¹ Tukubha mulanganye Kabhumba ghobhe kufuku sya bhulughalugha, kabla jya funku sya bhukake sisyali kwisa, no kabla ja miaka sisyali holokatenda, ''Une silino bhunyomwe kusesho,'' ² Jila tetyo kabla jya nuru je syubha no mwensi no sonda sisyali kubha giza no makusi kuhelela kabla ja mfula. ³ Bhobho bhubha bhwakati halya mlinzi ghwe kulu alotetema, nobhaghosi, imala bhenene no bhakema bhakusya kukoma, kusabhabhu ni bhase no bhalya bhakusunikila mumadilisha tebhalole fisogha kabhili. ⁴ Bhobho bhulokubha bhwakati misigho jahambwa kumitaa, no bhulile bhwa kusya kukoma, bhwakati bhaghosi bhalo bhasususya kubhulila bha ndege, no lwimbo lwa silonga sya bhakema kukoma. ⁵ Bhulobha bhwakati bhulya bhantu bhloghubhaha fibhukiel no hatari jilyo jilimubalabala, no bhuwakati bhulya mulosi alofumya maua, no bhwakati mahaso bhalolikwese bhene, no bhwakati hamu sya asili hosilopotwa. Tukubha muntu aloje kunyumba jaje jya bhuhela no bhahombolezaji bhasoke mumitaa. ⁶ Mulanganye kabhumba ghobhe kabla jya lukusa lwa mahela kuputwa au ibakuli lya zahabu kubheleka au igudulia kubheleghwa kusoko au tololi lya mansi kubheleka kwisima, ⁷ Hoghasyali mafundu kuhelela halya ho fumanya no mwegho kuhelela kwa Kabhumba ghaka jifunyanga. ⁸ Kobhe kafwa kehusa, ''Ghatenda mwalimu, kila sintu ni husa litanghike. ⁹ Mwalimu akabhele ne bhusala no kubhafunsisya bhantu maalifa. Ghasome no kuazimu no kutanga mithali nyingi kumpangilio. ¹⁰ Mwalimu ghakahensanga kunyegha ne kukomekesya fisogha maghambo ghabhwene ghahaghalele. ¹¹ Maghambo ghabgantu bhalinesima ni kobhe bhukima. Kobhe misumali jakapamililwanga kumukati tetyo bhoghali maghambo ghamabwana mubhukomekane bhu methali syabho bhobhakafundisibhwanga no muchungaji ghumwi. ¹² Mwanane ghangalia no fintu kusumba kujojya fitabu fingi, sesyo silibhusile bhuhela no kusoma nkana mtumba. ¹³ Bhuhela bhwa sintu baada jya kila sintu jya hulikika nekubha ni lazima umuhulikisye Kabhumba ne kunyigha amuri syajye, bhofyabhalelyo ni jukumu lyonse lya binadamu. ¹⁴ Bhoghabha Kabhumba alokoleta kila ighambo, hukumu hamwi no kila sintu silokakoleka sisogha au sibhi.