¹ Kurhigi rhwaderha? Karhubere omu caha mpu lyo engalo eluga? ² Birhankaderhwa.Rhwe rhwafire oku caha kurhi rhwankashubiciberamwo? ³ Nkaba muhabire okurhweshi ababatizwe muli Kristu omu lufu lwage rhwabatizibwe? ⁴ Erhi rhubatizibwa rhwabishwa haguma naye omu lufu nti nkoku Kristu afulagwa muli banyakwigendera n'irenge ly'Ishe. Lyo nirhu rhuba n'obuzine buhyahya akage. ⁵ Bulya,akaba rhukola rhugwerhe kalamo kaguma naye, omu lufu lushushine rhwayishiba na kalamo kaguma naye omu bufuke bushushine. ⁶ Rhumanyirekwo omuntu wirhu wa mira abambirwe oku musalaba haguma naye mpu ly'omubiri gw'ebyaha gushebuka,ntyo rhurhenge omu buja bw'ebyaha. ⁷ Bulya owafire erhi afumire ecaha. ⁸ Ci akaba rhwafire haguma na Kristu rhuyemire kwo na kwo oku rhwalama haguma na Kristu. ⁹ Rhumanyire oku Kristu afusire omu bafire,arhakacifa bundi,nta buhashe olufu lucigwerhe kul ye. ¹⁰ Erhi afa,ahima ecaha lwoshi lwoshi n'obuzine bwage bukola buzine bwa kulamira Nnamahanga. ¹¹ Ninyu kwo kuguma,muyorhe nka abafire oku caha munalamire Nnamahanga muli Yesu Kristu. ¹² Lero ecaha cirhacibonaga aha cankagandaza omu mibiri gwinyu gwayishifa,cilekimuyemeza amirhu gaco. ¹³ Murhajiraga ebirumbu binyu byoji by'obulyalya omu kubikolesa oku kujira ebyaha.Ci mucihane mwene emwa Nnamahanga nka bantu bazine bafulumusire olufu,n'ebirumbu binyu mubikolese nka byoji bya bushinganyanya omu kolera Nnamahanga. ¹⁴ Bulya nta buhashe ecaha cicigwerhe kuli mwe,kulyakuba murhashwesirwi na marhegeko ci n;engalo ya Nnamahanga. ¹⁵ Ewe? Ka rhukajira ebyaha n'amarhegeko ci n'engalo ya Nnamahanga? Nta mango. ¹⁶ Kamurhayishi oku erhi mwankacihana buja emwa lebe mpu mumukolere mwanaba baja bolya muli mwakolera,akaba caha cimulerhe olufu,n'akaba bunvi bumulerhe obushinganyanya. ¹⁷ Ci Nnamahanga akwonkwa! Erhi muba mwamarhega omu buja bw'ecaha,mwashimbire n'omurhima gwinyu gwoshi enjira y'enyigirizo mwayigirizibwe. ¹⁸ Nerhi muba mwamalikuzibwa oku caha mwahinduka barhumisi b'obushinganyanya. ¹⁹ Ndesire nkakulya abantu baderha erhi buzamba bwinyu burhuma.Kulya mwakolesagya ebirumbu binyu omu buja bw'enshonyi n'obugoma,mwaba bagoma,ntyo kwo mubikolesagye kurhenga ene omu burhumisi bw'obushinganyanya lyo muba bimana. ²⁰ Amango mwa ciri baja b;ecaha,nt'irhegeko lyali mushwesire. ²¹ Bunguke buci mwa bwinege obwo? Buno enshonyi zimubambisire,bulya obuzinda bw'ebyo luba lufu. ²² Cikwone buno murhaciri baja ba bwaha,munakola muli mwa kolera Mungu;muyungusire mwo kula kuja ahekwa omu bulamu bwimana,na buzinda,muhabwe obuzine bw;ensiku n'amango. ²³ Bulya ojira ebwaha,lufu akamarha;cikwone eshobolo Mungu ahana kwone,buba buzine bw'ensiku n'amango omu kuhaman haguma na Nnahamwirhu Yesu Kristu.