¹ Ndelanda icishinka muli Klistu. Nshilebepa, nakampingu wandi alenshinina ukupitila mumupashi wamushilo ² ukuti kuli ubulanda elyo nokukalipa ukushipwa mumutima wandi. ³ Pantu ndekabila nemwine ukutipwa nokubikwa pambali ukufuma kuli Yesu pamulandu wabamunyinane, abo abalubilo banandi ukupitila mumunofu. ⁴ Abo baisraeli. Balipoka, ululumbi, umulapo, icabupe cefunde, ukupepwa kwakwa Lesa, elyo namalayo. ⁵ Abo efikolwe abo Klistu aishile mumucinshi mumunofu-uyo uwaba Lesa wabonse. Nasumbulwe umuyayaya. Ameni. ⁶ Lelo tacili icakuti amalayo yakwa Lesa nayafilikwa. Pantu teonse umuisraeli uwaba muisraeli wacine. ⁷ Nangula bonse abana bakwa abrahamu abana abacishinka. Lelo, "kupitila muli Isaac abana bobe baketwa abobe." ⁸ Eico, abana bamunofu tebana bakwa Lesa. Lelo abana babulayo bapendwa bana bobe. ⁹ Pantu ici icebo cacilayo: "Pali iyi nshita nkesa, ngomwana umwaume uwapelwa kuli Sara," ¹⁰ Teici ceka, panuma Rebeka nafyala kumwaume, tata wesu Isaac- ¹¹ ninshi nabana bacili tabalafyalwa kabili talacitapo icintu icili conse icisuma nangu icibi, pakuti umulimo wakwa Lesa ukulingana nobusalo wingeninina, tepamulandu wamilimo, lelo nipamulandu waumo uwita- ¹² pantu calandilwe kuli ena, "Umukulu akabombela umwaice." ¹³ Cili ngefyo calembelwe: "Yakobo uyo natemwa, lelo Esau uyo napata." ¹⁴ Kanshi cinshi twalalanda? Bushe kwaliba icishalungama kuli Lesa? Teci cibefyo. ¹⁵ Pantu alandile kuli Mose, " Nkabelela uluse untu kabelelo uluse, nkabelela inkumbu untu nkabelela inkumbu." ¹⁶ Eico, tepamulandu wauyo uufwaisha, nangu uyo uubutuka, lelo nipamulandu wakwa Lesa, uulanga uuluse. ¹⁷ Amalembo yalandile kuli Pharao, "Pamulandu wauyu mulimo nalikwimishe, pakuti nkalangishe amaka yandi muli webo, kabili pakuti ishina lyandi likashimikwe kucalo conse." ¹⁸ Eico kanshi, Lesa alanga uluse palyabo atemenwe, nabo bonse alefwaya, abalenga ukuba abaumalala. ¹⁹ Ukalanda kuli nebo, "Mulandu nshi asangila ifilubo? Ngakanshi nani engatalika kubufwayo bwakwe?" ²⁰ Mucaibela, weumwaume, niwe nani uwingatalika Lesa? Nangu bushe icabumbwa cinglanda kuli kabumba uwacibumbile, " Bushe kanshi mulandu wambumbile muli uyu musango? ²¹ Bushe kabumba takwata insambu peloba ukubulapo limo abumba icipe icakubonfya icaibela, nalimbi ilyacipe abumbamo icipe icakubofya cilabushiku? ²² Ngacakuti Lesa, uulefwaya ukulanga icipyu cakwe namaka yakwe ukwishibikwa, engasunga mukutekanya ifipe fyacipyu ifyapekanishiwa kukonaula? ²³ Bushe ngacakuti acitile ici pamulandu wakulanga ubucindami bwalulumbi lwakwe ukwishibikwa kufipe fyaluse, ifyo apekanya kale kululumbi lwakwe? ²⁴ Bushe ngacakuti acitile fwebo, abo abitile , tekuba Yudafye beka, lelo nakubenafyalo bene? ²⁵ Ngefyo asosa muli Hosea: "Nketa abantu bandi abashali bantu bandi, nomutemwikwa wandi umwanakashi uyo nshatemenwe. ²⁶ Kabili cikaba ati uko nalandile kuli bena, 'Tamuli bantu bandi," baketwa 'abana baume abakwa Lesa wamweo."' ²⁷ Isaiah alilile israel, "Nangu cakuti impendwa yabana baume abakwa Israel bafula ngomucanga wapacimana icikalamba, abashalapofye ebakapusuka, ²⁸ pantu Lesa akapela umusela pacalo mukupwililika kabili mukukana kokola." ²⁹ Ngefyalandile Asaiah kunuma, "Ngacakuti Lesa wamilalo tatushililepo fwebo abashelepo, ngatwali nga Sodoma, kabili ngatwaishileba nga Gomorra." ³⁰ Bushe kuti twalanda shani? Ukuti abena fyalo, abashalecita ubulungami, bapokelele ubulungami, ubulungami kucicetekelo. ³¹ Lelo Israel, uwacitile ifunde lyabulungami, tabafikilepo palici. ³² Cinshi cingakanya? Pantu tabacitileci kucicetekelo, lelo nikumilimo. Baipuntwile kwilibwe lyakuipuntulako, ³³ ngefyo calembwa ati, "Moneni, ndebika ilibwe lyakuipuntulako ilibwe lyamulandu. Uyo onse ukasumina mulilyo libwe takalengwe insoni."