¹ Fela makte ghobhe kulughulu jya mansi, bhukobha uloghupata kabhila baada jya funku nyingi. ² Ungana mkate na bhantu ndwi, nansi ndwi bhukobha tyomanyile majanga ghahe ghesile halughulu jyansii. ³ Kobhe makusi ghabhumbike mfula, ghakwifula ghene hansi ja nsii. Ulosibhila. ⁴ Ghoghonse akokunga musagha jinakobheleka na astandi, no ghoghonse akungile makasi jikobholeke asisughuli. ⁵ Kobhebhosimanyile nsila ja musagha, wala tilya mtwana bhwakokula mubhula tetyowe tyonakobhola kujimanya mlimo ghwa Kabhumba, ghabhumbanga kila sintu. ⁶ Mukabho bhyala mbulo jobhe, mpaka mugholo jila mulimo kumabholo ghobhe kobhe bhojihensile bhukobhe tyomanyile nijile jilofanikiwa, mugholo au mlabho au jeji au jilya au syonse selobha nsogha. ⁷ Kughwene nuru ni nsogha nonisintu sya kunyomibhwa kusabhabhu jya bhantu kulola isyabha. ⁸ Kubha muntu ghajikala miaka mingi, no kughanyomwa ghonse tukubha lyakulanganya halughulu ja fukusisile sya sikolo bhukobha silokabhe nyingi. Kila sintu sisile ni muvuke ghukutekelea. ⁹ Bhunyomwe mulughalugha, bhulughalugha bhobhe, londelela ghalya masogha gha mwegho ghoghe. Syosyonse silihambele gha menso ghoghe. Tukubho umanye Kabhuma alokahelesya kuhukumu kusabhabhu jya fintu fyonse. ¹⁰ Bhusya sisila kufuma mumwegho ghoghe, no sisingi kulwasya kukonse, kumtumba ghobhe bhofyabha bhulugha lugha bhobhe ni managha ghaje ni husa.