¹ Ughwe, mwanane, ubhike managha koku kuneema jilimo mukati mwa Kiristo Jeesu. ² Ne maghambo ghowakaghahuli kanga ku mwane miongoni mwa bhantu bhengi, ubhahe bhantu bhakanya bhwaminifu bhabhali bhalo bhalokakubhola kubhafundisya ne bhandi. ³ Ungana tabhu pamoja none, kobhe musilikale musogha ghweke Kiristo Jeesu. ⁴ Hatuhu musikale akokola bhwakati bhobhowe ghali syughulisha ne milimo ja misemise sya maisya ghagha, bhwangu amulyohye mutunsi ghwaje mukulu. ⁵ Kobhe muntu ghasindana kobhe mwanaliasa, tighakahebhwe itaji kobhe ghaleka kusindana kulonda talatibhu. ⁶ Ni bhwene kubha mulima kanya bhiidi lasima abhe wa kwansa kupokela maghabhulo gha fyakulwifyaje. ⁷ Kuomba nsamehe kughaghali ghonantendanga, ila Kabhumba alokuha kumanya kwa maghambo ghonse. ⁸ Mukumbuke Jeesu Kiristo, kufuma kwi bhufi lyeke Dabhudi, ghogholi ambaye ghakasyulwanga kufuma kubhasimu. Leli nikulingana ne maghambo ghane gha Injili, ⁹ ila kwe sabhabhu ja ghagho nkusamba mpaka kuhabhwa minyololo kobhe nankabhihya. Ila maghambo gheke Kabhumba tighakohabhwa na minyololo. ¹⁰ Une nkufumilia maghambo ghonse kwa ajili ja bhantu bhabhali Kabhumba bhoghasaghulanga, bhwangu nagho bhabhupate bhupanga kwa Kisirto Jeesu pamoja ne bhutukufu bhwa mafuku ghonsi. ¹¹ Maghambo ghagha ni kughaswa: "Kobhe twafwa naje tulojikala hehi naje, ¹² kobhe twafumilia, tuloka jima fwense naje, kobhe twamutuna nyene nyene nagho alokatutuna nagho. ¹³ kobhe titwabhe bhatendeke, nyene alosibha kubha mutendeke mafuku ghonse, kwa sabhabhu tyane tunajene." ¹⁴ Sumbula kubhakumbusya maghambo ghagho. Bhatunyie hambeleje ke Kabhumba maleke kwibishi kuhusu maghambo. Ninga bhokusili manufaa gheghambo leli. Kutokana na ghagha maghambo kulibhuhalibhifu kubhabhali bhekulihulikisya. ¹⁵ Jila bhwanga kubha kwilangisya bhwangu uswelwe na Kabhumba kobhe mukola milimo ambaye twakolaumu. Litumile ighambo lya bhwene. ¹⁶ Lihehe na maghambo gha kubhwelelo, kwa sababu jikoongoza zaidi na zaidi mabhi. ¹⁷ Maghambo ghabho ghalokasambaa kobhe silonda sya mpolela. Miongoni mumwambo ni Hemenayo na Filesto. ¹⁸ Bhabha ni bhantu bhakabhu lwanga bhwene. Bhwekutenda kubha kusyuka kwa nafuma. Bhekuhindula bhwema bhwa bhantu. ¹⁹ Ghagha gho maghambo masogha gheke Kabhumba, ukuhangalala kobhe mughandisi ughwe, "Kabhumba abhensi bhantu bhaje, kila muntu akomwita Kabhumba lazima alitenge na mabhi." ²⁰ Ku nyumba jeke mutunsi, syo filimo vyombo vya dhahabu ne syaba. Kulivyombo vya viti ne vya bhulungo baadhi ja fefyo ni kwa ajili ya hesima tu lakini ne findi filina matumizi ghasili gha heshima. ²¹ Kobhe muntu ghalikusya nyene kufuma matumisi ghasili gha hesima ughwe syombo syakuamiva. Ghakatengwa maalumu, kanya manufaa kwa Kabhumba, ghakapangwa kumilimo misogha. ²² Ghakilime itamaa ja bhasumba. Kobhe twalonda bhwema, bhwema kunyomwa maholo bhabhali bhakomwita Kabhumba ku mwegho musogha. ²³ Mughangalisi bweke Kabhumba tyahesile kwisola ila ahensilwe kubha muhole ku bhantu bhonse. Anakobhola kubhafundisya ne mufumilifu. ²⁴ Mughangalisi weke Kabhumba tyahesile kwisola, ila ahensilwe kubha muhole ku bhantu bhonse, anakobhola kubhafundisya, ne mufumilifu. ²⁵ Ni lazima abhaongoze bhabhali bhakomutuna. Ila Kabhumba alobha na musamaha kujimanya bhwene. ²⁶ Unakobhola kumanya mengi nekukilima mbinu sya mubhi syetani, baada ja kubha bhatekwa na nyene kwa kuteha kumwaje.