¹ Yesuah tala min hinak wa ja fi Yahudiya wa fi mahal al bara min nahar al urdon, wa nas ja le Howo tani mara. Howow kan gi alimu homon tani mara, ze kulu yom. ² Yala Phariseen ja le howo ashan bi jeribu Howo wa homon asalu, "Hal howo ganuni ashan Rajil bi talagu mara tuo?" ³ Howo juwabu, " Musa kelimu le intum shunu?" ⁴ Homon kelimu, " Musa rudu ashan nina bi katibu waraga talak wa baad dak bi talagu." ⁵ Yesuah kelim le homon " Ashan ulub takum al guwi yahu Musa katibu le intum ganun de, ⁶ " Lakin min bedaya ta kaliga, ' Allah kalagu Rajil wa Mara,' ⁷ Ashan keda Rajil bi sibu bet ta Abu bituo wa Uma wa bi kun ma mara bituo, ⁸ Wa al itniin bi kun jesim wahid. 'Yala homon biga ma kun itniin, Lakin jesim wahid. ⁹ Ashan keda haja al Allah lemu sawa, keli insan ma ferigu. ¹⁰ Zaman homon biga fi beet, talamiz tuo asalu Howo tani mara an kalam de. ¹¹ Howo kelimu le homon, " Ayi zol al talagu mara tuo wa juwzu mara tanihowo amulu zina did hiya. ¹² Iza kan hiya talagu rajil ta hiya wa juwzu rajil tani hiya amulu zina." ¹³ Biga homon jibu iyal tomon al sukar le Howo ashan Howo bi lemesu, lakin talamiz kore kore ma homon. ¹⁴ Lakin zaman Yesuah ainu, Howo kan ma maksut wa Howo kelim le homon, " Sibu takum iyal sukeriin deel keli ja le ana, wa ma takum abusu homon, ashan mulukut ta Allah le deel al ze homon. ¹⁵ Al hagiga ana bi kelim le intum, " Ayi zolal ma gabilu malukut ta Allah ze jena sukeir de howo ma bi dakalu fogo." ¹⁶ Yala Howo shilu iyal deel fi iden tuo wa bareku homon. ¹⁷ Zaman Howo bada ruwa fi sika, fi zol tani jere wara Howo wa dengiri gedam Howo wa asalu, " Ya mu-alim al kwes, ana bi amulu shunu ashan ana bi ligo haya al abadiya?" ¹⁸ yesuah kelim, "' Leh inta gi nadi ana kwes? mafi zol kwes ila Allah bes. ¹⁹ Inta arufu wesiya al bi gul mata katulu, mata amulu zina, mata serigu, mata kun shahid be kezib, mata kabasu, ihterim Abu taki wa Uma taki."' ²⁰ Zol de kelim, " Ya Mu-alim, hajat de kulu ana hafisu min ana sukeir." ²¹ Yesuah ainu le howo wa hibu howo. Howo kelim le howo , " Fi wahid haja al nagis le inta.keli int beyu kulu hajat al inta indu, wa wodi le nas al masakiin, wa inta bi ligo hisab fi sama. Yala taal, duwuru wara tai." ²² Lakin ashan kalam de howo tala haznan wa howo ruwa ashan kan howo zol al indu mali ketir. ²³ Yesuah ainu min hawli Howo wa kelim le talamiz tuo, " Howo saab shedid le nas al ganiyaniin ashan bi dakalu fi malukut ta Allah!" ²⁴ Talamiz kan istagarab min kelimat Tuo de. Lakin Yesuah kelim le homon tani mara, " Ya iyal, howo saab shedid ashan inta bi dakalu fi malukut ta Allah! ²⁵ Howo sahil le jemel shan bi dakalu fi gada ta ibra min al ganiyan ashan bi dakalu fi malukut ta Allah." ²⁶ Homon kan mustagrabiin shedid wa kelim le baad tomon, " Biga munu yahu bi ligu kulasa? ²⁷ Yesuah ainu le homon, wa kelim, " De mustehil le nas, lakin ma le Allah, ashan kulu hajat mumkin le Allah." ²⁸ Pitar bada kelim le Howo, " Ainu, nina sibu kulu hajat wa ja wara taki. ²⁹ Yesuah kelim, " Hagiga ana kelim le intum, mafi zol min intum al sibu bet aw Akuwana aw Akuwat aw Uma aw Abu aw Iyal aw Mahalat ta