¹ Lwe bhatulwala hinza,tuhamanya kuti insungo izina lyakwe Malta. ² Abhantu abhahaya bha pala te shintu kuti bhahatusunga shinisho, loli bhahasya mumwoto na kutukalibisya twenti, pakuti pali nimvula ni pepo yeyihajendelaga. ³ Loli Upauli amamile amabhunganishile ukatundu uwatusanzu nu kubhiha pamwoto, injoha inyinsi yeyamile nubhubhazu bhuhafuma mula mukwi panongwa ya bhula ubhutushizu, pe ahazizunguzya kunyobhe zyakwe. ⁴ Abhantu abhenesho pala lwebhenya ishihanu shikulelemba kufuma kunyobhe zyakwe, bhahayanzanya bhabho bheka, "Umuntu uno nalyoli mugozi we ashimbiye mwijenje, loli bhugolosu bhutakumwitishizya kutendama." ⁵ Loli uwene ahamusumbila uyo ishihano mukasi mumwoto pe atavwalala poponti. Abhene bhamuguliliye ayizule kubhubhinu pamo agwe lubhilo nu kufwa. ⁶ Loli lweakumwenyelezya kuhabhaliizyo ahatali nukwenya ukuti lyonti lye te lya bhwelele kukwakwe, bhahagalunsanya insibho yabho nukuyanga amamile umulungu. ⁷ Ilelo pabhuzilo bhula papipi pamile nintope ye yamile shuma sha mupiti wa shisungo, umuntu weamali Pablio. Ahatukalibisya nakutulisya insiku zitatu. ⁸ Yihafumila kuti utata wa Pablio ahalemwa ninzegema nu bhubhinu bhwa kushimbila mukasi. Nu Pauli lweamujendela, ahaputa ahamubhishila inyobhe zyakwe, nukumuponwa. ⁹ Lwe lyashila ili kufumila, abhantu abhanji pala palusungo bhebhamile bhahabhinaga bhope bhahasogola pe bhapona. ¹⁰ Abhantu bhahatushindiha kumushinzi umwinji. Petwamile tuhayisenganyaga kujenda, bhatupiye vila vwetuhanzaga. ¹¹ Lwe gashila amezi gatatu, tuhajenda mukasi ya meli iya Iskanda ye yamile yahomile nubhuhatazu apo pashisungo, she abhalongozi bhakwe bhamile bhamanyani bhabhili mapasa. ¹² Lwe twamile twafiha munkaya ya Sirakusa, twatendime pala isiku zitatu. ¹³ Kuhafumila pala tuhajenda tuhafiha munkaya ya Regio. Lwe yasila isiku lyoka inkungu ya kumongo yihinza lubhilo, lwezyashila isiku zibhili tuhafiha munkaya ya Putoli. ¹⁴ Uko tuhabhaga bhamo abhamanyani pebhatuposhela kutendama nabhope kunsiku zisano na zibhili. Kwidala ili tuhinza Rumi. ¹⁵ Kufuma uko bhala abhajenzi, lwe ukuti bhivwa amazwi gitu, bhahinza kutuposhela uko kuvwa kukazya ku Apias nu Nigulu lya bhutatu. Pauli lweabhenya bhala abhamanyani ahamusalifwa Umulungu ahayitila ubhujinvu. ¹⁶ Lwetwinjila Roma, u Pauli ahitishiziwa kutendama wuyo weka poka nabhala umusilikali we amali ahamugulilaga. ¹⁷ Lelo yamile lwezyashila insiku sitatu u Pauli ahabhaholela poka bhala abhanavuli bhebhamile bhalongozi Mubhayahudi. Lwebhinza poka, ahayanga kukwabho, "Bhamanyani, poka nukuti ntabhomvile ubhunanzi bhwobhwonti kubhantu abha pamo kubhomba ishingunga ni nkomelezyo zya bhasokulu bhitu bhebhatulongoleye, nkafumwa inzavwe mupinywa kufuma Yerusalemu paka munyobhe zya bha Rumi. ¹⁸ Lwe bhambuzilizya, bhahanzaga kundeshela musatushe, panongwa kwamile kute ninongwa kukwane ine yeyahondeye ishilipwa sha mfwa. ¹⁹ Loli bhala Abhayahudi lwebhayanga ishingunga isha ukwanza kwabho, inkanzaga kubhala kwilongolela kwa Kaisaria, pelelo yitamile kuti ninze nukulongana pazyankaya yane. ²⁰ Panongwa ya kubhalapilongolela kwane iyo, inkalabha ukubhenya nu kubhayanzya imwe. Pe panongwa ya shila she Izirayeli ali namaha kwisho, impinyilwe nubhupinywe bhwa bhugolosu. ²¹ Pe bhahamubhuzya, "Tutahaposhela nalumo ukalata kufuma Yudea izyiwe, pamo nawumo umumanyani weayinzile nukuyanga amazwi pamo kuyanga izwi lyolyonti ibhibhi izyiwe. ²² Loli tukwanza kwivwa kufuma kukwaho ukusibhilila izyoni kwili ubhwinji bhwa bhantu abha, panongwa zikumanyiha kukwitu ukuti nkuyanga ishingunga ubhuzilo bhwonti." ²³ Lwebhafiha bhasabhuye insiku panongwa yakwe, abhantu abhinji inkani bhahamwinzila pabhuzilo bhweahatendamaga. Ahayanga lila izwi kukwabho mukusimishizya izya bhumwene bhwa Mulungu. Ahayezya kubhahopelezya izya Yesu, muhabhele honti habhubhili kufuma munkomelezyo zya Mose nu kufuma kubhakubhwi, kufuma inzanchi paka ishamazubha. ²⁴ Bhamo bhabho bhahabhahopelezya kuzya mazwi gala gegayanjilwe, ahabhalilozyo ahamwabho bhatahasubhila. ²⁵ Lwebhapatwa kwitinkana bhabho bheka, bhahepa lwe uPauli ahaliyanga izwi ili poka, "Umupepo Umufijile ahayanga ahinza kujendela Yisaya mukubhwi ku bhatata bhitu. ²⁶ Ahati, 'sogola kubhantu abha uyanje, "Kumakutwi ginyu muliyivwa, loli mutalizimanyisanya; nakuminso ginyu muliyenya loli mutalizimanya. ²⁷ Panongwa ya moyo gabhantu abha bhatali na maha, amakutwi gabho givuye kumayimba, bhazijilwe abhinso gabho; ingape kuti bhatahinze bhazimanye kuminso gabho, pebhatahivwe kumakutwi gabho, pebhatahamanye amoyo gabho gatahagalunkane sona, peningabhaponwa." ²⁸ Penga lumo, muhondeye kumanya ukuti ubhuposhi bhwa Mulungu bhwinzile kubhantu bhamunkaya, pe bhaliutejelezya." (Yenyelezya: ahahololo aha ²⁹ "Ahabhalilizyo peamamile ahayanga amazwi aga, abhayahudi bhahepa, bhamile nukudalinkana ukupiti papabho.," nawumo mwa kalata umwinza uwa hali). ³⁰ Upauli ahatendama munyumba yakwe yamapanzile kumaha gonti gabhili, nu kubhaposhela bhonti bhebhahinza kukwakwe. ³¹ Amamile ahalumbililaga ubhumwe bhwa Mulungu pe amamile ahasambilizyaga amazwi pazya Mwene Uyesu Kirisitu kubhujimvu bhwonti. Nawumo weahamudindila.