¹ Kulanga majeleko ya muye mkulu na lumbu dyangu sikunga mswese kubunkula . ² Mwamanya kugamba chipindi ni wasi ntuhu mlongozwa kutongela matukulu heyekulonga kwa sila zozose mlongozwa kwa izo. ³ Kwaviya nonga mmanye kugamba hakuna yoyose akugamba kwa muye wa Chohile kugamba Yesu kahulukilwa, hakuna yoyose akunga agambe Yesu ni Zumbe mna ni mwe Muye ukukile. ⁴ Ivyo kuna majeleko yesimile mna Muye ni yeye uyudya. ⁵ Kuna ndima zesimile mna Zumbe ni uyudya. ⁶ Naho kuna ndima zesimile mna Chohile ni uyudya akusankana izindima zose mwa wose. ⁷ Ivyo chila yumwenga enkigwa ugubulo wa Muye vikuwagila kwa wose. ⁸ Mna mntu yumwenga enkwa ni muye ulosi wa ubala, mtuhu naye ulosi wa udahi, mtuhu ulosi wa umanyi, kwa Muye uyudya. ⁹ Mtuhu naye amwinka uzumizi kwa muye uyudya na mtuhu naye jeleko dya udahi wa kuhonya kwa muye yumwenga. ¹⁰ Kwa mtuhu naye mbuli za udahi, mtuhu uwoni na mtuhu udahi wa kubunkula muye wamwenga milongele yesimile mtuhu naye kumanya milongele yesimile. ¹¹ Mna muye ni uyudya akusankana izindima izo zose kumwinka chila jeleko mwaivyo akusagula mwenye. ¹² Engaviya kugamba mwili ni umwenga nawo unavitago vilozize naho ivitago vyose ni vyo mwili udya nivyo na Kulisito naye. ¹³ Kwaviya muye umwenga suwe chose chambulwa kutenda mwili umwenga kugamba Chiwayahudi hegu Wayunani kugamba chi wandima hegu walekelwa naho chose chinyweswa Muye umwenga. ¹⁴ Kwaviya siyo chitago chimwenga mna viloza. ¹⁵ Uneva chiga nachigambe kwaviya miye siyo mkono miye siyo chihendo cha mwili ivyo havikutenda usekutenda chindedi cha umwili. ¹⁶ Naho uneva gutwi dinagamba kwa viya miye siyo ziso miye siyo wo mwili ivyo havikutenda visekutenda hantu ho mwili. ¹⁷ Hegu umwili wose nwutende ni ziso nakutende kuhi kwuva? Hegu mwili wose unatenda gutwi na kwihahi kunusa? ¹⁸ Mna Chohile kaika chila chitago cho mwili hantu hakwe enga apangile mwenye . ¹⁹ Naho hegu vyose vyendaga vchitago chimwenga mwili na wi kuhi? ²⁰ Ivyo vitago viloza mna mwili ni umwenga. ²¹ Ziso hadikudaha kugamba mkono sina mbuli na weye, hegu mtwi haukudaha kugamba iviga sina mbuli na weye. ²² Mna ivitago vya mo mwili vikuwoneka vina ntunyo itendese nivyo vikungisiswa. ²³ Naho ivitago vya mo mwili vikufanyanya vina ntunyo ndodo chavinka ntunyo ijinkile naho ivitago vyetu havikusinyika vina utana utendese. ²⁴ Naho haluse vitago vyetu vitana hawina haja ya kutunywa kwaviya tayali vina ntunyo mna Chohile kavilunganya vitago vyose hamwenga naho kavinka ntunyo izidiye viya hevikutunywa. ²⁵ Kutenda ivyo chani kusekutenda na kusimana mo umwili mna vitago vyose vyambizane kwa ungi na uhamwenga. ²⁶ Naho chipindi chitago chimwenga china lumila vitago vyose vyalumila hamwenga naicho, hegu chitago chimwenga chikatunywa, vitago vyose vywelelwa kwa hamwenga. ²⁷ Haluse nyuwe mwi mwili wa Kulisito na vitago chila chimwenga ichedu. ²⁸ Chohile naye kaika mwa wamzumile nkongo wasigilwa, kaidi waoni katatu wahinyi akaheza wadya wose wakusankana mbuli nkulu akaheza jeleko dya dya kuhonya wadya wakwambiza na wadya wakusankanila ndima ya kulongoza naho woseni wamanyize milongele ilozize. ²⁹ Vino suwe chose chiwasigilwa? Suwe chose chi waoni, suwe chose chi wahinyi? Hegu suwe chose chasankana mwe mbuli za mpintuko? ³⁰ Togola suwe wose china jeleko dya kuhonya ? Suwe chose chalonga kwa milongele? Suwe chose chatafasili milongele? ³¹ Londani vitendese jeleko kulu, miye nami naniwalagise sila yedi itendese.