¹ Yesu ahihiya nipuro n'ne khurowa muttetthe woyudeya, ovikana omuro Yordani; nimmuttithu wahinrwela tho. Ni Oyo ahipatjera winthutjiha, ntoko tjalimalenlawe. ² Mafarisi yahattamela ni yahinkoha: ''wan'nirerela nlopwana on'hiya mwarawe?'' ³ Oyo ahakhula: ''Exeni ehimalawe Moise?''. ⁴ Ayo yahakhula: ''Moise onthuniha nlopwana onvaha epaphelo yomwalana ni, ⁵ Vano,Yesu,ahahimerya: ''Moise olepale ekettelo ela mwaha wolipa wanyo mirima. ⁶ Numala, okhuma ophathuwa wa elapo, muluku ompaka nlopwana ni nthiyana. ⁷ Mwaha wa ethu yela nlopwana on'nihiya tithi awe ni meyawe ni onakhala vamotja ni mwarawe. ⁸ Ni owenli anakhala nthu m'motja. ⁹ Vano,yatanihalawe Muluku khuvo om'mwalaniha. ¹⁰ Okhatti ayo yaraya owani, awixutti yahinthikela tho onkoha mwaha yele. ¹¹ Oyo ahahimerya: ''Yole otene onthuna onhiya mwarawe ni khunthela nthiyana nkina, on'ni raruwa. ¹² Nuyo an'hiya iyawe ni kitheliya ni nlopwana inkina on'niraruwa''. ¹³ Yaninruhela anamwane aya wira awintjatherye matata, numala awixutti yanakottiherya. ¹⁴ Numala Yesu oweha yiraneya, ahalale otikinihiya ni ahahimerya: ''Mwahiye anamwane arweke wa miyo ni n'hakottiheke, okhala wira omwene wa muluku ori wa yayo. ¹⁵ Wekekhayi kinohimeryani: yole otene ohinrowa wakhela omwene wa muluku ntoko mwana, kiwanweryaneya okela wa yoyo. ¹⁶ Vano, oyo ahakuxa m'matatani mwawe ni areliha owintjatheryaka matatawe wa yayo. ¹⁷ Okatti oyo athikenlyawe orowa, nlopwana m'motja ahiwa atjawaka, ahinkokhorela ni kunkoha: ''Mwintthutjihi orera, kire exeni wira kikele momweneni mwa Muluku?'' ¹⁸ Yesu ahimwakhula: ''Mwaha waxeni munkihanen'nyu orera? khuvo orera wohikhala Muluku. ¹⁹ Nyuwo motjuwela malamulo: n'hive, n'hiraruwe, n'hiye, n'hin'himye namona owotha, n'himotherye mpatthanin'nyu, mwattittimihe atithinyu ni amayanyu.'' ²⁰ Ahihimya nlophana: ''Mwinthutjihi, tjotenen'yo kin'niwelela okhuma onamwanyaka''. ²¹ Yesu ahinweha ni ahimphenta, ni ahin'himerya: ''etthu emotja en'nohalelani ntumihe tjotene tjirinen'nyo ni mwavahe alipa ohawa, ni n'nakhalana nhakhu wirimo. Vano n'we ni nkitthare''. ²² Numala nlophana, onyonyiyene ni mulumo ale ahikhuma oripiya murima okhala wira arina itthu tjintjene. ²³ Yesu ahiweha orukureryaka ni ahimerya awixutti awe: ''tiworika thatjiri okela momweneni mwa Muluku!''. ²⁴ Awixutti yari otikinihiya ni mulumo awe. Numala, Yesu ahahimerya tho: ''Anaaka, tiworika okela momweneni wa Muluku! ²⁵ Tiwokhweya Ekamelo ovira mwithe wa Kwilya, wohiya thatjiri okela momweneni wa Muluku. ²⁶ Ayo yahalale otikinihiya ni yanihimya yawotjaru: ''Vano, tani onrerela wopowa?'' ²⁷ Yesu ahaweha ni ahihimya: ''Wa atthu khivanweryaneya, Kahiyo ni Muluku. Okhala wira tjitthu tjotene tjin'niweryaneya wa Muluku''. ²⁸ Pedru ahipatjerya omuhimerya: ''Hiyo nohiya tjotene wira notthareni''. ²⁹ Yesu ahakhula: ''Wekekhayi, kinohimeryani, khuvo ahiyale enupa, axun'nawe, axirokorawe, amayawe, atithi awe, anamwane