¹ Hipala ninye mumanyajhe kaka na dada bhango jha kubhiegha tate bhito bhakibha paejha wingo nabhoa bhakapetite lwa bahale. ² Bhoa bhakabatizwe bhabhieghe ghwa Musa ngate jha wingo na ngate jha bahale. ³ Na bhoa bhakaliyele chakula chelachela cha mojho. ⁴ Bhoa bhakanywile kinywajhe chelachela cha mojho. Maana bhakanywile kubhoka kwa mba ghwa mojho jhwabhake ngime, na mwamba ghola ukibha ni Kristo. ⁵ Lakine Chapanga hakupendezwajhe sana na bhamaena ghwao, na maiti ghao ghaghasambazwa jhangwane. ⁶ Bahi mambo hagha ghoa ghakibha mifano kwito, ile twenga tukotokubhiegha bhando ghwa kulolokea maovo anda na ghao bha bhaengite. ⁷ Mkotokubhiegha bhaabudo sanamo, anda bhange bhao bha bhakibha. Hejhe ni anda jhaijhandikwa, "bhando bhakatamite pae bhakilyegha na kunyegha, na bhakajhinuka kukina kwa tamaa jha mapenze." ⁸ Tukotokwenga uashalate anda bhange bhao bhakibha bhaengite bhakajhomwike lichiko limo bhando ishiline na tato elfu kwa sababo hijho. ⁹ Bhala nkotokujhalibo Kristo, anda bhamaena ghwao bhakibha bhaengite na bhakaharibiwe kwa lijhoka. ¹⁰ Na pia mkotokunung'unike, anda bhamaena ghwao bhakanung'unika na kuharibiwa na maraika ghwa maute. ¹¹ Bahi mambo hagho ghakatendeke anda mfano ghito, ghakajhandikwe ile kutuonya twenga twatufikiliwe na miisho jha zamane. ¹² Kwa hijho kila ajhibhonajhe ajhemite abhiajhe makine chakoto kupona. ¹³ Hibhijhe jharibo liwapatite ninye la kawaidajhe jha bhanadamo ila Chapanga ni mwaminifo tabhalekanajhe mjhalibiwajhe kupita uwezo ghwito pamonga na jhalibo jhwene tabhapelajhe mwango ghwa kubhokela ile muwezajhe kustamile. ¹⁴ Kwa hijho bhapendwa ghwango mwikembelajhe ibada jha sanamo. ¹⁵ Nilongera nanye anda bhando bhenye akile, ile muamulajha panane jha linilongela. ¹⁶ Kikombe cha baraka tubarikicho, si ushirika ghwa mlyae jha Kristo? Nkate ghola tumeghao, si ushilika ghwa mwile ghwa Kristo? ¹⁷ Kwa kubhiegha nkate ni mmonga, twenga tubhile bhamaena tu mwile mmonga twenga sote tuupokela nkate mmonga kwa pamonga. ¹⁸ Mwalolokiajhe bhando ghwa Israele: Je! Bhala bhoa walao dhabiho si bhashiriki lwa madhabaho? ¹⁹ Nilongera niki bai? Jhakubhiegha sanamo ni kilobhe? Au jhakubhiegha chakula cha bhakibhoite sadaka kwa sanamo ni kilebhe? ²⁰ Lakine nilongera panane jha vilebhe vilewa vibhoavyo sadaka bhando bhapaghane ghwa mataifa, jhakubhiegha bhabhoa vilebhe hive kwa mapepo na sijho kwa Chapanga. Name nipaijhe ninye kushulikiana na mapepo! ²¹ Hamwezajhe kunywea kikombe cha Bhambo na kikombe cha mapepo. Muwezajhe kubhiegha na ushirika lwa meza jha Bhambo na lwa meza jha mapepo. ²² Au twamlekala Bhambo wivo? Tukwete makakala zaise jhake. ²³ Vilebhe vyoa ni halale, lakine si vyoa vifaavyo. "Vilebhe vyoa ni halale," lakine si vyoa viwajhengavyo bhando. ²⁴ Habhijhe hata mmonga chapulaajhe mazure ghake tu. Badala jhake, kila mmonga jhapalaajhe mazure jhaunyake. ²⁵ Mumanye kulyegha kila kilebhe kiuzwacho sokone bila kukonyekea - ukonyekeajhe kwa ajhile jha dhamire. ²⁶ Maana "dunia ni male jha Bhambo, na vyoa vijhazavyo." ²⁷ Na mundo jhakositehamine akibhaalika kulyegha, na mupala kujhenda kuleni chochoa abhapelacho pasipo kukonyekea maswale jha dhamire. ²⁸ Lakine mundo akibhalobholela, "chakula heke kitokane na sadaka jha bhapaghane," mkotokulyegha. Hejhe ni kwa ajhile jhake jhawalobhalile, na kwa ajhile jha dhamire. ²⁹ Nami nimainishajhe dhamire jhino, bale dhamire jha jhola jhonge. Maana kwaniki uhuro ghwango uhukumiwahe na dhamire jha mundo jhonge? ³⁰ Ikibha nenga nitumila chakula kwa shukurane, kwanike nitukunajhwe kwa kilebhe ambacho nishukulile kwacho? ³¹ Kwa hijho, chochoa munalyegha au kunywegha, au chochoa muangavyo, muengajhe ghoa kwa ajhile jha utukufo ghwa Chapanga. ³² Nkotokubhakosela Bhayahude au Bhayunane, au kanisa la Chapanga. ³³ Jharibune anda nenga chanijhalipo kubhapendecha bhando bhoa kwa mambo ghoa. Nipalajhe faida jhango mwene, bale jha bhamaena. Name nienga hive ile wapatajhe kuokolewa.