¹ Paulo mulaghisibhwa ghweke Jeesu Kilisito kukunyemwa keveke kabhumba sawa ne ahadi jabhupanga bhuli mukati mweke Jeesu Kilisito, ² ku Timotheo mwana ntone: Neema, lehema nee amani kufuma kuke Kabhumba Tata ne Kilisito Jeesu kalombo ghwetu. ³ Ndikumusukulu kabhumba ghondi kumutumikila kunia nsogha kobhe bhobhakelanga bha tata, kubhananjisukila daima hondi kupela. Bhufuku ne ⁴ shyubha nkotamani kukulola, mukubha imumbikwe ne nseko. Kubha na njisusukila ndililo shyobhe. ⁵ Nkobha nenkwisukisibha kuhusu imani jobhe kamili, jo kuuwanzo jakekalanga kwa nyokokulu Losia no nyoko Yunisi. Ne nia kamili jakubha imani jejo jikele mukati mumobhe kumwi. ⁶ Jeji jo sabhabhu ndikukwisukishya kushyanila kalama jeke Kabhumba jojili mukati mumobhe kunsila ja kubhikwa mabhoko ghane. ⁷ Bhukobha kabhumba teghaka tuhanga mwegho gha bhobha ilaghwa managha no kwitela ne nisamu. ^{8 11} Kutetho usiloleli ghagha kususu Kalombo ghwetu, wala ghwakumwaneone Paulo musha ghweje. Bali usilikikusanjisibwa kwajili ja enjili hamwi no bhukobhole bhweke Kabhumba. ⁹ Nikabhumba ghaka kusabhulanga no kutwita kubhwito bhwelu. Tegha kelanga teti kukutokana we milimo jetu bali kulingane neema shya mipango jaje nyene. Ghakatuhanga maghambo ghagha kuhitila Kilisito kabula ja kipindi jakusumbula. ¹⁰ Elo bhusabhulo bhweke Kabhumba bhwaka lansibhwa kukwisa kweke kalombo ghwetu Jeesu Kilisito. Ni Kilisito ghakalusikishyanga lufu no kuleta bhupanga bhusili nabuhela ku nulu ja silangasi. Ku sabhabhu jejo nankasaghulwanga kubha mapesi, mulaghisibhwa no shebhuhemba. ¹² Ku sabhabhu jeji ndikusamba, kasibhwene ghaghabhukobha mpinsi nyene gho nankahwe kumwamini. Ndiwe bhuhakika kubha nyene akobhwele kusitunsa silya shyo ghoghakamwamini ndiwe bhuhakikika kubha nyene akobhwele kusitunsha shonanka kabhisi kumwaje ningefukulilya. ¹³ Ujisukile mufano bhwa bhujumbe bhwa bhukondeke bho waka wulikakanga kufuma kumwane, kumwi ne imani no bhunyomwe bhuli mukati jake Kilisito Jeesu. ¹⁴ Ghatunsye maghambo masogha ghakakukabhishanga Kabhumba kuhitila Mwegho Mulafu ajikele mukati mu mwetu. ¹⁵ Ujinsi kubha, bhonse bhekele kati ja Asia bhakandekanga. Mwi kundi leli bhalimo Fidelo ne Hemogene. ¹⁶ Kalombo ghaka jishulanga nyumba jeke Onesiforo bhukobha kengi ghaka njoghyanga wekujilolela nsonyi minyololo jakumwane. ¹⁷ Badala jaje, bhoghakabhanga kuloma ghakanhesanga kubidi kunali gha mpata. ¹⁸ Kabhumba amujalie kujipata lehema kufuma kumwaje lilye juku. Kobhebho ghaka nfunanga bho kabhele ku Efeso, ughwe ujinsi nensa.