¹ Asuma, gusus! kutu balak, shab ta Israel! Asuma shab ta melik! hukum jai did intum kulu. Intum kan sabaka fii Mizpah wa sabaka al wazau fii Tabor. ² Mutumeridin wagif ashan dabau, lakin ana bi wodi le humon ikhab kulu. ³ Ana arufu Ephraim, wa Israel ma dusu min ana. Ephraim, hasa inta biga ze mara zani; nijisu Israel. ⁴ Amail tomon ma sibu humon ashan aglibu le Allah Mukh ta zina fii ma humon, wa humon ma arufu Yahwa. ⁵ Kibria ta Israel bi shahidu did huwo; yala Israel wa Ephraim bi waga be khata tomon; wa Judah kaman bi waga ma humon. ⁶ Humon bi ruwa be bahaim ashan fetisu Yahwa, lakin humon ma bi ligo huwo, huwo tala nefsu min humon. ⁷ Humon ma umana(geir muominin) le Yahwa, humon weledu iyal geir sherei(ma ganuni). Hasa mahrajan ta shahar jedid bi abulau (demiru)humon be mahal(hugul) tomon ⁸ Afuku buruji fi Gilbeah, wa buruji fi Ramah. afuku shot ta harib fi Beth Aven: nina bi tabau inta, Benjamin! ⁹ Ephraim bikun ze mahal fadi fi yom ta hukum. Beina gabail ta Israel ana kararta haja al bi hasil. ¹⁰ Khadad ta Judah ze del al lizu hajer ta hudud. Ana bi kubu zel tai le humon ze moya. ¹¹ Demiru Ephraim; demiru fi hukum, leanu huwo douru wara asnam barau. ¹² Yala ana bikun ze sus le Ephraim, wa ze afana le shab ta Judah. ¹³ Zaman kan Ephraim ainu ayan tou, wa Judah ainu jara tou, bad dak Ephraim ruwa le Assyria, wa Judah rasulu murasilin le melik al kebir. lakin huwo ma agder asfi intum shab au aliju juru takum. ¹⁴ Yala ana bikun ze ased le Ephraim, wa ze ased suker le shab ta Judah. Ana, hata ana, bi sheretu wa ruwa beid; Ana bi shilu humon, wa mafi zol bi ankizu humon. ¹⁵ Ana bi ruwa wa rija fi mahal tai, lahadi humon be zekiru khata tomon wa fetisu wusa tai, lahadi humon ".bi fetisu ana shedid fi taab tomon