¹ Pakufuma apo kwali ni chaka iya Bhayahudi, nu Yesu ahazubha kubhala ku Yerusalemu. ² Pe kula ku Yerusalemu kwamile nishikwilo pa mulyango wa ngole, lye izina mnyango ya kihebeli Betesaida, lyope lili namabhanza ga sano. ³ Ubhwinji ubhupiti bhwa mabhuni bhwalipo, abhatonko, abhalemazu, pamo bhe bhabhakatisile muma bhanza ago. { Uyenyelezye: amazwi ga layini wa 3 gatakuloleha munkomelezyo inyinza izya hali.'' Bhahagulilila aminzi kuhomwa.") kubhwa nalyoli ahabhalilizyo hamo uhabhizya ahiha mukasi ya Mwene na kugahoma aminzi. ⁴ Pelumo, wula we ali wa bhwandilo kwinjila mukasi lwe aminzi gahomwa ahaponaga kufumila na shoshonti she shamlemile ku habhalilizyo iho. ⁵ Nu muntu woka we ahabhinaga ku habhalilizyo ha maha 38 amali mukasi ya shikato. ⁶ Uyesu lwe amwenya alambalaye pashikato lwe amanya ukuti akasite pala ku habhalilo ahatali Uyesu ahamubhuzya, ''pe ukwanza kupona?'' ⁷ Wula umubhinu ahamutamula, ''Mwene ntali nu muntu, uwa kumbiha mushikwilo ahabhalilo he bhakuhoma aminzi. ⁸ Lwe nkuyezya kwinjila umuntu uwunji akundongolela.'' Uyesu ahamubhuzya, ''Bhuha na weje ishilili shaho usogolaje.'' ⁹ Pe pala umuntu wula ahapona, ahanyatula ishilili shakwe ahasogola. Nisiku ilyo lyamile lisiku lya Sabato. ¹⁰ Ubhwo Abhayahudi bhahamubhuzya umuntu wula we apona, "Ilelo lisiku lya sabata, pe utahondeye ukwega ishilili shaho." ¹¹ Ahamula wula we weahaponwa we we ambuzya, "Nyatula ishilili shaho usogolaje." ¹² Bhahabhuzilizya, "Unanu we akubhuzya,Nyatula ishilili shaho ujendaje?"' ¹³ Uwene wula we apona atahamumanya, panongwa Uyesu apezile ayepe kubhwilu pakuti bhalipo abhantu abhinji pa bhuzilo ubhwo. ¹⁴ Kufuma apo Uyesu ahamwaga umuntu wula mu shibhanza pe aha mubhuzya imbibhi, "Yenya, uponile! "Utahabhombe imbibhi habhili nalumo zitaha kwaje impiti kushila ni zii." ¹⁵ Wula umuntu ahasogola nu kubhabhuzya Abhayuda ukuti Uyesu we amuponizye. ¹⁶ Pe, panongwa gonti ago Abhayahudi bhahamuyimvwa Uyesu, panongwa ahabhomba ivintu ivi isiku lya sabata. ¹⁷ Uyesu ahabhabhuzya, "Utata wane akubhomba imbombo paka isalizi nine nkubhomba imbombo." ¹⁸ Panongwa ino Abhayahudi bhahajendelela kumulondola ingape bhamugoje tekwekuti panongwa ahavunza isabata, loli kumuholela Umulungu Utata wakwe, ahayibhihaga ukubha inzavwe Umulungu. ¹⁹ Uyesu ahabhamula, "Subhila, subhila, Umwana atahondeye kubhomba ishuntu shoshonti loli shila she ashibhonyi Utata wakwe akushibhomba, kwekuti shonti she Utata akushibhomba she nu Mwana wakwe shealishibhomba. ²⁰ Kwekuti Utata amuganile Umwana, nu kumulolesya shila shonti she kushibhomba nukumulolesya ivintu ivipiti kushila ivi ingape kuti mwonjele kusukumila." ²¹ Kwekuti inzavwe bhwebhulo vwe Utata akubhazusya abhafwe nu kubhapa ubhulanzi, na bhope bhulo Umwana wope akumupa wowonti we amuganile. ²² Kwekuti Utata atakumulonga wowonti, loli amupiye Umwana ubhulonzi bhwonti ²³ ingape ukuti bhonti bhamushindishe Umwana inzavwe