¹ Kwa ligongo nne, aPaulo, ni jwatabhwa ja A-Yeshu Kristo kwa ligongo jenunji Mataifa. ² Ngunaamini kuti mpilikenenje juu ja liengo ja mboka ja a Nnungu jubhambele kwa ajili jenunji. ³ Ngunakujandishilanga kushokana namna unukolo shushite unukulwa kukwangu. Gwenegu ni ukweli gwiishie ambao jikujandika kwa shiupi kubarua jina. ⁴ Pukushona kuhusu genega shukombole kujimanya busara jangu katika ukweli gwenegu guishishe kuhusu Kristo. ⁵ Kwa lubheleko luna ukweli gwenegu gwangatendwa umanyishe kwa bhana bha bhandu. Ila nnaimo pulingwee kwa mbumu kwa ashikatumetume bhabhishilenjwe panyenje na Bhakulondola. ⁶ Ukweli gwenegu gwiishiye ni kwamba bhandu bha Mataifa ni bhajangutana ajetunji na ashibhantenga ajetunji bha shiilu. Nibhajangutana pamoja na malagano ga aYeshu Kristo kupitila injili. ⁷ Kwa lyeneli njitendeka kubha ntumwa kwa upo ya mboka ya aNnungu jishoshiwe kungwangu kupitila utendaji gwa mashili gao. ⁸ A Nnungu bhashikushoya jene upoji kukwangu, japo kubha nne ni mundu jwanshoko kwa bhowe katika bhabhishilenjwe panyenje kwa ajili ja aNnungu. Jene upoji ngunapinijkwa kubhatangashianga mataifa injili jili na njuluko ikaagulika kwa Kristo. ⁹ ngunapinjikwa kubhatangashianga bhandu bhowe juu ja nndi ni mpango wa aNnungu jwa sirii. Gwenegu ni mpango ambao ushikuiywa kwa yaka yaigwinji ipitile, na a Nnungu ambaye bhagumbile indu yowe. ¹⁰ Jeneji puyaliji, kupitila Likanisa, bhakulungwa bhamamlaka katika mahali pa mbingu bhapatanje kumanyanga mmbali ya igwinji ya asili ya lunda ya a Nnungu. ¹¹ Genega gakakoposhele kupitila mpango gwa pitipiti ambao aliukamilisha nkati ja Kristo Yeshu Bhakulungwa bhetu. ¹² Pabha katika Kristo tushikubha na ujasiri na uwezo gwa jinjila kwa ujasiri kwa ligongo ya ngulu pai yetu kukwetu. ¹³ Kwa nneyo nakwajuganga nnalekanje lokolika kwa ligongo ya mboteka yangu kwa ajili jenunji. Gwenegu ni ukonjelo gwenunji. ¹⁴ Kwa ligongo lyeneli ngunagomba malungo kwa Awawa. ¹⁵ ambaye kwa jwenejo kila familia kumbinguni ni na panani shilambo ishishemwa lina. ¹⁶ Ngunajuga kwamba apate kubhanemeshanga, kushokana na njuluko ya ukonjelo gwake, abhatendanje kuimalika kwa mashili kupitila Mbumu yake, ambaye alinkati jenunji. ¹⁷ Ngunajuga kuti Kristo bhatame nkati muntima jenunji kupitila ulele. ¹⁸ Ngunajuga mmanganje bhalitepo na msingi gwa kupinganga kwabho. Mmanganje katika kumpinganga kwabho kupinga nkombolanje kuelewa pamoja bhowe bhaamininji, namna ja maupi na maleu na shanga na kina sha kumpinganga kwabho Kristo. ¹⁹ Ngunajuga mmanyanje kuti ukulungwa gwao gwa kumpinganga a Kristo, ambao unapuda kumanya. Mtendanje genega kupinga ngumbayanjwe na kuimalika kowe na aNnungu. ²⁰ Na nnaina kungwake jwene akombola kutenda kila shindu, kupunda gagowe tukugajuga au tukugaganishia, kupila mashili gake jikamula maengo nkati jetu, ²¹ kungwake jwene kubhe kwa ukonjelo nkati ja likanisa na katika Kristo Yeshu kwa lubheleko lowe pitipiti. Amina.