¹ Birhu ba kristu mukola mumanyire ebi nnozize okumwubwirha,bulya yishi amarhegeko:amarhegeko gagwerhe oku muntu amango acizine; ² Kwa lwiganyo omukazi ogwerhe iba amarhegeko gamushwekire kuli iba amango iba acizine;cikwone erhi iba akafa,oyo mukazi erhi akola mushwekule kwo irhegeko lyali mushwekire kuli iba. ³ Aa,erhi ankaba mukowundi mulume n'iba azine,anaderhwa mugonyi;cikwone erhi iba akafa erhi oyo mukazi erhi akola mushwekule oku bw'amarhegeko,lero anahashaga okuba mukazi wowundi mulume erhi arhanabiri mugonyi. ⁴ Ninyu kwonokwo,birhu. bakristu mukola mufire oku by'amarhegeko erhi kuhumana haguma n'omubiri gwa Kristu gurhuma lyo muba wundi muntu.buno mukolaga muli b'olya wafukaga lyo rhujijirira Mungu emikolo ekwanine. ⁵ bulya amango rhwali lamir'okumubiri,amiru gebyaha galerwa n'amerhegeko gakajira omukolo gwago omu birumbu birhu,mpu lyo rhukafulukiza olufu. ⁶ Ci buno rhwafire oku byakagirhushweka nka mpira.rhwarhezibwe omu migozi y'amarhegeko rhukola rhwakolera oku ngoma mpyahya y'omurhima,ci arhaciri oku ngoma nkulukulu ea ndisirwe. ⁷ Kuli kuderha kurhi?ka mpu irhegeko ciri caha? bunywesi,cikwone nta manyaga ecaha elirhali irhegeko lirhumire.Bulya ntakamanyire amiru irhegeko lirhacideraga,mpu "orhakazigiba amiru". ⁸ Erhi ecaha cibona ntyo ca shulira amiruga ngasi lubero irhegeko lirhuma.Bulya buzira irhegeko ecaha luli lufu. ⁹ Neci mira nalamaga buzira irhegeko ci erhi amarhegeko gayisha ecaha naco cafululuka,nani nabaga niefa. ¹⁰ Ntyo amarhegeko gali kwanine okumpa obuzine gaba lufu lwo ganderhera. ¹¹ Bulya erhi ecaha cibona amarhegeko,ca nteba,ca naniga erhi gwo garhuma.Kusiga amarhegeko gali mimana,n'ebirhegesirwe biribimana bishinganine,binali binja. ¹³ K'akantu kinja kabirage lufu kuli nie?nta mango.Caha eco cadwirhire olufu omu kukolesa akantu kinja mpu lyo ciba cibi kulusha erhi marhegeko garhuma. ¹⁴ Rhukumanyire,neci irhegeko kali kantu ka munya_muka,ciniehe ndi kantu ka bunya_mubiri,mugulwa muja w'ecaha. ¹⁵ Nanga okuli ebinjira ntabiyunva,bulya arhali ebinonza okujira byo njira,ci ebi nshomba byo njira. ¹⁶ Akabaga ebi ntalonza okujira byonjira,kusiga nyemire oku irhegeko liri linja. ¹⁷ Aho kusiga arhajirigi nie nkujira,ci ecaha cibamwo. ¹⁸ Nkumanyire neci obwinja burhambamwo kwokuderha omu biri gwani.okulonza aminja,neci nanakuhasha ci okugajira kwo ntankahasha. ¹⁹ Bulya ntajira aminja nnozize ci obubi ntalonzizi bwonjira. ²⁰ Akaba ebintalonzizi okujira byonjira kusiga arhaciri nie nbijira ci ecaha cindimwo. ²¹ Alaga irhegeko namarhindwakwo,nie ono nkalonzijira aminja obubi nanabona bobuyishire ²² Neci nnanyunve nsimire amarhegeko ga Nnamahanga umu murhima gwani, ²³ Ci omu birumbu byani nyunve erindi irhegeko liherhe lyalwisa irhegeko ly'obukengere bwani n'okunjira mpira y'irhegeko ly'ecaha cindi omu birumbu. ²⁴ Lero nieki ihanja lici libakwo!Ndi wandikuza kw'ogu mubiri gw'olufu? ²⁵ Akonkwa Nnamahanga muli Nnawirhu Yesu Kristu!Ntyo,nie ono omu bukengere ndwirhe nakolera irhegeko lya Nnamahanga,cikwone oku mubiri ly'ecaha.