¹ Naye Melikisedeki uno, omuruki wa Salemu, omukukhani wa Nasaye ouli akulu lukali, yabukanana nende Ibraimu narula okhwira abaruki, namuanira chikhabi. ² Kario Ibraimu yamuanira esilala khulikhumi lia bioosi ebia yalinabio. Imberi alangwa, ''Omuruki wobulungifu,'' nolunyuma, ''omuruki wa Salem, ouli omuruki womulembe.'' ³ Abula samwana, ng'ina kata abeekho, abula ewarula , oburangiriri bwechindaalo kose obumalirikhi bwobulamu, arali mukhufwananisibwa nga Omwana wa Nasaye, yaulwa omukukhaani owo khuchirira buli lwoosi. ⁴ Paririsiakho obukhongo bwo muundu uno owa kata Ibraimu omukhulundu yaberesia esikhumi sia ebia yali nabukule muliiye. ⁵ Ne abwene kario mbwe, nolwibulo lwa Lawi lwo bukukhaani, nilwo lwong'ane lwafukirirwa nende malako okhubukula esikhumi khurula khubaandu, abo bali bolwibulo lwa Ibraimu, kata kario bosi nabalala khunibo. ⁶ Ne oyo orali wolwibulo lurabalirwa munibo, yabukula ebikhumi niyaanira echikhabi oyo owali nende ebisubisio . ⁷ Kario bubulao obuyingani bwoosi mbwe omuundu mudidi yanirwanga ikhabi nende oumukhira. ⁸ Naye ano, abafwa baberesibwangwa ebikhumi, naye ulia owabarusiriangakho buloli amenyanga. ⁹ Ne nga olwa mboola, Lawi onyolanga ebikhumi yaana ebikhumi khubirira mu Ibraimu. ¹⁰ Okhuba yali asiiri okhwibulwa Melikisedeki nabukanana ninaye. ¹¹ Nikakhabere mbwe obwolerefu burulana khu burumikhi bwa Balawi, ( okhuba khubirira munibo niwo owa baandu banyoola lilako), obukhonyi sina bwaliwo mbwe khandi omukukhani undi abeo khurulana nende obuchiririri bwa Melikisedeki, mubweyango bwokhulangwa khulondana nende Aaruni? ¹² Okhuba obukukhani nibukalukhana, kenyekhana, lilako liosi likalukhane. ¹³ Okhuba ulia olomalomwangwakho kano nowoluuyia lundi, omurarula khomo omukholi wo khubwaali. ¹⁴ Kamanyikhane mubwakhakhu mbwe Omwami wefwe yarula khu Yuda, oluuyia lwa Musa araboolakho khulondana nende obukukhaani. ¹⁵ Khandi kamanyikhane khukhirao mbwe olunyuma lwa Melikisedeki arulirao omukukhani uundi. ¹⁶ Orakholwa mumbeera yelilako lie lilakano liomubiri, arali khumani kobulamu buralibwayo dawe. ¹⁷ Okhuba aboola mumaandiko narusia obuloli ari: ''Ewe oli omukukhani buli lwoosi muimbera ya Melikisedeki.'' ¹⁸ Kario khuliwo okhukalukhanisibwa khwelilako khulwo khuba lidekhere nende obulemu bulirimo. ¹⁹ Sibulao sielilako liadinyisia, arali elinaaya lilayi, elirunyalira okhusuda ambi nende Nasaye. ²⁰ Ne khandi kario sibiabula okhwechuba! Kata abandi nibakhwolwa bakukhani nibarechubire, ²¹ Nabo bakholwa abakukhaani nibarechubire ,arali naye yakholwa khubirira khwoyo owabola ninaye ari, ''Omwami yechubire oburekanira mbwe : 'Onaba mukukhani orabwaayo". ²² Okhukhiraao Yeso yakholwa omusuubisi welilakano lilayi. ²³ Nobwadieri abakukhani barangira bali baangi, khulwo khubera eliifwa lia bamalanga mubukholi bwabwe ²⁴ Ne khulwo khubera Yeso nomulamu endaalo chioosi, obukukhani bwaye noburabwayo. ²⁵ Khu kario anyala okhuonia lukali abo boosi abeecha khu Nasaye muniye, okhuba aliwo khulwo khubasabiranga. ²⁶ Khulwe esio biakhoyera mbwe khube nende omukukhaani mukhongo, oli mutakatifu, omuchwenifu, owaukhanisibwa mubonooni, ne nakingulibwa akulu welikulu. ²⁷ Omwene uno sienyekha buli lwoosi okhurusia ebisakhiro, imberi khulwe chiimbi chiaye, khandi lunyuma khulwa chiimbi chia abaandu, nga bakukhaani baandi. Yosirisia kano lulala, olwa yali niyerusianga. ²⁸ Elilako likholanga abaandu bali nobudekhere abakukhani, naye likhuwa lie sichubo, okhurula mukhuchaka khwelilako, liaula Omwana nilimukhola okhuba mwolerefu chinyanga biosi.