¹ Ivyo nivyo mntu achiwaze suwe saviya wandima wa Kulisito na wachimaila wa chinyele cha chindedi cha Chohile. ² Mwa dino chikungigwa ni uchimaila kugamba watende wa kuzumilika. ³ Mna mwa miye ni chintu chidodo mno kugamba nakantilwa na nyuwe hegu ukantilwa wa chimntu kwaviya sikwekantila miye mwenye. ⁴ Sikwekantila miye mwenye ino siyo kugamba miye mwenye ni mwagila, ni Zumbe akunikantila. ⁵ Elo msekulonga ukantilwa mwe dyodyose ichipindi hechinati kubula, kwiza kwa Zumbe ayalete mo aleta mo ulangazi mbuli zifisigwe mwe chiza na kugubula mwe myuye, nivyo chila yumwe nahokele ntunyo yakwe kulawa kwa Chohile. ⁶ Haluse wakulu na walumbu za miye na Apolo msigilwa mbuli zino kwachausa chenyu chani kulawa kwa suwe mdahe kwehinya imilongele msekwefisa mno mwe ivyo vidolonywe ni kugamba hakuna yumwenga ywenyuakwefenyeza mwe mtuhu. ⁷ Mna ni yani akuwona mhitulo mgati mwenyu, na mtuhu ni chihi unanacho hukihokele bule hegu kuheza kuhokela bule kwambwani mwefenya hemdamanye ivyo? ⁸ Mheza mnanavyo vyose hegu namunga, mheza kutenda na ugoli mkonga Uzumbe, naho mwachimaila yetu suwe chindedi nawaungila uchimaila mtana chani chichimaile hamwenga na nyuwe ⁹ Ivyo nafanyanya Chohile kachika suwe wasigilwa saviya kuchilagisa udumo enga sila ya maliganyo naho enga awntu wakantilwe kukomwa chitenda saviya ngasu mwe isi kwa wandima nakwa wantu. ¹⁰ Suwe chiwahezi kwachusa cha Kulisito mna nyuwe mna ubala mna nguvu mwatunywa mna suwe chabelwa. ¹¹ Hata mwe sa ino china sala na nchilu hachina suche chatoigwa naho hachina hekwikala. ¹² Chadamanya ndima mno kwa mikono yetu mwenye chikabelwa chajimbikwa, chikasulumizwa chajijimiza. ¹³ Chikahulutwa chahitula kwa vyedi chitenda naho bado chawazwa kugamba saviya kulemelwa mwe isi naunga kwa mbuli zose. ¹⁴ Sikudolonya mbuli za kuwajela soni nyuwe, mna nawawiya nyuwe saviya wana wa miye huwaungisa. ¹⁵ Hegu uneva mna wahinyi magana milongo mwa Kulisito hemna tate walozize kwa viya sitenda Zumbe kwenyu kwa Yesu Kulisito kujinkila ulosi. ¹⁶ Ivyo nawalombezezani mnitongele miye. ¹⁷ Ivyo nivyo vileka simsigila kwenyu Timoseo mbuyangu na mwanangu mkanuni kwa Zumbe nawakumbuseni sila za miye mwa Kulisito saviya huwahinya chila hantu na chila vikilo. ¹⁸ Haluse mgati mwenyu wefenya wakadamanya saviya kugamba sanize kwenyu. ¹⁹ Mna nanize kwenyu hajihi saviya Zumbe akaunga, naho nanimanyize kugamba siyo ulosi wawo du wakwefenyeza, mna naniwone nguvu zawo. ²⁰ Kwaviya useuta wa Chohile haukutenda mwe milosi mna mwe nguvu. ²¹ Mwaunga mbwani?Nize kwenyu na nkome hegu kwa ungi na mwe muye uhoile?