¹ Gwa uyi iki umpeo uvi wong`e, wegheghe, utronei, wiru na matruki. <sup>2</sup> Ginya ang`inya nivanyuii, musighe maya ni maja ankhoo, umudahe ukua mukhrati a utyuri, ³ ni mpese mwatromiaa ni Bwana muja. ⁴ Njii gini mweso ni igwe ni rifanga niruhitwa na antu, nyeso rasii rahwaniywe na Mungu na rina uja gini mweso. ⁵ Nyenye noo muginya magwe ni mafanga niujengwa gunto atrendeka nyumba a giroho, uno utrendeke ukuhani niweeru uni ugufunya mbisia zabihu ya giroho niyufokewa na Mungu ukiria Yesu Kristo. ⁶ Ihada ruhanya vii "Ihenga niikie usayuni igwe rompeo, nirikuu na nirahwaniywe na ragharama. Gikaku ni wahuvia gini mweso atriuona minyaa". ⁷ U hesima ni anyu guni nyee nimwahuvie. Nyeso, "igwe nirahitriwe na anyojenga, ratrendeka igwe ni rikuu rompeo"- ⁸ uno, "igwe rokhangukwa na ng`ongo akhangukwa". Avoo niviuhita ukhani, gwa iroo nevahwaniywe gwa risii. <sup>9</sup> Nyeso nyenye mwi ndughu niahoaniywe, ukhuhani wa gitemi, ng`ii ni mpoo, antu va Mungu, umudahe utranantia ntendo yo oghofia yama uyoo niwamwitranie ufuma ukitri uja uweru wakwe wooghofya. ¹⁰ Nyenye mwandio nemuti antu, nyeso fanoi nyenye muantu va Mungu. Nyenye mutrina fokea rehema, nyeso fanoi mwafokeaa rehema. ¹¹ Anyandughu, namuitana ginya aghenyi na anyamuhinjo ugiima ufuma umasigho ni mavi amahutye, uniyugikhua urughu na nkoo yanyu. ¹² Munoneye utendeka mwino nyenendo ni njija uguurimi, ginya vuhanya mwatrendie mantu ni mavi, vijorava miimo anyu ni mija na umukumbajua Mungu ugitriku roja mweso. ¹³ Tregheyi rasii niruhanywa na muntu gwa sokho ama Bwana, u mutremi ginya mukuu, ¹⁴ uatremi nivatumiwe uvatenda ni mavi na uvahanya ija gwa avoo ni viutenda ni maja. ¹⁵ Gwa sokho ni mafenji a Mungu, gwa utrenda ni maja mukiya miighityo agifutu aantu nivafutu. ¹⁶ Ginya antu nivina uhaghero, mutatumie uhaghero wanyu ginya mukunikio umantu ni mavi, nyeso mutrendeke ginya atumami va Mungu. ¹⁷ Vahesimu antu vong`e. Vayanji anyandughu. Mutriji Mungu. Muhesimu mutremi. <sup>18</sup> Atrumwa, vaheshimu akuu vanyu gwa isima rong`e, tii vakuu vong`e nivaja na afoo, nyeso vifo ni vavi. ¹⁹ Gwa sokho uguhanya ija ni muntu gikaku waghimiye mavai ikhondo niugukhasikaa nigfutiii trutri gwasokp amaghemo akwe gini Mungu. ²⁰ Ni ihanga iki nirifo ginya muntu utenda mahutye gweso muendelee mukhaswywa? Nyeso nimpese mwatendaa nimaja namukhasike gwa iramua, irii niruhanywa ija gini Mungu. ²¹ Gwa irii mwaitaniwe, gwasoko Kristo akakhasywa soko anyu, wamurekee ndolio gwasoko anyu usambiye nsambi yakwe. ²² Mweso atinatendaa mahutye, wala atrinatendaa uregheghe gikaku umomo wakwe. ²³ Ikhondo naari mweso watukwaa, atinasuchaa matuki, naari wakhasikaa, atinaoghofiaa nyeso akagifunya mughonjo guni uyoo niuguramuaa gwa trutri. ²⁴ Mweso mughonjo agavagha mahutie itru umwiri wakwe umutri, uguhedeke gutrina usaghe umahutie . Uno gugekae utrutri gwa ukhuwa mweso nyenye mwafona. ²⁵ Nyong'e nare mueneda ginya nkoo ni iyaghae, nyeso fanui mwasoka umunyo dema na mughonji wa nkoo yanyu