¹ Eico ndemupapata, mweba munyinanu, muluse lwakwa Lesa, ukutula imibili yenu bulilambo bwa bumi, bwamushilo, bwapokelelelwa kuli Lesa. uyu emulimo wabelako. ² Mwiba abapalama no bwikashi, no kwikala kwa muli cino calo, lelo mwalulwe mukucinja kwa matotontonkanyo yenu. Chiteni ici mukwishiba icisuma, icasuminishiwa, kabili icapwililika mukufwaya kwakwa Lesa. ³ Pamulandu ne cikuku icapelwe kuli ine ndelanda kuli cila umo pakati kenu: Wilatontontonkanya ukuba uwapamulu ukucila ifyo winga tontonkanya, lelo utontonkanye no kutekanya, cila umo umwabela icipimo calitetekelo ico Lesa apela kuli webo. ⁴ Pantu twalikwata ifilundwa ifingi mumubili umo, lelo tefilundwa fyonse fya kwata umulimo umo wine. ⁵ Munshila imo ine, nafwebo fwebali abangi tuli umubili umo muli shikulu, kabili onse cilundwa camubiye. ⁶ Twalikwata ifya bupe ifyapusana ukulingana ne cikuku ico capelwa kuli fwebo. Nga umo icabupe cakwe ngakusesema, lekeni cicitwe ukulingana nomwabela cipimo cacicetekelo. ⁷ Nga umo ica bupe cakubombela abantu, lekeni abombe, nga umo akwata icabupe caku sambilisha, mulekeni asambilishe. ⁸ Nga umo icabupe ca kukoselesha, lekeni akoseleshe. Nga umo icabupe cakwe cakupela, mulekeni abombe mukutwalilila. Nga umo icabupe kutungulula, lekeni ulecitwa mukulwalilila. Nga umo ica bupe ngacakulanga uluse, cicitwe mukunakilila, ⁹ Lekeni ukutemwa kube ukwabula bashikamfutu. Pateni ifya bipa; ikaleni kuli ico icaba icisuma. ¹⁰ Ukusakama ukutemwa bamunyinane, mulesekelelana umo no mubiye. Ukulango ukutemwa, ukuicindika bonse. ¹¹ Kukupimpa mwiba abasakamana, kuli bumupashi mwisakamana. Palwa kwa shikulu mubombeleni. ¹² Sekeleleni mucicetekelo, shipikisheni kuma cusho, beni abacicetekele kumapepo. ¹³ Akaneni icilekabilwa na bantu bakwa Lesa aba mushilo. Fwaye inshila ishingi ishakulango kusungilamo. ¹⁴ Mulepala abalemicusha; bapaleni mwila batipwila. ¹⁵ Sekeleni pamo nabo abaleskela, losesheni pamo naba lelosha. ¹⁶ beni abaisakamana umo nomunankwe. Mwitontonkanishisha munshila shakwisansabika. ¹⁷ Milabwesesha kumuntu nga umo ububi pa bubi. Citeni ifintu ifisuma pamenso ya bantu bonse. ¹⁸ Pamo fye ngefyo cingafwaikwa kuli mwebo, ikaleni abamutende nabantu bonse. ¹⁹ Mwila ilandula, mwebatemwikwa, lelo peleni incende kucipyucakwa Lesa. Pantu calembwa ati "icilandushi cakwa Lesa; nkalandula; efyo alanda shikulu.' ²⁰ Nomba ''lelo umulwani obe ngali nensala, mupele icakulya. angali ne cilaka mupele icakuti anwe. Pantu ilyo mwacita ifi; mukalulika umusolilo pamutwe wakwe.'' ²¹ Mwicimfishiwa kububi, lelo cimfisheni ububi kubusuma.