya: ''nrowe onttetteni ni nlopwana m'motja anarowa wophwanyani akusalene nrinki wa matji. Muntjare. ¹⁴ Ni khula nipuro okela,munthare ni munhimerya mwanene enupa: ''Mwinthuthihi onihimya: nipuro xeeni kinrowaka olya niira na pasika ni awixutti aka? ¹⁵ Ni oyo onorowa owoniheryani mpani mowatha itthu. Nreherye mem'mo. ¹⁶ Awuxutti yahikhuma khurowa onttettheni,yaphwanyale tjitjam'mo tjahimalyawe ni khutthenkatja eyolya yapasika ¹⁷ Wilalaya, Oyo ahirwa nale muloko nenli. ¹⁸ Okathi yalyaya, Yesu ahihimya: ''Wekekhayi kinohimeryani, um'motja wanyuwo,onlya nimiyo, onarowa okivariha''. ¹⁹ Otene yari oripiwa murima ahimyaka khula m'motja: ''Ti miyo?'' ²⁰ Yesu,akhulaka anahimerya: ''Ti um'motja wa muloko nenli, ole onrerya ni miyo nkatthe mwin'hatjani. ²¹ Okhala wira mwana anthu onrowa tjitjam'mo molumo anihimyaya mwa yoyo; Numala oyo onthuna onvariha? Wanirerela ahayariye. ²² Alyaka, Yesu ahikuxa nkatthe, areliha,ahin'na khwavaha. Vano ahira: ''Nlyeke, elaa erutthu aka''. ²³ Oyo ahikuxa ekalisi, avaha mahala, avaha ni otene yahiwurya. ²⁴ Numala ahahimerya: ''Elaa ephome aka ya watana, ephome eniyeheriya atthu entji. ²⁵ Wekekhayi kinohimeryani, miyo nkinwurya tho ekalisi elaa mpakha nihiku miyo kinkelaka owurya evinyu esya womweneni wa Mulu ²⁶ Numala wipiya ntjipo, yahirowa omwako w'Olivera. ²⁷ Yesu ahahimerya: ''Nyuwo othene munokihiya, okhala wira yolempwa: 'kinonvulaliha nkukhuli ipwittipwitthi tjinamwareyatja'. ²⁸ Numala ohihimuwa waka, miyo kinorowa oholo wanyu Ogaliliya''. ²⁹ Pedru ahimuhimerya: ''Hata atthu otene wohiyani, miyo nkinohiyani''. ³⁰ Yesu ahin'himerya Oyo: ''Wekekhayi miyo kinihimya, ohiyu yola, ohinatthi nthupi wipa ivara venli, nyu n'nakikhotta ivara vararu''. ³¹ Numala Pedru ahira: ''Hata miyo kikhwaka ninyuwo, nkinokhottani''. Otene yampakela natiri m'motjaru. ³² Ayo yahirowa nipuro n'nihaniya Jesemani, ni Yesu ahahimerya awixutti awe: ''Nkilatti va kivekelaka''. ³³ Oyo ahinkuxa Pedru, Yakobo, Yohani, ni ahipathera oxanka ni ahivelavela ventji. ³⁴ Yesu ahahimerya: ''Eroho aka yoripiya ventji, kinihalela okhwa. Nkale vava ni m'wehaweheke''. ³⁵ Yesu ahirowa attayi vakhani, ahimorela vathi ni onavekela, wira watthunaka oweraneya okhathi olee onvire. ³⁶ Oyo ahihimya: ''Aba, Tithi, tjithu tjotene tjin'niweraneya wanyuwo, nkumihe ekalisi elaa wa miyo. Vano, ohikhale otthuna waka, numala wawinyu''. ³⁷ Oyo ahithika,apwanyale arupaka, ni ahimuhimerya Pedru: ''Simoni, nyu n'narupa? khamuniwerya owehaweha n'nakhala okathi vakhani? ³⁸ N'wehaweheke ni nvekeleke wira muhimore mottehiwani. N'nepa tiwolikana, numala erutthu tiyowolowa''. ³⁹ Oyo ahitthikela tho okhuma ni anavekela ahimyaka molumo mamotjaru. ⁴⁰ Yesu ahithikelatho awathamela awixutti ni ahapwanya arupaka; meto awe yahilemeliya ventji ni ayo khiyatjuela yon'himerya. ⁴¹ Oyo ahirwa nkwaha wa neraru ni ahimerya: ''Nlelo n'narupa? womalela! okathi wopwiya. Mwana a ntthu onivahereriya m'matatani mwa anatampi. ⁴² Nvenye, niroweke! ole onirowa okivariha ohakuveya''. ⁴³ Wowakuveya, nlelo olavulaka, Yuda, m'motja wale muloko nenli, ahiphiya, ni muttitthi muntji wari ni Yoyo; akuxalene ikatana ni miri mphantti wa aholelo anamukuttho, anamalepa