¹ ساہنوں پتہ اے کے اے زمینی مکان، جدے وچ اسی رہنے آں، برباد ہوجائےگا، تے ساڈے لئی خُدا ولوں اک عمارت موجود اے، تے گھر انسانی ہتھاں نے نئیں بنایا پر ایہہ آسمان تے غیر فانی گھر ہو وےگا۔ ² تے ایس خیمہ وچ اسی کراہندے ہوئےاپنے آسمانی مکان وچ جان دی آرزو رکھدےآں۔ ³ اہہداانتظار ایس لئی اے کہ انوں پان دے بعد اسی ننگے نہ راں گے۔ ⁴ اصل چے جدوں تک اسی ایس خیمہ وچ آں ساہڈا کرہنا بھار دی وجہ توں اے۔ اسی اے نہیں چاہندے کے بغیر کپڑیاں دے ہو یے پر اسی او کپڑے پانا چاہندے آن جیڑے فانی زندگی نوں نگل جان۔ ⁵ اے او خُدا اے جنے اے شئےساڈے لئی تیار کیتی اے، تے اُنیں آن والے ویلے لئی ضمانت دے طور تے روح دتا اے۔ ⁶ لئی ہمیشہ اعتقاد رکھو، تے یاد روے کےجدوں تیکر اسی ایس بدن دے آرام وچ آں، اسی خُداوند توں دور آں۔ ⁷ اسی ایمان دےنال چلدے (ٹُردے) آں، نہ کے نطر آن والی شیواں نال۔۔ ⁸ تے ساہنوں اے اعتقاد اے کے، اسی بدن توں دور ہو کےخُداوند دے نال آرام چے ہو واں گے۔ ⁹ خُداند نوں خوُش کرنا ای ہُن ساڈا مقصد تے بھاویں ایس گھر وچ ہویے یا ایس توں دور۔ ¹⁰ اے لازم اے کے سارے مسیح دی عدالت دے تخت اگے لیائے جان تاں جو اِنہاں نوں اِنہاں دے بھیڑے چنگے کماں دا اجر دتا جاوے، جیڑے ایس بدن چے کیتے نے۔ ¹¹ ایس لئی خُداوند دا خوف رکھدے ہوے اسی لوکاں نوں حوصلہ دیندے آں۔ اسی جو کُجھ وی آں او خُدا نوں صاف دِسدا اے، میں اہیہ توقع رکھنا آں کے تواڈا ضمیر صاف اے۔ ¹² اسی ایہہ کوشش نہیں کرن ڈئیےکے توانوں اے منائیےپئی اسی سُچے آں۔ پر اسی توانوں او وجہ دینے آں کے تُسی ساڈے تے فخر کرو تے اُنہاں نوں جواب دے سکو جیڑے وکھاوےتے فخر کردے نے، نا کے اہدے تے جیڑا دِل وچ اے۔ ¹³ تے جے اسی ہوش وچ نہیں آں تے اے خُدا لئی اے، تے جے ہوش وچ آں تے اے تواڈے لئی اے۔ ¹⁴ تے مسیح دی مُحبت چے مجبور آں تے چنگی طرح جاننے آں کے اک جِنا سب لئی مویا تے ایسے طرح سارے موئے گئے۔ ¹⁵ او سب لئی مویا گیا تاں جو او جیڑے جیوندے نے، اپنے لئی نہ جئی ان پر اوہدے لئ (واسطے) جیڑا مویا تے فیر زنداہ کیتا گیا۔ ¹⁶ ایس وجہ توں ہُن اسی کسے نوں وی جسمانی طور تے نہیں پرکھدے گو کے اسی یسوع دے نال وی اک وری اینج ای کیتا سی۔ پر ہُن اسی کسے نوں ایس طرح نہیں پرکھدے۔ ¹⁷ ایس لئی ہُن جیڑا مسیح وچ اے او نویں مخلوق اے۔ پُرانیاں شیئواں ختم ہوگیاں۔ ویکھو سب نواں ہو گیا اے۔ ¹⁸ اے ساریاں شیواں خُدا ولوں نے، تے اُنہیں سانوں مسیح وچ اپنے نال مِلایا اے تے سانوں وی مِلان دی خدمت دتی اے۔ ¹⁹ اے اینج وے کے خُدا مسیح وچ دُنیا نوں اپنے نال ملا رہیا اے تے اُنہاں دے پاپ(گناہ) اُنہاں دے ذمہ نہیں لائے، تے اُنہیں سانوں مِلان دے سَنیا ( پیغام) دا ذمہ سونپیا اے۔ ²⁰ تے مسیح نے سانوں اپنا نُمائندہ مُقرر کیتا اے، تےاے ایس طرح اے کے جیویں خُدا ساڈے وچوں ہو کے بول دا اے۔ مسیح دے واسطے اسی توانوں عرض کرے آں، کے خُدا نال مَیل کر لووٴ۔ ²¹ اُنیہں مسیح نوں ساڈے پاپاں (کُناہواں) دا فِدیہ بنایا، اے او اےجنے کدی پاپ (کناہ) نہیں کیتا، اُنہیں اے ایس لئی کیتا تاں جو اسی اُہدے وچ خُدا اگے راستباز بن جائیے۔