¹ Kutu trumbeta fi safaten taki! Sogur bi j fi ras bet ta Yahwa leanu shab kasuru tifagiya tai wa tala mutmeridin did ganun tai. ² Humon bi kore le ana, 'Allah tai, nina fi israel arufu inta.' ³ Lakin Israel aba haja al kwes, wa adu bi turudu huwo. ⁴ Humon kutu muluk, lakin ma be wasat ana. Humon kutu amra, lakin bidun ilim tai. Humon amulu le nufusum asnam be fidah wa dahab tomon, lakin ashan kalam de bi gatau humon bara." ⁵ "Samaria, bagara takum abau. Zel tai bi haragu did shab de. Humon bikun galtanin lahadi miten? ⁶ Sanam de jabu min Israel; amil yau salau; de ma Allah! Bi kasuru bagara ta Samaria heta heta, ⁷ Shab bi zarau hawa wa bi hasidu hawa al tegil. Dura al bi wogif ma indu ras; ma bi tala degig. Kan ma nejitu, ajanib bi karabu. ⁸ ;v 8 Abulau Israel; hasa humon bi wonusu kidib bein dual ze haja al ma nafe. ⁹ Humon ruwa barau le Assyria ze humar al sahran. Ephraim ajuru mahbubin le nefsu. ¹⁰ Hata kan humon ajuru mahbubin bein dual. Ana bi limu humon fi mahal wahid. Humon bi kalasu ashan istimar ta melik ta amra. ¹¹ Ephraim zidu(malau) mambar ta hatayat le khatiya, lakin humon biga mamabar le irtikab ta khatiya. ¹² Ana bi katibu ganun tai tehet ashara marat le humon, lakin humon bi ainu ze haja gharib le humon. ¹³ Ze le zebiha ta hataya tai, humon gi gedimu laham wa bi akulu, lakin ana, Yahwa, ma bi gabilu humon. Hasa ana bi fekir an khatiya tomon wa bi wodi ikhab le humon ashan khatiya. Humon bi rija le Masir. ¹⁴ Israel nesitu ana, al khalig, wa abinu kasrat. Judah indu mudun ketir al gowi, lakin .ana bi rasulu nar fi mudun tou; huwo bi demiru mahalat tou al gowi