zara ashan ana wa kalam injil. ³⁰ Al howo ma bi ligo meya marat fi duniya de: Beyut wa Akuwana wa Akuwat wa Umahat wa Iyal wa mahalat ta zara, ma ³¹ azab, wa fi duniya al gi ja wa al haya al abadiya. Lakin nas kutar al kan homon aweliin homon bi kun akeriin, wa akeriin bi kun aweliin." ³² Homon kan fi sika homon ruwa fi Jerusalem, wa kan Yesuah gi ruwa gedam tomon. Talamiz kan mustagrabiin, wa nas al kan gi duwuru wara de kan gi kafu. Biga Yesuah shelu talamiz shuwiya beyed wa bada kelim le homon an shunu al gerib bi hasil le Howo. ³³ "Asuma takum, nina gi ruwa fi Jerusalem,wa Ibni al insan bi selimu le Reis al kuhana wa kataba. homon bi hukumu Howo bi mutu, wa bi selimu Howo le umam. ³⁴ Homon bi alisu Howo bi tufu buzak le Howo, wa bi katulu Howo, Lakin fi yom nemira talata Howo bi gum." ³⁵ Yakub wa Yuhana, iyal ta Zebedee, ja le Howo wa kelimu, "Ya Mu-alim, nina deir keli inta amulu le nina haj al nina asalu min inta." ³⁶ Yesuah kelim le homon, "Intum deiru keli ana amulu le intum shunu?" ³⁷ Homon kelim " Asuma le nina ashan nina bi geni ma inta fi mejid taki, wahid fi iden taki yemin wa tani fi iden taki al shamal. ³⁸ Lakin Yesuah kelimu le homon, " Intum ma arufu haja al intum gi asalu de, Hal intum bi agdeir ashan bi ashrab kas al ana gi ruwa ashrabu de aw agdeir mamudiya al gi ruwa amedu ma ana de?" ³⁹ Homon kelim le Howo, " Nina bi agdeir." Yesuah kelim le homon, " Al kas al ana gi ruwa asurubu de,intum bi asurubu, wa intum kaman bi amedu bi mamudiya al amedu ma ana. ⁴⁰ Lakin le zol al bi geni fi iden yemin tai aw fi iden shamal tai ma ana yahu gi wodi, lakin le nas al jahizu. ⁴¹ Zaman bagi ashara talamiz tuo de asuma kalam de, homon bada tala zalaniin min Yakub wa Yuhana. ⁴² Yesuah nadi homon le Howo wa kelim, " Intum arufu le nas al gal homon Ruuasa ta Umam gi seitaru le homon, wa nas al kubar tomon gi marisu sulta fi ras tomon. ⁴³ Lakin de ma bi kun le intum, ayi zol al deir ashan bi kun azim fi nus takum keli howo kun kadam takum, ⁴⁴ Wa ayi zol al deir shan bi kun al aweil fi nus takum keli howo kun abed le nas kulu. ⁴⁵ Ashan Ibni al insan ma ja ashan bi akdimu, Lakin ashan bi akdimu nas, wa ashan biwodi haya Tuo le ajil nas kulu. ⁴⁶ Homon ja fi Jericho. Zaman Howo tala min Jericho ma talamiz Tuo wa nas kutar, kan jena ta Timaeus, al howo Bartimaeus, al amiyan gi geni fi taraf sika ashan bi asadu. ⁴⁷ Zaman howo kan asuma inu de Yesuah al Nasiri, howo bada bada kore wa kelim, "Ya Yesuah, jena ta Daudi, amulu maruf le ana!" ⁴⁸ Nas kutar kore kore ma zol al amiyan de, ashan bi askut. Lakin howo kan biga kore shedid, Yesuah Jena ta Daudi, amulu maruf le ana!" ⁴⁹ Yesuah wogifu wa kelimu gal keli jebu howo, homon nadi zol al amiyan de, homon kelim le howo, " kun shuja! gum fok! Howo gi nadi inta." ⁵⁰ Howo jada gumash tuo bara, wa gum ja le Yesuah. ⁵¹ Yesuah juwabu howo wa kelim, " Inta deiru keli ana amulu le inta shunu?" Zol al al amiyan de kelim, " Mualim, ana deiru ainu." ⁵² Biga Yesuah kelim le howo, " Amshi. Imaan taki aliju inta, " be sura keda .howo bada ainu tani mara, wa howo bada ruwa wara Yesuah fi sik