awe wala imatta mwaha wamiyo wala ehapari ³⁰ Ohinakhela miloko miloko tjene, vano elapo ela, inupa, axin'nihu, axirokorihu, aximeyihu, anamwane, imatta, ni womolanihiya; ni elapo enirwa, okumi wohimala. ³¹ Numala entji ale ari opatjerya anorowa okhala okhitjerya, ni okhitjerya anorowa okhala opatjerya''. ³² Ayo yari mphironi, awelaka oYerusalemu, ni Yesu aarowa oholo waya. Ale yanthara yari otuthuwa ni yanova. Yesu ahiwihana tho ale athanu nenli mphantti nkina, ni apatjerya wahimerya yakela onkhumelela wowakuveya: ³³ ''Va nin'welahu niroka oYerusalemu mwana antthu onirowa ovahereriya wa makhulupale anamukuttho ni anamalepa. Ayo anonthukela wokhwani ni anonvahererya amalapo. ³⁴ Anonvehatja, anonsuwela, anon'haxa ni anomwinva. Numala ovira mahiku mararu Oyo onohihimuwa''. ³⁵ Yakopu ni Yohani, anamwane a Zebeteyo, yahiwa wa Yoyo ni khuhimya: ''Mwintthutjihi, nimphela munivahe elee enikelahu wovekelani''. ³⁶ Oyo ahahimerya: ''Nyuwo muntthuna kiwiriheni exeni?''. ³⁷ Ayo yahakhula: ''Muntthuniherye wokoma ni Nyuwo Pwiya womweneni wanyu, m'motja mono wolopwana nkina mono wothiyana''. ³⁸ Numala Yesu ahiwakhula: ''Kimuntjwela munivekelin'nyu. Nyu n'nawerya owurya ekahi omotja enkelaka owurerya, wala owerya obatiso onrowaka obatisaniya?'' ³⁹ Ayo yahimwakhula: ''Hiyo ninawerya''. Yesu ahahimerya: ''Mwa ekahi enkelaka owurya, nyu n'nawurya. Ni obatiso ombatisaniyaka nyu tho n'nabatisiya. ⁴⁰ Numala nkirina owerya wonvaha inthu wira okome mono aka olophana wala wothiyana, numala tiwawaya alee arehereriye''. ⁴¹ Numala awixutti alee muloko winwa wayele, yahalale oxanka ni Yakobo ni Yohani. ⁴² Yesu ahiwihana waryawe ni khuhimya: ''Nyuwo motjuwela wira ale anoniya ntoko aholeli amalapo an'noweryani ni anakhotto aya an'naruhela owerya Yayo. ⁴³ Numala vahikhale tjitjam'mo mwa nyuwo. Ole omphela okhala mulupale wa nyuwo, ohana okhala nanteko, ⁴⁴ Nule omphela okhala opatjerya wa nyuwo ahana okhala epottha wa wa atthu otene. ⁴⁵ Vano mwana a ntthu kharwale wira avareliye nteko, numala ovara nteko ni ovaha okumi awe wathu entji. ⁴⁶ Numala yahirwa oYerico. Akhumaka Yesu oYerico ni Awixutti awe ni muttitthi mulupale, nlopwana onihaniya Bari-Timeyo, mwana a Timeyo, nanveka esimola ahoona, akilathale nkherekhere mwa ephiro. ⁴⁷ Ni winwa wira ari Yesu,Munazareti,aaphiya, ahipatjerya okhuwela ahimyaka: ''Yesu, mwana a Davidi, nkimorele ikharari!''. ⁴⁸ Entji yanimmaliha ni yanihimya wira omale. Numala Oyo anikhuwela tho: ''Mwana a Davidi, nkimorele ikharari!''. ⁴⁹ Yesu ahemela ni aharuma wira amwihane. Vano ahihaniya ole ahona, yira: ''Nlipe murima! Nvenye! Oyo onawihanani''. ⁵⁰ Oyo ahittikha nlaya nawe , ahivenya ni otupha ni ahirwa wa Yesu. ⁵¹ Yesu, amwakhulaka, ahira: ''Munphela kiwiriheni exeni?'' Ole ahona ahimuhimerya: ''Pwiya, kimphela kitthikele koneke''. ⁵² Yesu ahira: ''Muroweke, wamini wanyu ohovonihani''. Wowakuveya, Oyo ahona ni ahintthara.