¹ Chiva mbuli kugamba kuna uchilanga mgati mwenyu chilanga ambacho hachimgati mwa wana si china mbuli kugamba yumwenga ywenyu agona na mkaza ise. ² Naho nyuwe mwetuna hehena chinyulu yudya adamanye ivyo aungigwa ausigwe mgati mwenyu. ³ Hata sihamwenga na nyuwe chimwili mna niyaho na nyuwe chimuye siheza kumkantila yudya adamanye vino enga viya naniyaho. ⁴ Mkadugana hamwenga mwe zina dya Zumbe ywetu Yesu na umuye wa miye wiyaho hadya enga kwa nguvu za Zumbe ywetu Yesu siheza kumkantila mntu yuno. ⁵ Siheza kumwinkiza mntu yuno kwa mwavu chani kugamba umwili wakwe ubalangwe chani umuye wakwe udahe kwambulwa mwe dizuwa dya Zumbe. ⁶ Mwe duvyo yenyu siyo chintu chedi hammanyize hamila chidogo yabalanga donge jima? ⁷ Kwesuntni nyuwe wenye hamila ya kale chani kugamba mtende donge hya hedijeligwe hamila kwaviyaKulisito mwa ngoto ywetu ywa Pasaka kaheza kuchinjwa. ⁸ Mna nachivineni ngasu siyo kwa hamila ya kale yenye mbuli zihiye na wavu mna chivine kwa hevijeligwe hamila kwa unyanya halo na chindedi. ⁹ Nasidolonya mwe baluwa ya miye kugamba msekuhanganyana na wavilanga. ¹⁰ Sikugamba wavilanga wa mwe isi ino hegu na watuhu wenye kubunyanya hegu wakuvikila matukulu mwikale hale nawo hegu nivyo naviwaungani mlawe mwe isi. ¹¹ Mna haluse nawadolonyezezani msekwehanganya na yoyose akwitangwa mbwanga hegu mndele mwa Kulisito mna ekala mwe uchilanga hegu naho ni mntu ywa mbuli zihiye hegu naho mbunyanyi hegu akuvikila matukulu hegu akuhuluta hegu mkozi uyo msekudya naye mntu we ivyo. ¹² kwa ivyo nanitende zeze kuwakantila we kuse mwe vikilo mna nyuwe hemkuwakantila wadya wemndani mwe divikilo. ¹³ Mna Chohile awakantila we kuse museni mntu mwavu mgati mwenyu.