¹ Gwa njia iyii, nyenye ni mwa akhema munoneye ugifunya ugu aghosia vanyu aghonjo, uno, mpaantu akeii vitinatregheyaa, ukhani ukiria untendo ya akhema vawe viudaha uutwa bila ukhani, ² gwa sokho veso aghonjo vijotendeka viona ntendo yanyu ninjija itambi rimwe na hesima. ³ Iyii itrendeke tigwa mwitungo wa nji_usuka njii, mantu a sahabu, wino mpa masaa hiya na hiya. ⁴ Nyesov hiya ayo itendeke umuntu wa mukhati wa nkhoo, na ugiongeya gwa uja uginyumpia na ukhavi wa nkhoo, uni wagharama usonge a Mungu. ⁵ Gwa soko akhema ni aeru vikagiona veso gwa njia iyii. Arii vina uhuvii gini Mungu navikavatregheya aghosya vawe aghonjo. ⁶ Gwa njia iyii Sara akamutregheya mughohi Ibrahimu na umwitana mweso "bwana" wakwe. Nyenye fanoi muana vakwe nimwese mujotutenda mantu nimaja na mutije nimavi. ⁷ Gwa njia iyiyo, nyenye aghosia munoneye ugikhaa na akhema vanyu mumanje veso ni akhema ni valegheku, muvamanye veso ni anyofokea ayanyu vadahwa ya ufanga. Tendi vii mwino marombi anyu itaimiwe. ⁸ Mwino, nyenye nyong`e, mutendeke mwina ighemo rimwedu, anya huruma, uyanjo ginya anyandughu, nivina wiinyumpi na afoo. ⁹ Mutasuche uvi gwa uvi, na mpese ituki gwa ituki. Hiya ayo, sa mutenda nimaja, gwa soko mukaitanwa mudahe ufewa baraka. ¹⁰ Uyoo niugusighaa wikhao niwina itriku nirija gwa nguu niawiimie urimi wakwe gwa mantu nimavi na miomo akwe itahanye uvi. ¹¹ Niarave unyuma na ureka nimavi na atende nimaja. Afenje majighana na uyasambiya. ¹² Miho ama Bwana iumuona munya tutri na matwi akwe itregheye marombi akwe. Nyeso usiu wama Bwana wihiya na avoo niviutenda nimavi. ¹³ Ni anyu niugumutendea nimavi, nimwatendeka musighite nirija? ¹⁴ Nyeso ni mukhasika gwa tutri, mwina mboto,. Mutatije ayoo niveso viuyatija. Mutahange woova. ¹⁵ Hiya ayo mwiike Kristo Bwana u nkhoo yanyu ginya mweeru mwino ikhondo mutrendeke mwi tayari umusucha muntu nigumuwiya nyenye nintuni nimumuhuvie Mungu. Tendi vii gwa ufoo na hesima. ¹⁶ Mutendeke mwina maghemo nimaja uu niantu niviutuka mikhao anyu nimija gini Kristo vidahe noo umanya gwa soko viighitya hiya na nyee ginya muanyotenda mantu nimavi. ¹⁷ Ni guja ino, ni Mungu ugusigha, mwino mukhasikaa gwa utenda nimaja kiliko utenda nimavi. ¹⁸ Kristo nowakhasikiee itambi rimwedu gwasoko amahutye, mweso ni munya Ttutri akakhasika soko itu, naari gutina tutri, uniaguete sese gini Mungu. Akakuya u mwiri, nyeso akatendwa mufanga unkhoo. ¹⁹ U nkhoo, agaenda na utrantia nkhoo ni fanoi yu gitungo. ²⁰ Itina tegheyaa naari ikhondo ra ughimiyi wa Mungu naari wiindie ikhondo rama Nuhu, matikuv ijenga safina, na Mungu akachoa antu vakeii--nkhoo imunane-- ufuma u maji. ²¹ Iyii ni mutojo wa ubatizo nigumuchoa nyenye fanoi, iyii tiginya uguoya ikhwe ufuma u mwiri, nyeso ginya irombi ra ighemo nirija gini Mungu, ukiria iferwa rama Yesu Kristo. ²² Mweso ugu mukhono wagililo wa Mungu. Akaenda ugirunde. Malaika, ukuu, na nguu iumutegheya mweso.