¹ Ze Ezra sely wa ikterif, uwo kore wa jada nefsatao tehet gidam al bet ta Allah. Al jama kebir ta rujal Israilien, nusuwan wa iyal limu le uwo, lianu al nas kan bi kore shedid. ² Shekaniah welet ta Jehiel ta al ajial ta Elam kelim le Ezra, ''Nina kalas biga ma umana le Allah tanina wa kalas jouzu nusuwan ajnabiat min al nas ta al aradi tanin. Lakin be ragmi ta de, lisa raja fi le Israil. ³ Kida now kede nina amulu tifagia ma Allah ta nina ma rasulu bara kulu al nusuwan wa iyal tomon alahasab le al towojihat wa al faraid ta Allah tanina, wa kede uwo biga amulu alahasab le al ganun. ⁴ Gum, lianu haja de yau le ita ashan nefisu, wa nina yau ma ita. Kun gowi wa amulu zede.'' ⁵ Kida Ezra gam wa amulu muwazifin al kahana, al Lawien, wa kulu Israil wadu le amulu fi sika de. Kida umon kulu salu halifa shedid. ⁶ Biga Ezra gam min gidam al bet ta Allah wa masa le al guraf ta Jehohanan welet ta Eliashib. Uwo kan ma akulu ayi ess au sirib ayi moyo, mini uwo kan haznan bekusus al adamamana ta delin al kan biga fi abodia. ⁷ Kida umon rasal kelima fi Yahuzah wa Arselim le kulu al nas al rija wara min mihjar le limu fi Arselim. ⁸ Ayiwahid al biga ma ja fi talata ayom alahasab le towojihat min al muwazifin wa shiuk bi sadiru kulu al momtakat tao wa kaman bi fasilu min al jama kebir ta al nas al kan rija wara min mihjar. ⁹ Kida kulu al rujal ta Yahuzah wa Benjamin jamao fi Arselim fi talata ayom. Uwo kan al sahar tisa wa al yom isirin ta sahar. Kulu al nas geni fi al midan gidam al bed ta Allah, kayifin ashan be sabab haja de wa ashan al amtor. ¹⁰ Ezra al kahin gam wa kelim, ''Itakum be nefsatakum kalas irtakibu muamara. Itakum aisin ma nusuwan ajanib be kida le zidu galat ta Israil. ¹¹ Lakin hasa wodi shukur le Allah, Allah ta judud takum, wa amulu irada tao. Fasilu min al nas ta al art wa min al nusuan ajanib.'' ¹² Kulu al jama juabu be sort shedid, ''Nina bi amulu ze ita kalas kelim. ¹³ Talama, inak kan nas ketir, wa uwo kan al zaman mator. Nina kalas ma indi guwa le wogif bebara, wa de yau ma bes sokol ta wahid au itniin ayom, talama nina kalas gilitna shedid fi hala de. ¹⁴ Kida kede muwazifin tanina mesilu kulu al jama. Kede kulu delin kalas al rudu nusuwan ajnabiat le geni fi mudun ta tanina ja fi al zaman al bi kutu ma al shiuk medina wa guda medina lakadi al zalan shedid ta Allah ta nina ruwa bara min nina.'' ¹⁵ Jonathan welet ta Asahel wa Jahzeiah welet ta Tikvah aridu de, wa Meshullam wa Shabbathai al Lawie diffa umon. ¹⁶ Kida al nas al rija min mihjar amulu zede. Ezra al kahin iktaru rujal, al shiuk fi usar ta judud tomon wa biut-kulu min umon be isim, wa umon biga ayinu fogo al gediya de fi al yom wahid ta sahar asara. ¹⁷ Fi al awel yom ta awel sahar umon kan kalasu ligo/iktasifu yatu rujal kan gaidin ma nusuwan ajnabiat. ¹⁸ Finus al ajial ta al kahana inak kan fi delin al kan gaidin ma nusuwan ajnabiat. Wasat al ajial ta Yoshau welet ta Jozadak wa akuwana tao inak kan Maaseiah, Eliezer, Jarib, wa Gedaliah. ¹⁹ Kida umon hadidu le rasulu nuswan tomon bara. Talama umon biga muznibin, umon gedimu koruf min al zeriba le galat tomon. ²⁰ Wasat al ajial ta Immer: Hanani wa Zebadiah. ²¹ Wasat al ajial ta Harim: Maaseiah, Elijah, Shemaiah, Jehiel, wa Uzziah. ²² Wasat al ajial ta Pashhur: Elioenai, Maaseiah, Ishmael, Nethanel, Jozabad, wa Elasah. ²³ Wasat al Lawien: Jozabad, Shimei, Kelaiah-de yau, Kelita, Pethahiah, Yahuzah, wa Eliezer. ²⁴ Wasat al murenimin: Elisahib. Wasat al hurasbab: Shallum, Telem, wa Uri. ²⁵ Wasat al Israilen al bagin-wasat al ajial ta Parosh: Ramiah, Izziah, Malkijah, Mijamin, Eleazar, Malkijah, wa Benaiah. ²⁶ Wasat al ajial ta Elam: Mattaniah, Zechariah, Jehiel, Abdi, Jeremoth, wa Elijah. ²⁷ Wasat al ajial ta Zattu: Elionai, Eliashib, Mattaniah, Jeremoth, Zabad, wa Azia. ²⁸ Wasat al ajial ta Bebai: Jehohanan, Hananiah, Zabbai, wa Athlai. ²⁹ Wasat al ajial ta Bani: Meshullam, Malluk, Adaiah, Jashub, wa Sheal Jeremoth. ³⁰ Wasat al ajial ta Pahath-Moab: Adna, Kelal, Benaiah, Maaseiah, Mattaniah, Bezalel, Binnui, wa Manasseh. ³¹ Wasat al ajial ta Harim: Eliezer, Ishijah, Malkijah, Shemaiah, Shimeon, ³² Benjamin, Malluk, wa Shemariah. ³³ Wasat al ajial ta Hashum: Mattenai, Mattattah, Zabad, Eliphelet, Jeremai, Manasseh, wa Shimei. ³⁴ Wasat al ajial ta Bani: Maadai, Amram, Uel, ³⁵ Benaiah, Bedeiah, Keluhi, ³⁶ Vaniah, Meremoth, Eliashib, ³⁷ Mattaniah, Mattenai, wa Jaasu. ³⁸ Wasat al ajila ta Binnui: Shimei, ³⁹ Shelemiah, Nathan, Addaiah, ⁴⁰ Maknadebai, Shashai, Sharai ⁴¹ Azarel, Shelemiah, Shemariah, ⁴² Shallum, Amariah, wa Joseph. ⁴³ Wasat al ajial ta Nebo: Jeiel, Mattithiah, Zabad, Zebina, Jaddai, Joel, wa Benaiah. ⁴⁴ Kulu ta delin kan salu nusuwan ajnabiat wa indum iyal ma juzu minum.