¹ Zaman hajat delin kan amulu, al muazifin wajihu ana wa kelim, ''Al nas ta Israil, al kahana, wa al Lawien lisa ma fasilu nufustomon min al nas ta al aradi tanin wa sokol batal tomon: Kanaanien, Hittien, Perizzien, Jebusien, Ammonien, Moabien, Masirien, wa Amorien. ² Lianu umon kalas salu juzu ta banat tomon wa awulat, wa kalas lakabatu al nas kudusin ma al nas ta aradi tanin, wa al muwazifin wa kiadat kalas biga awel fi adamamana de.'' ³ Zaman Ana asma zede, Ana seretu gumasat tai wa gelebia wa agila/juru bara sar min ras tai, wa Ana geni tehet, moksur. ⁴ Kulu delin al bi rogus/kafu fi kalamat ta Allah ta Israil an adamamana de limu le ana ze am Ana kan geni kajlan/be fadia lakadi al tekdimat assia/misa. ⁵ Lakin fi al tekdimat misa Ana gum min makan tai ta ihana be gumasat tai mosuruta wa jalabia, wa raka tehet wa midu idenat tai le Yahuah Allah tai. ⁶ Ana kelim, ''Allah tai, Ana kajlan wa fadiya le arfa usa tai le ita, lianu zunubna/batal ta nina biga arfa be fok ras tanina, wa zunub tanina raba le al samawat. ⁷ Min al ayom ta judud ta nina lakadi hasa nina lisa bi geni fi zam kebir. Fi zunubat ta nina, wa muluk, wa kahana tanina kan wodi fi al ida ta muluk ta dunia/alam de, le al sef, le abodia, wa le karaba wa fadia fi wujuh, ze nina yau alela. ⁸ Lisa hasa le zaman guser, rahma min Yahuah Allah tanina kalas ja le sibu nina besitin fadulu hai wa le wodi nina makan dusu kura fi makan tao kudu. De kan le Allah tanina le nowiru/fatau uyuun tanina wa le wodi nina raha suker fi abodia tanina. ⁹ Lianu nina biga abit, lakin Allah tanina kan ma nesitu nina lakin kalas midu tifagia/ahat ta amana le nina. Uwo kan amulu de fi al nazar/ena ta al meik ta Persia/Faris ashan le wodi nina guwa jedid, kida nina biagder rijau abinu al bet ta Allah tanina wa arfau min damar tao. Uwo amal de ashan gali uwo biga wodi nina heta/hos ta himaya fi Yahuzah wa Arselim. ¹⁰ Lakin hasa, Allah tanina, sunu biga nina bi kelim bat de? Nina kalas nesitu awamir taki, ¹¹ al awamir al ita wodi le kadamin taki al ambia, zaman ita kelim, ''Art de al itakum bi dakalu le meliku uwo ma art al nedif. Uwo biga waskan/munajas be al nas ta al aradi ma batal/fagarat tomon. Umon kalas malau uwo min wahid akir le al tani ma adamnadafa tomon. ¹² Kida hasa, kede itakum ma wodi banat le awulat tomom; matakun silu banat tomon le awulat takum, wa itakum kede ma fetisu salam mustemir tomon wa geni kuwes, kida gali itakum bi kun gowi wa akulu al keirat ta art, kida itakum bi sibu iyal takum le meliku uwo le kulu zaman. ¹³ Lisa bat ayihaja al ja fogo nina le amail tanina al batal wa galat tanina kebir-mini ita, Allah tanina, kan bi abusu wara sunu galatat tanina bi istehik wa sibu nina hai- ¹⁴ kede nina tanimara kasuru awamir taki wa amulu zawaj mulakabat ma nas mokruhin delin? Ita ma bi kun zalan wa katulu nina ashan kede inak ma bi kun wele wahid bi sibu, mafi wahid bi tefes? ¹⁵ Yahuah, Allah ta Israil, ita yau bar, lianu nina kalas fadulu bes besit fi yom de. Ayinu! Nina yau ini gidam taki be galat tanina, lianu mafi wahid ini al bi agder wogif gidam ita ashan kalam de.