¹ Hai mpaloa-menyadik, kalau adoa urakng kedopat muloh kesaloh sutik, ikau yakng rohani arush mulakng urakng yakng uboa yok dengant kelomoh. Bejagoa-jagoa am ugek ikau kenirik abont tergodoa. ² Salikng nulukng am dalamp nanggukng bebant supayoa ikau nunok Ukump Kristus. ³ Jikoa adoa urakng yakng ngagap dirik ponteng, padahal abon beok, ioa memulok nirik ah kenirik. ⁴ Cubo am semuoa urakng nguji kempuloh ah kenirik. Seudoh yok, ioa panai senang mantau keadoa nirik dan bukant karenoa manikng dengant urakng lain. ⁵ Sobab, semuoa urakng arush nanggukng beban ah kenirik. ⁶ Sapai yakng napat togur dari Firman Allah arush am ioa morik ke semuoa hal yakng yakng baik yok dengant urakng ngajarah. ⁷ Bayah ketipu. Allah abont panai di perusik karenoa urakng akant nerimok apai yakng udoh ioa tanam. ⁸ Urang yakng nciai dari nafsu dagikng akant akant nerimok kebuntau dari kedagikng ah. Akant tapi, urakng yakng nciai dari Roh akant nerimok idup yakng kekal dari Roh. ⁹ Bayah kitoa menyadi lopo muloh keboik. jikoa musim ah datakng, kitoa akant nerimok asal kitoa abon nyoroh. ¹⁰ Karenoa yok, jikoa napat kesompat, cubo am kitoa ngempuloh baik kepadoa semuoa urakng, khusus ah kepadoa keluargoa dalamp iman. ¹¹ Pantau am betapoa bakoh uruf-uruf yakng ku tulish untok kau dengan jariku kenirik. ¹² Sidok yakng nak mamer kebaik dari hal-hal yakng lahiriah akan memaksoa ikau untok di sunat. Sidok muloh hal supayoa abont di siksoa demi salib Kristus. ¹³ Sidok yakng di sunat punt abon nunok Ukump Taurat, tapi sidok onak ikau di sunat supayoa sidok dapat mangoh nirik atash sunat kau. ¹⁴ Semogoa aku abont kaloh mongoh nirik kecuali dalamp salib Tuhan Kitoa, Yesus Kristus. Ngelalu salib ah, dunioa udoh di salib ah untok aku, dant aku untok dunioa. ¹⁵ Disunat atau abon di sunat apai lah arti ah. Yakng pentekng menyadi ciptoa baru. ¹⁶ Bagi semuoa urakng yakng yakng makai ator tuk, ugek lah damai sejahteroa dan rahmat turunt atas sidok dan atash Israel ompuk Allah. ¹⁷ Akher ah, bayah adoa urakng mempersulet aku karenoa aku maik tandoa-tandoa Yesus dalamp tubuhku. ¹⁸ Mpalo-menyadik, kiro ah anugroh Tuhan Yesus Kristus adoa berotoa dengant Roh kau. Amin.