¹ Ba munyinane, ukufwaya kwa mutima wandi nokupapata kwandi kuli Lesa kwa pali bena pepusukilo lyabo. ² Pantu mpela ubunte pali bena ukweba ati balicincila palwakwa Lesa, nomba tekulingana nobwishibilo. ³ Pantu, ukufilwa ukumfwa ubulungami ubwisa ukufuma kuli Lesa nokufwaya ukuipangila ubulungami bwabo, tabaipele kuli kubulungami bwakwa Lesa. ⁴ Pantu Klistu ekafikilisha wa malayo palwa bulungami kuli onse uwasumina. ⁵ Pantu Mose alemba palwa bulungami ubo bafuma kumalango; ''Umuntu acita ubulungami bwa malango akekalila muli ububwine balungami. ⁶ Nomba ubulungami ubufuma kuku cicetekelo bulanda ifili "wilanda mu mutima obe, "Ninani akanina mumulu?' (emukwebati ukukosha Klistu panshi); ⁷ Kabili wilanda ati, "Ninani uukakokela mu manda?' (ekweba ati, ukubusha Klistu kubafwa). ⁸ Nomba cilanda ati shani? "Icebo cili mupepi namwebo, mukanwa kenu namu mutma yenu." Ico ecobo cacicetekelo, icotabila. ⁹ Pantu ngawalanda ku kanwa kobe akweba ati Yesu Klistu ni Shikulu nokusumina mu mutima obe ukwebati Lesa alimubushishe ukufuma ku bafwa, ukapusuka. ¹⁰ Pantu niku mitima umuntu asuminina noku lungamikwa, elo nakukanwa kakwe umuntu ala lapila nokupusuka. ¹¹ Pantu amalembo yalanda "Onse uwa musumina taka lengwe insoni." ¹² Pantu takuli ubupusano pakuti kaba Yuda naba Giliki, pantu Lesa umo wine ni Lesa wabonse kabili mukankala kuli bonse abeta pali ena. ¹³ Pantu onse uwita peshina lyakwa Shikulu akapusuka. ¹⁴ Nga kanshi kuti baita shani pali ena uyo bashasuminamo? Kuti basuminamo shani uyo basha umfwapo? Kuti baumfwa shani ukwabula uwakushimikila? ¹⁵ Nomba kuti bashimukula shani kano ngana batumwa?- Ngafilya calembwa, "Ifyo yawama amakasa ya abo ababila imbila nsuma!" ¹⁶ Nomba tebonse aba umfwilile imbila nsuma . Pantu Esaya alanda ati, "Shikulu, ninani asumine imbila yesu?" ¹⁷ Eico icicetekelo cishila mukumfwa, nokumfwa ku cebo cakwa Klistu. ¹⁸ Nomba ndelanda ati "Bushe tabaumfwile?" ee, cishinka sana. "Iciunda cabo caliya mucalo conse, na mashiwi yabo kumpela yacalo." ¹⁹ Nakucilisha nalanda, "Bushe Israeli taishibe?" Pakubala Mose alanda, "Nkamisonsomba mukabe no bukwa kubashili luko. Kuli ulo lweni uluko ulwabulo kukwata amano, nkalenga mukakalipe." ²⁰ Isaya alipamine ilyo alanda ati "Nasangilwe kuli abo abashamfwaile. Namonekele kuli abo abashamfwaile, ²¹ lelo kuli Israeli alanda ati "Akasuba konse natambalike amaboko yandi ku bantu bacintomfwa naba cintala.