¹ Khu kario, nikhulekha ameekesio kokhurangirira aka Kiristo , ne khusude mukalia ko khuruoleresia: Khurakalukhira khandi khu kokhwekanira khurula mubihole bifu nende akelisubira khu Nasaye, ² kose ameekesio kokhubatisia, okhurebwakho makhono, nende okhulamusibwa khwa bafu, nende obukhalakirwi oburalibwayo. ³ Ne kano khunakakhola Nasaye nafukirira. ⁴ Khulwo khuba nebidinyu khulwa abo abali nibamanyisib we, obulayi bwesianwa sio mwikulu, nibakholwa abasangirani aba omwoyo mulafu, ⁵ khandi nibabila elikhuwa lia Nasaye lilayi nende amaani kesialo esiicha, ⁶ nibamala bakwa bakalukha inyuma_ sibinyalikhana okhubakhola khandi bekanire, Khuba bali okhubaamba Omwana wa Nasaye buya nende okhumwanikha khuchisoni alafu. ⁷ Okhuba eliloba eling'wechanga buli ifula yilikwira, niliana ebiamo khu abo abalireresianga, banyolanga yikhabi khurula khu Nasaye. ⁸ Naye niliana amabwa nende eliiswa , silifukirirwa arali liri ambi khuchubwa nende khumalirikhira mukhusambwa. ⁹ Ne bakheerwa, Kata kario khulomaloma ako mumakhuwa keng'we khusubirira mumakhuwa kalia amalaayi kobuonia. ¹⁰ Okhuba Nasaye sinomukoyanu owakhebirira emirimo nende obukholi bwen'gwe bwobukheri obwamumalire okhwekesia Khu lira liaye , khulwokhuba munyakhanire abatakatifu baye, khandi musiri mubakhalabanira. ¹¹ Ne khwekomba muno mbwe buli mulala yekesie sinani silia silia esie linaaya liobwolerefu khuula mubumalirikhi. ¹² Muraba abakara, Kata kario mube abaloondi aba abo khubirira mubusubiri nende obwesimirisi bonyoolanga ebisubisio bio bobulaame . ¹³ Khulwo khuba Nasaye nakhola elilakano nende Ibraimu , yechuba khuye omwene okhuba yabulao omukhira. ¹⁴ Nabola ari , ''Mubwadieri ndalakhuba echikhabi ne okhumeda ndakhumeda.'' ¹⁵ Kho kario , niyakhesimirisia yamala anyole eliayalakwa. ¹⁶ Khulwo khuba abaandu bechubaanga khu ulia obakhira . Khulwa esiakamo siokhumalao obulekani , okhwechuba khukhusirisia. ¹⁷ Olwa Nasaye yeenya okhuchwichwisiria abalaamirwe be lilakano mbwe ni Nasaye orakalukhananga mulikhuwa liaye , yamala alichwichwisie nende okhwechuba. ¹⁸ Mbwe khulwe biindu bibiri ebirakalukhananga khaba , okhuba nebidinyu Nasaye okhubola obubacha , mbwe khonyole khulemesibwa khwolerefu, aberukhira okhudiira linaya eliarebwa imberi wefwe ; ¹⁹ elinaya elio eliri nga isiro yo mwoyo , eyadieri khandi indinyirifu eyingira nende okhukhalania muipasia. ²⁰ Oyo omurangiriri wefwe Yeso yabiriramo nakholwa omukukhani mukhongo woluberera muikhola ya Melikisediki.