ni mansiyawu. ⁴⁴ Ole amutumin'he ahavaha ethonyeryo, iraka: ''Ti yole onkela ka onvaha epetjo''. Minthukele ni munkuxeke''. ⁴⁵ Okathi Yuda waphiyalawe, wowakuveya aronwe vari Yesu ni ahinhimerya: ''Pwiya'' ni ahimpetjari. ⁴⁶ Vano ayo ahinvara ni yahintthuka. ⁴⁷ Numala wam'motja ari vavale ahikumiha ekatana, ahimphwata nanteko m'motja a namukuttho ni khukumiha naru nawe. ⁴⁸ Yesu ahahimerya: ''Mokhuma muwaka okitthukwa ntoko nawiye, ni ikatana ni miri? ⁴⁹ Okhathi miyo karaka ni nyuwo kintjuttihaka munupani mwa mavekelo, khamwakitthukelale. Numala elaa ehiraneya wira tjolepiya tjiraneye. ⁵⁰ Ni otene yari ni Yesu yahin'hiya ni khumutjawa . ⁵¹ M'miravo m'motja anintthara, Yoyo awarale nlaya nimotja pahi aitthukelenlyawe; Ayo yahinvara, numala ⁵² m'miravo ahihiya nlaya nawe ottuli ni anatjawa ahiwarale ekuwo. ⁵³ Ahikuxiya Yesu arowaniyaka wa nkhulupale anamukuttho. Yahithukumana anamukhuttho otene, mansiyawu ni anamalepa. ⁵⁴ Okathi olee, Pedru aniweha tjotene anari ottayi, npakha n'hina mwa enupa ya nkhulupale anamukuttho. Oyo ahikilatti variari va arumeyi, wira oreke. ⁵⁵ Alupale anamukutho ni alipa ophuka milattu yanimphela namona omwiviha Yesu, numala khiyaphwanya, ⁵⁶ Vano athu enttji yanimurwana namona owotha wa Yoyo, numala anamona ayo yari owotha. ⁵⁷ Akina yahivenya amurwanaka namona owotha wa Yoyo, ayo yanihimya: ⁵⁸ ''Hiyo nomwiwa iraka: 'Miyo kinonyanya enupa ela epakiye ni matata atthu ni kinoteka ekina wariyari wa mahiku mararu ni kinoteka ekinaku, yohitekiya ni matata attthu'''. ⁵⁹ Nlelo anamonaya yari owotha. ⁶⁰ Vano, mulupale anamukuttho ahivenya wariari wa yayo ni ahimukoha Yesu: ''Nyuwo khamunakhula etthu? eyo alopwana alaa anihimyaya wa nyuwo'' ⁶¹ numalaoyo ari omala ni khivo yakhulawe. Mulupale anamukuttho ahimukoha tho:"Nyuwo mwa Kristu, mwana a Muluku Ottottopeliya?'' ⁶² Yesu ahira: ''Miyo ka Yoyo. ni munomona mwana antthu okomalene mono wolopwana wa Ole owerya ni arwaka m'mekuni wirimu. ⁶³ Vano, mulupale anamukuttho ahikherya ikuwo tjawe ni ahira: ''Nlelo nin'naphavela anamona akina? ⁶⁴ nyu muhiwa oveha wawe. N'nona tjayi?'''. Ni otene yahintthukela Yesu ontoko orerela okhwa. ⁶⁵ Akina yahipatjerya onsuwela ni onkhunela owitho wawe, om'mana ni ahimyaka: ''N'himye oman'ne!'' arumeyi yahinkuxa kiyam'manakatja. ⁶⁶ Okatti Pedru aryawe vate, muniyateni,nthiyana m'motja nanteko a mulupale anamukuttho ahirwa aryawe. ⁶⁷ oyo, vanwehalyawe Pedru wattamela wamoroni, ooraka, ahin'weha ni ahira: ''Ninyu mwari ni munazareti, Yesu''. ⁶⁸ Numala oyo ahikhotta, iraka: ''Miyo nkintjuwela enihimyen'nyu''. Vano oyo ahikhula vate. ⁶⁹ Numala weiwotho, nthiyana oyo ahimonatho, ni ahipatjerya wahimerya ale yari vavale: ''Nlopwana olaa m'motja waiyole!'' ⁷⁰ Numala oyo ahikhottatho. vano,yale yaphwanyaneya vavale yahipathera on'himerya Pedru: ''Wekekhayi nyu wa m'motja waiyole, Nyu mwa muGaliliya''. ⁷¹ Numala oyo ahipatjerya wilaphela tjotakhala: ''Miyo nkinintjuwela nlopwana ola n'nin'himen'nyu''. ⁷² Vano, wowakuveya, nthupi ahipa ekwaha aa nenli. Vano Pedru ahupuwela mulumo Yesu ahimalyawe: '' Ohinatthi nthupi wipa venli, n'nakikhotta ikwaha vararu''. Oyo ahikhuma ni oripiya murima ni ahipatjerya wunla.