¹ Okathi attamenlawe oYerusalemu, wattamela oBetifage ni oBetaniya; Omwako wolivera , Yesu aharuma awixutthi elii, ² Ni ahahimerya: Murewe m'muttettheni ori vakhiviru wanyu. Mwavolowavale, munompwanya mwana apuri ohinathu wethaniwa. M'mutaphule mi m'muruhe. ³ Akhala onrowa wokohani; Muninranin'nyo eyo? Mwakhule: Mwixutti on'nimphela olaa ni onomuthukihera va. ⁴ Yayo yahirowa ni ampwanya mwaxana apuru anathukeliliwe vakhiviru va nkora' mphironi yahinthukula mwaxana olee. ⁵ Atthu akina yari vale yahikoha: Exeni nuninthukulin'nyu mwaxana olaa? ⁶ Ayo yahakhula tjitjale Yesu yahimeryalaya, ni yahihiwa orowa. ⁷ Awixutti elii yahimukuxa mwaxana a puru ole wa Yesu, Yan'hinwariya oleya, ni Yesu ahinwela, ⁸ Atthu entji yanatala tjowara tjaya mphironi ni akina yanatala iritta yakumihaya m'matha. ⁹ Ya rowa varawe ni yamuthara yanira: ''Hosana! tjirelihiye tjinrwa mwantjinanenyu. ¹⁰ Orelihiwe omwene onrwa wa pwiyahu Davide! Avuwihiwe wirimu!. ¹¹ Nto Yesu ahivolowa oYerusalemu, ahirowa mpaka enupa yamavekelo ni ahona tjotene tjari tjimurukureryaka. ni, waryaya othana wa ohiyu, ahirowa oBetaniya ni awixutti athanu nenli. ¹² Nihiku nothikela, ahivoliwa. ¹³ Ni onalyawe mukukhu oniherya makukhu orera athai, orowa wira one wari wra amphanha muhokoroko, attamenlawe, kaphan'nye ethu wohikala makukku, mwaha kawaphin'ye okatti wolehana. ¹⁴ Yowo ahira: ''khavo onirowa olya muhokhorokho tho wanyuwo''. Ni awixutti yahiwa yele. ¹⁵ Ni yahirowa oYerusalemu, ni yahikhala mpani mwa mavekelo, Yesu aniwomola ale yatumiha ni yathuma, onyanya ikhatera ni Metja atthu yatumiha iPomba. ¹⁶ Ni ahakhothiha atthu ahilapuwe enupa elee yamavekelo anatexale wala etthu emotja entumihiya. ¹⁷ Nuyo anaxuttiha, iraka: ''khelempwale'' wira enupaka enrowa watjimeliya enupa ya mavekelo wa elapo tjotene? Numala nyu mumpaka nlitti nanasusuki. ¹⁸ Makhulupale anamukhutho ni anamalepa yaniwa elle ahimawe ni yanava mota womwiva, ni yanimova mwaha wira muttithi ahitikiniheya nitthu tjatjuttihawe. ¹⁹ Vailalaya, Awo yahikhuma m'muthetheni m'mwe. ²⁰ Withisi, yethaka, yahona wira mukukhu olee wahuma mpaka mitathari tjaya. ²¹ Nto Pedru, upuwelelaka ahin'himerya iraka: ''Pwiya mwiri olee mulumelalanyu ohuma wotene. ²² Yesu ahimwakhula: ''Mukhalane nroromelo wa Muluku. ²³ Wekekhayi kin'nohimeryani wira khula wanyuwo onirowa wirela mwako ola okhume va ni ivonyere m'matjini', ohinyiheryaka varohoni vawe, numala akupali yohimiya enimwiraneya. Tjitjo Muluku onopanka. ²⁴ Vano kin'nohimeryani wira tjotene nunrowen'nyo ovekela ni murima, muroromele wira munopwanya, ni munovahiwa. ²⁵ Muvekelaka, nyu n'hana olevelela tjotene murin'nyu ni ntthu wala nkwinyu, wira apapen'nyu ari wirimu alevelele tjotheka tjenyu. ²⁶ Vano mwahilevelele, ni apapin'nyo ari wirimu kanrowa wolevevelani tjotheka tjinyu. ²⁷ Ayo yahihokolowela oYerusalemu:Yesu ethaka mpani wa mavekelo, makhulupale anamukutho anamalepa ni mansiao yahinrwela Yoyo. ²⁸ Ni yahimukoha: ''Ni owerya xeni mimpaken'nyu itthu iya? ni tani ovan'heni owerya wira n'vare?. ²⁹ Yesu ahahimerya: ''kinimwakoha ethu emotja, mukakhule ni kinimwahimerya ni owerya xeni kinvaraka itthu iya: ³⁰ Obatisa wa Yohani wari wa wirimo wala wathu? Nkakhule''. ³¹ Yayo yanivanyihana yaworu, yanilavula yiraka:nira 'Awirimu', oyo onrwa wira: 'mwaha vaxeni muhimukupanlin'nhu? ³² Numala nira: 'walopwana'...'' ayo yaniwova atthu, wira otene yanikupali wira Yohani ari namalaleya. ³³ Vano yahimwakhula Yesu: ''Khanintjuela''. Ni Yesu ahahimerya wala vakhani kinimolelani ni owerya xeni kin'varaka itthu iya.