¹ Kwa nneyo, kama nijwatarura kwa ajili ja Bhakulungwa, nakuntimalikanga nng'owanje sawasawa na nshemo gwa aNnungu shu bhashemilenje. ² Ntanangananje kwa unyenyekevu nkulungwa na upole na kuikakatimila. Nnitolelana katika pingana. ³ Ntendanje bidii kugoya umoja gwa Mbumu katika kifungo sha ulele. ⁴ Kushipagwa shiilu shimo na Mbumu jimo, malinga kabhili pumwashemilenjwe katika uhakika gwa taraja jimo lya nshemo gwenunji. ⁵ Na kushipagwa Bhakulungwa bhamo, ngulupai jimo, ubatizo gumo, ⁶ na aNnungu bhamo na Awawa bha bhowe. Bhenebho pubhali panani ga yowe, na katika gowe na nkati ga gowe. ⁷ Kwa kila jumo jwetu ashipegwa kipawa kulingana shipimo sha shipawa sha Kristo. ⁸ Ni malinga majandiko pugalugula: "Ashikuguluka kunani kaje, ashikulongoya mateka katika ubhanda. Nishoya vipawa kwa bhandu." ⁹ Ni ndii maana ga, "Guluka," ikabheje kuti ashikuuluka kabhili mmbali ja pai shilambo? ¹⁰ Jwenejo ambae ashikuluka ni mundu julapejula ambae kabhili ashikuhuruka kwa talika panani pa kumbi yowe. Ashikutenda nnei kupinga kupagwa gwao kubhe katika indu yowe. ¹¹ A Kristo bhashikushoya ipawa malinga nnei bhantenga, bhakulondola, bhatangasha lilobhe lyaka Nnungu, bhashungaji na bhakujiganya. ¹² Bhashikutenda nnei kubhakomboyanga bhaumini kwa ajili ya liengo lya huduma kwa ajili ja shenga shiilu sha Kristo. ¹³ Bhanatenda nnei hadi uwe tuwowe tuishile umoja gwa ngulupai na maarifa ga bhana bha aNnungu. Bhanatenda nnei, hadi tukombole komala malinga bhene bhaishilenje shanga kanili sha Kristo. ¹⁴ Jeneji kupinga kuti tunabhe kabhili tundu tubhana, tunaguluyweguluywe hakuna na koko. Kupinga kwamba tunatolwe na kila aina ja mbungo ja majiganyo kwa hila ya bhandu katika ujanja gwa unami gwangali mana. ¹⁵ Badala jake, tushikungulushe ukweli katika kupingana na kukula kaje katika mipanga jowe nkati jake ambae guli ntwe, gwa Kristo. ¹⁶ A Kristo bhashilundanya kwa pamo, shiilu showe shabhakwijiganya. Ushilundanywa pamo na kila shibhalo kupinga kwama shiilu showe shikule na kuishenga shiene katika kupinga. ¹⁷ Kwa nneyo, gunalugula halino, nakutimalikanga katika Bhakulungwa: Mnaowanje kabhili malinga bhandu bha mataifa shwakutiowanga katika ubatili gwa lunda lwaonji. ¹⁸ Bhashitagangwa lubhindu katika ng'aniyo yaonji. Bhashibhingwanganga kushoka katika gumi gwa aNnungu kwa ujinga uli nkati jaonji kwa ligongo lya nonopa mitima jaonji. ¹⁹ Bhakakwipilikananga oni. Bhashikwikamuyanga ashaenenji kwa ufisadi katika matendo ganyata, katika kila aina ja shienga. ²⁰ Ikabheje, nnei ngabha shimwijigenyenje kuhusu aKristo. ²¹ Ngunaganishiya kuti mpilikenenje kuhusu bhehnebho. Ngunaganishiya kuti nshikubha ntenda kuijiganyanga katika bhene, mbutipe ukweli shuli nkati ja aYesu. ²² Lazima nn'gulanje mambo gowe galandana na mwenendo gwenunji gwa ukala, gundu ukala. Ni gundu gwa ukala unabola kwa ligongo lya ilokoti ya unani. ²³ Ng'ulanje gundu gwenunji gwa ukala kupinga ntendanjwe bhampya katiak mbumu ya lunda lwenunji. ²⁴ Ntendanje nnei kupinga nkombolanje kuwala gundu gwa mpya. gulongana na aNnungu. Ushigumbwa katika unguja na utakanyolo gwa kweli. ²⁵ Kwa nneyo, mmishe kwa talika unami. "Nkungulukanje ukweli, kila jumo nakannjirani nnjake," kwa ligongo pe tu bhashirika kila jumo na kanjake. ²⁶ Mmanganje na nnjimwa, ikabheje nnatendanje ilebho." Lyubha linatitimile nninginji na munjimwa yenunji. ²⁷ Mnampanganje nandenga lipesha. ²⁸ Jojowe ajibha lazima anajibhe kabhili. Badala jake ni lazima akamule liengo. Atende liengo likwete manufaa kwa mikono jake, kupinga akombole kung'udumia mundu alijwalaga. ²⁹ Malobhe ga mabaya ganashoshe mukang'wa jenunji. Badala jake, malobhe lazima gakoposhe munkang'wa jenunji gali gammbone kwa bhajuganga, kubhapanganga faida bhapilikananga. ³⁰ Na nnaitenguyanje Mbumu ya Ukonjelo yaka Nnungu. Nikwabhenebho nshibhikwanga lulembo kwa ajili ya lyubha lya ntapulo. ³¹ Lazima mmikanje kwa talika ushungu gowe, nnjasha, nnjimwa, mpwai, na matushi, pamoja na kila aina ya ilebho. Mmanganje bhambone mmanganganyanji kwa mmanganyanji. ³² Mmanganje na shia. Kwa leshelana mmanganyanji kwa mmanganyanji, malinga nneila a Nnungu katika Kristo shabhateshelelenje mmanganyanji.