¹ Chilonge kugamba chalonga kwa chemo za wantu na za wandima wa kwembingu, mna hegu sina ungi sitenda ni shaba ikwila hegu lupatu lukuvumila. ² Na kugamba ninajeleko dya uwoni na umanyi wa chindedi chefisize na umanyi na kugamba nina uzumizi wa kusamiza magulu mna uneva sina ungi miye ni wa bule. ³ Naho chigambe kugamba nalavya vintu vyangu vyose kuwenka wachiwa na kugamba nalavya umwili wangu wokwe moto mna uneva sina ungi haikunambiza chochose ⁴ Ungi wajijimiza naho wambiza ungi haukweduvya hegu kwefenya hauna chibuli. ⁵ Hauna nkumbizi haukuzungula mbuli zakwe haukuona usungu upesi hegu haukuwaza yehiye. ⁶ Haukwelelwa ni ubunyanyi mna welelwa ni chindedi. ⁷ Ungi wajijimiza mbuli zose, wazumila mbuli zose una ukankalu mwe mbuli zose, na hujijimiza mwe mbuli zose. ⁸ Ungi haukuduma uneva kuna uwoni wose naujinke uneva kuna nchemo nazidume, uneva kuna umanyi naudume ⁹ Kwaviya chimanya hantu naho chadamanya uwoni kwa hantu. ¹⁰ Mna ikeza idya ichintile idya heichintile yajinka. ¹¹ Aho nendaga mwana nahalonga saviya mwana, nahafanyanya saviya mwana, nahilamula saviya mwana. Aho nendile mntu mjima nasika hale miye mbuli za chizana. ¹² kwaviya haluse chawona saviya chioo, saviya sula mwe chiza mna ichipindi icho nachiona uso kwa uso, haluse simanya chidogo mna ichipindi icho nanimanye vitendese saviya saviya miye nami ivyo nimanyike vidala. ¹³ Mna haluse zino izimbuli zino izintatu zekala utondowazi, msuhi na ungi , mna kulu ni ungi.