¹ Ryolo le bakondwa bawa, nkonde bulya mbarererate bulya maghamela na haloha yawa . Emai jang'a kwa Mwegeri enyie bahenji nkonde . ² Kusasamate we Eudia , na ejagha kusasamate we Sintinke , mjokye nkyana jya kuholo gate kenyu . kwa bulya enye, nyonse babele mwanyighane na Mwegeri . ³ Lya saba, mbasasamate sei enyie baghaya milemo balugu , murashye baka baba kwa bulya baghairye hamwe naniye kwe ekalagerya ekalaga lya Mwegeri twale na Kilement hamwe na bamilemo bange ba Mwegeri, balya mabina jobo jandekirwe kwa kitabu kya serye . ⁴ Kwa Mwegeri nkya jyonse . Ejagha nimbugate ,ghamelai . ⁵ Uholo hola lyenu libanekane kwa bantu bonse . Mwewgeri ale hadinko. ⁶ Habei etirira kwa kibugu kyonse . Lyehe sei ghayai bibugu byenyu kwa nkondo ya eheela , etemana, na emasya. Na bata jyenyu jimanyekane kwa Mugwe . ⁷ Ngo sayo ya Mwegeri elya nkolo ekela emanya lyonse , ekerendela nkolo na byaso byenyu kwerashya nlya Kristo Yesu . ⁸ Asuba , ndogo jyawa , jatereryei lyonse makalaga jale kya nsaba , nsoni, saba , buseri, lukondo , na jalya jale masikelo jajaregu jale ryetwan hamwe na jalya jahikerere eghorwa . ⁹ Jaghayei makalaga jonse jalya mwemanyererye , mwanyighire, mwojirye na jalya mwabande kulyande nene ghonio wa sayo nakekolwa nenyie . ¹⁰ Ninde nighamela muno lyonse kulya mule kwa Mwegeri kwa bulya enyie mwabanishya lenge nkondo yeghaya kulya mule bata jyawa. Lya saba , ayo suha mwarereraga emanya bata jyawa ale mutandibana ng'ende yendaserya . ¹¹ Tibugate bobyo ebuga njeha gantu kwa hara ya bata jyawa . Kwani njemanyererye emelela nkamba jyonse . ¹² Ninjije etola kwa hara yenyihelwa na sei kwa hara yekolwa na bineni. Kwa bulya kunga kwone ninjemanyererye kibisi kwa bwelagera kyani kyegha na bwelagela kyani kya jalo, yani bineni nekolwa wabata . ¹³ Ngehikye eghaya bibi kwerasigwa noyo wenye olya angitere nguru. ¹⁴ Ejagha bobyo mwaghairye bujaregu endaserya niye kwa sina jyawa . ¹⁵ Enyie Babilipi mje ebuga bushone bwa ekalaga lilya nang'endire Makedonia hati Kanisa lyandaserye kwa bibugu bihikire ehumya na enyigha wekerya enyiyeka . ¹⁶ Ejagha lilya nale Thesalonika, enyie mwantomere mukandaserya na ti limwe kwa hara yekeba bata jyawa. ¹⁷ Tibanishatye ebuga nsorate eraserigwa. Bwegada ebuga mubane ntunda jiriju kulya mule kwenyu. ¹⁸ Nimbanyigha binto byonse , na yolo mbaghanywa na binto bineni. Nanyighire binto byenyu ebokwa kwa Epafradito .Mbinto bijaregu binyokelate binga gheera njaregu yedekere kwa byonse ni sadaka yeghamerya Mugwe . ¹⁹ Kwa lelyo ngo, Mugwe wawa nakebaghanyela bata jyenyu kwa egholyana na ghorona lyehe kwa Yesu Kristo . ²⁰ Yolo kwa Mugwe na Baba weto eba ghorana kala na kala. Hau. ²¹ Mgesho jyawa jibahiukere bonse bedekere Kwa Kristo Yesu. Balya nkonde nde nabo oho nimbageshatye . ²² Ejagha bedekere bonse oho nimbageshatye , Liti na balya ba bakaya ka Kaisari. ²³ Na ryolo sayo ya Mwegeri weto Yesu eba na nkolo jyenyu .