¹ Taal, kede nina rija le Yahwa. huwo sheretu nina heta heta, lakin huwo bi aliju nina; huwo awugu nina, lakin huwo bi robutu juru bitana. ² Baad itnin ayam huwo bi jedidu nina; huwo bi goumu nina baad talata yom, wa nina bi ish(geni) gidam tou. ³ Kede nina arufu Yahwa; kede nina asuru ashan arufu Yahwa. tulu tou bara ze sabah bedri(fegir); huwo bi ja le nina ze hamam dush, ze matar rebi al bi mala ard." ⁴ Ephraim, kede ana amulu le inta kef? Judah, kede ana amulu le inta kef? Ikhlas taki ze shihsf ta sabah, ze nada al bi nasif sabah bedri. ⁵ Yala ana gata humon be anbiya heta heta; Ana katulu humon be kalam ta kasuma tai. Karar taki ze nur al wala. ⁶ Ana bi talabu ikhlas wa ma zebiha, wa mara ta Allah aktar min hataya al haragu. ⁷ Ze Adam humon kasuru tifagiya; humon ma mukhlisin ⁸ Gilead huwo medina ta ashrar ma wara kura ta dom. ⁹ Ze mojmu ta mujrimin al bi istene zol tani, Yala gusus limu sawa ashan bi katulu fi sika ta Shechem; humon irtekab jaraim al ma kwes. ¹⁰ Fi dakil shab ta Israel ana ainu haja kaab; zina ta Ephraim fi hinak,wa Isralel tala nijis. ¹¹ Inta kaman, Judah kutu zaman ta hasad, zaman kan ana rajau masheir ta nas .tai