bhwebhulo Umwana akumushindiha Utata. Wula we atakumushindiha Umwana atakumushindiha Utata weamutumule. ²⁴ Subhila, subhila, uwene weakwivwa izwi lyane nu kusubhila uwene weantumile alinabhope ubhulanzi bhwa shima pe atalilongwa. Ila uwene, ajenzite kufuma mubhufwe nu kwinjila mubhulanzi. ²⁵ Subhila,subhila, nkubhabhuzya ahabhalilo hakwinza nisalizi halipo he abhafwe bhaliyivwa izwi lya Mwana wa Mulungu, bhonti bhebhaliyivwa bhalitendama. ²⁶ Kwekuti inzavwe ulwo Utata vweali nu bhulanzi mukasi yakwe wuyo, ²⁷ wope bhulo amupiye Umwana ukubha nu bhulanzi mukasi yakwe, nu Tata amupiye Umwana amaha ingape ukuti alonje kwekuti Mwana wa Bhanamuntu. ²⁸ Mutasukumilaje ni lii, kwekuti ahabhalilizyo hakwinza he abhafwe bhonti bhebhali muvilibha bhaliyivwa izwi lyakwe ²⁹ bhope bhalifumila kunzi: zyebhabhomvile inyinza muluzyuho lwa bhulanzi, pe bhebhabhomvile amabhibhi muluzuho lwa bhulonzi. ³⁰ Ntahondeye kubhomba ishintu shoshonti kufuma kukwane nene. Inzavwe ikwivwa, bhwebhwebhulo vwe nkulonga nu bhulonzi bhwane bhwa bhugolosu kwekuti ntakulondola ukwanza kwane, loli kwanza kwakwe weantumile. ³¹ Inzavwe nkuyisimishizya neka ulusimishizyo lwane ingalutamile lwa nalyoli. ³² Kuli uwunji akusimishizya izyane pe mumanyile kubhwa nalyoli ulusimishizyo lwe akusimishizya pe lwe lwanalyoli. ³³ Mumutumile kwa Yohani wope asimishizye ubhwanalyoli. Bhwebhulo, ulusimishizyo lwe kuluposhela lutakuma kumwanamuntu. ³⁴ Nkuziyanga izi ukuti muhondeye mupomaje. ³⁵ Uyohani amamile we nyale yeyamile yihahaga nukuzelupa, pe mwamile hali kuyiseshela kuhabhalilo ahatali ubhuzelu wakwe. ³⁶ Isimishizyo lwe ndinalyope lwe lupiti kushila na lula ulwa Yohani, kumbombo zye Utata ampiye kuzilinganya, imbombo izyo zyekuzimbomba izya kusimishizya ukuti Utata atumile. ³⁷ Utata weantumile uwene wuyo akusimishizya izyine. Mutahatela mwivwe izwi lyakwe bhamo kwenya ukupelwa kwakwe ahabhalilizyo hohonti. ³⁸ Nalimo izwi lyakwe likutetendama mukasi yinyu penga mutakumusubhila kuwula we amatumilwe. ³⁹ Mukulondelezya mwakarata mukusibha mukasi yakwe muli ubhulanzi bhwashima, nibho abhakarata bhakusimishizya amazwi gane ⁴⁰ pe nutakwanza kwinza kukwane ngape mubhwaje ubhulanzi bhwa shima. ⁴¹ Ntakuposhela ulushindiho kufuma kubhantu, ⁴² loli imanyile ukuti bhutalipo ulugano bhwa Mulungu mukasi yinyu imwe mweka. ⁴³ Ininzile kwizina lya Tata wane, mutahondeye nkumposhela. Inzavwe uwunji angiza kwizina lyakwe ngemwamuposheleye. ⁴⁴ Pe muhondeye kusubhila imwe zye muposheleye kulushindiho kufuma kuwonti wula mumwinyu loli mutakwanza ulushindiho lwelukufumila kwa Mulungu wuyo weka? ⁴⁵ Pe mutatinji ine nkubhalonjelela pilongolela zya Tata. Weakubhalonjelela imwe Umusa, we imwe mumubhishile ulusubhilo lwinyu kukwakwe. ⁴⁶ Inzavwe mwamile mukumusubhila Umusa , nge mwasubhiye ine panongwa amasimvile izya mazwi gane. ⁴⁷ Inzavwe mutakusubhila ukarata wakwe, mutahondeye kusubhila amazwi gane.?