¹ لە شیمۆن پەترۆ، خزمەتکاری نێردراوی یەشوای مەسیح، بۆ ئەوانەی کە هاوبەشمانن لە یەک باوەڕی بەهاداردا کە هەموومان بە یەکسانی بە دەستی دەهێنین بە ڕاستودروستیەکەی خودای ڕزگارکەرمان یەشوای مەسیح! ² با بەخشش و ئاشتی زیاترتان لەگەڵتان بێت بە فراوانی زانیاری خودا و یەشوای پەروەردگارمان! ³ خودا، بە هێزی خۆی هەموو شتێکی پێبەخشیوین کە پێویستمانە بۆ ژیانێکی خواپەرستانە بە ناسینی مەسیح ئەوەی بانگی کردین بۆ شکۆمەندی چاکەکانی، ⁴ لەو ڕێگەیەوە خودا بەرەکەتە مەزنە بەنرخەکانی خۆی پێبەخشین کە بەڵێنی دابوو. بەم شێوەیە دەتوانن ڕزگارتان بێت لەو گەندەڵییە و هەوەسبازییەی کە جیهان بڵاوی دەکاتەوە، بە بەشدار بوون لە رێسا خوداییەکەی. ⁵ لەبەر ئەمەش دەبێت، هەموو هەوڵ و تێکۆشانتان لە جێبەجێ کردنی باوەڕتان جالاک بکەن کە بەرەو چاکەتان دەبات. بە دەستگرتن بە چاکەوە لە زانیاریدا پێشدەکەون، ⁶ لە زانیاریشدا دانبەخۆداگرتن، لەدانبەخۆداگرتندا ئارامی و خۆپارێزی. ⁷ لە خۆپارێزی سۆزی برایانە، لە سۆزی برایانە خۆشەویستی. ⁸ کاتێک ئەم خووە باشانە لە ناوتاندابێت، و زیاد بکات، واتان لێدەکات زیاتر بەرهەمدارببن لە ناسینی یەشوای مەسیحی پەروەرڕگارمان. ⁹ بەڵام ئەوەی خاوەنی ئەو ڕەفتارانە بێت، لەڕووی گیانییەوە کوێرە. کورت بینە، لە بیری چووە کە لە گوناهە کۆنەکانی پاک بۆتەوە! ¹⁰ باشترە بۆتان برایان تێبکۆشن تا بە کردار بیسەلمێنن کە خودا بەڕاستی بانگی کردوون و هەڵیبژاردوون. ئەگەر ئەم کارە بکەن هەرگیز ناکەون! ¹¹ بەم شێوەیە خودا دەرگای فراوانتان بۆ دەکاتەوە بۆ چونە ناو شانشینە هەتاهەتاییەکەی، شانشینی پەروەردگار و ڕزگارکەرمان یەشوای مەسیح. ¹² بۆیە دەمەوێت بەردەوام ئەم شتانەتان بەبیر بهێنمەوە، هەرچەندە دەیانزانن، و لەو ڕاستییە چەسپاون کە لاتانە . ¹³ تا لەم چادری لاشەیەم دابم، ئەرکی خۆمە بەبیرتان بهێنمەوە. ¹⁴ چونکە دەزانم بە زوویی ئەم چادری لاشەیەم بەجێدەهێڵم، هەروەک چۆن یەشوای مەسیحی پەروەردگارمان بۆی دەرخستم. ¹⁵ بۆیە تێدەکۆشم لەبیرهێنانەوەی ئەم شتانە تاکو دوای ژیان ئاواییم هەردەم ئەم شتانەتان بە بیربێتەوە. ¹⁶ کاتێک باسمان لە توانادارێتی پەروەردگارمان یەشوای مەسیح و گەڕانەوەی شکۆمەندانەکەی کرد، ئێمە لە ئەفسانەی دروستکراوی لێهاتویی خۆمان نەمان هێناوە. بەڵکو، وەک شایەتحاڵی بینینی گەوەرەیی مەسیح قسەمان کرد. ¹⁷ چونکە لە خودای باوکەوە ڕێزو و شکۆمەندی وەرگرتووە، کاتێک لە شکۆمەندییەکی بێ وێنەدا دەنگێک بۆی هات و فەرمووی: «ئەمە ڕۆڵەی خۆشەویستمە کە پێی دڵشادم!» ¹⁸ ئێمە خۆمان گوێمان لەو دەنگە بوو کە لە ئاسمانەوە هات کاتێک لەگەڵیدا بووین لەسەر چیای پیرۆز. ¹⁹ بەم شێوەیە، وشەی پێغەمبەرایەتی لە نێو ئێمەدا جێگیرتر بوو. چاک دەکەن ئەگەر لە دڵتاندا گرنگی بەم وشەیە بدەن. چونکە وەک چرایەک وایە لە شوێنێکی تاریکدا بدرەوشێتەوە، تا ڕۆژ هەڵدێت و هەسارەی بەیانی دەردەکەوێت. ²⁰ بەڵام، پێش هەموو شتێک، ئەوە بزانن کە هەموو پێشبینییەک کە لە پەرتوکەکەدا هاتووە، ڕاڤە ناکرێت بە کۆششی تایبەت. ²¹ چونکە هیچ پێشبینییەک بە ویستی مرۆڤ نەهاتووە، بەڵکو هەموو پیاوە پیرۆزەکانی خودا سرووشی گیانە پیرۆزەکە پاڵنەریان بووە.