¹ Demi kemerdekaan, Kristus udoh ngelopash kitoa. karenoa yok, bediri am kuat dan bayah lagik onak di beban dengan kuk penyuruh. ² Ningoa am! Aku, Paulus, modoh kepadoa kau bahwoa jikoa ikau nerimok sunat, Kristus bonsik gunoa ah bagikau. ³ Sekali lagik, aku modoh keapadoa semuoa urakng yakng nerimok sunat bahwoa ioa wajib nunok seluruh Ukump Taurat. ⁴ Jikoa ikau besaloh untok di bonar dengant menjalant Ukump Taurat, idup kau di pisoh dari kristus dan ikau udoh nudi Anugroh. ⁵ Ngelalu Roh, dengan iman, kitoa nunguk pengaharapant akant kebonar. ⁶ Sobab, dalam Yesus Kristus, besunat atau abon besunat bonsik adoa arti ah. Hanyoa iman yakng bekerjoa ngelalu kasih yakng adoa arti ah. ⁷ Ikau udoh bedodas dengan bagak. Sapai yakng udoh ngidoh ikau dari nunok kebonar? ⁸ Pemaik yok bukant datakng dari ioa yakng udoh nimpai ikau. ⁹ "Siket ragi doh nyuruh semuoa topung ngomakng." ¹⁰ Aku ngerasoa yakent dengan ikau dalamp Tuhan bahwoa ikau abont bakal nerimok pemikir yakng lain. Akant tapi, sapai punt yakng ngacau ikau akan nangukng ukump ah. ¹¹ Jadi mpalo-menyadik, jikoa aku lagik modoh sunat, ngapai aku lagik di siksoa? jikoa beok, kesuntuk batu salib udoh di buang. ¹² Aku ngarap sidok yang ngasut ikau akant ngebiri dirik ah kenirik. ¹³ Mpaloa-menyadik, ikau udoh di timpai untok menyadi medeka. Akant tapi, bayah ngunoa merdeka ikau yok sebagai kesompat untok idup dalamp dagikng, melaint layan am urakng sikuk dengan yakng laint dengant kasih. ¹⁴ Sobab, seluruh Ukump Taurat udoh di gonap dalamp sutik Firman tuk, "kasih am sesamoa mensioa ubo dirik kau kenirik." ¹⁵ Jikoa ikau salikng ngokoh dant nolan, belumai am ugek ikau abont salikng nyiksoa. ¹⁶ Jadi, aku modoh,idup am dalamp Roh, makoa ikau abont akant muloh hal-hal yakng di kegonak nafsu dagikng. ¹⁷ Kegonak nafsu dagikng belawant dengant kengonak Roh, dant kengonak Roh belawant dengant kengonak nafsu dagikng. Garoa-garoa keduoa ah salikng belawant, supayoa ikau abont muloh hal-hal yakng ikau konak. ¹⁸ Akant tapi, jikoa ikau di pimpin lagoa Roh, ikau abon beradoa di baboh Ukump Taurat. ¹⁹ Kerejoa dari nafsu dagikng udoh jelas, yoklah dosoa seksual, kejohat, hawoa nafsu, ²⁰ nyomoh jolu, kuasoa potakng, keboncik, kebantoh, iri ati, keluat abont tetahant, montikng dirik kenirik, selisih, pocoh, ²¹ pengemuru, mabuk-mabuk, pesta pora, dant hal laint samoa sejenih. Aku modoh ikau bituk, uboa yakng udoh ku togur seopant ah, sapai yakng muloh hal-hal yok abont akant mewarih kerajoa Allah. ²² Akant tapi, buoh Roh adoalah kasih, suko cito, damai sejahteroa, kesabar, keramoh, keboik, kesetio, ²³ kelomoh ati, dant nguasoa dirik. Bonsik Ukump yakng ngelawant hal-hal yok. ²⁴ Sidok yakng menyadi ompuk Yesus Kristus udoh menyalipkan Nafsu kedagikng dengan segaloa nafsu dant kengonak ah. ²⁵ jikoa kitoa idup lagoa roh, bagak am kitoa bejalant sesuai dengant Roh. ²⁶ Bayah am kitoa menyadi sombong, salikng ngasut, atau salikng iri ati.