¹ Elyo Eliashibu shimapepo mukalamba alimine pamo naba munyina bashi mapepo, kabili balikulile umwinshi wa mikooko. Bali sangulwile balisangulwile iminshi kabili babikile ne fiibi muncende yafiko. Baisangulwile ukufika naku lupungu lwa mwanda kabili ukufika na kulupungu lwa Hananele. ² Ukukonkapo pali ena abaume abaku Teliko balekuula, kabili pali bena pakonka Sacu umwana umwaume wakwa Imuli nao ali kuulile. ³ Abana abaume ba kw Hasena ba kuulile umwinshi we sabi. Bapangileko ne myalo, no kubikako ifiibi, amaingwe yafiko, nemi pindo yafiko. ⁴ Melemoti awamishe icitungu cakonkelepo. Ali mwana umwaume mwana Uria umwana umwaume wa kwa Hakosi. Uwakonkele pali bena uwawamishe ni Menshulamu. Ali mwana umwaume wa kwa Berekia umwana umwaume wa kwa meshesabele. Uwakonkelepo pali bena uwawamishe ni Sadoke. Ali mwana umwaume wakwa. ⁵ Uwakonkelepo pali bena uwawamisheko ni Tekoiti, Nomba intungulushi shabo shalikene ukubombako umulimo uwabebele shikulu wabo. ⁶ Yoyada umwana umwame wa kwa Pasea na meshulamu umwana umwaume wa kwa Besodeya ebawamishe iminshi yakale. Balipangilepo imyalo, no kubikapo ifiibi, na maingwe ne mipindo. ⁷ Uwakonkelepo pali bena ni Melatia umwina Gibeoni na Mizipa, abalepanga ukumya ku ncende uko keteeka wacitungu ca kwishilya lya mumana aleikala. ⁸ Uwakonkelepo pali bena ni Usiele umwana umwaume wa kwa Haaya, umo pa ba lefula, ewawamisheko, kabili umbi pali ena ali ni Hanania, uwalepanga amafuta ayanunkila. Eba kulile cipya cipya Yelusalemu ukufika napa ncende apo icibumba cali na citikama. ⁹ Uwakonkelepo pali bena ni Lefaya umwana umwume wa kwa Huli ebale wamya. Ewali intungulushi ya citika wa citungu ca Yelusalemu. ¹⁰ Uwakonkelepo pali bena ni Yedaya umwana umwaume wa kwa Halumafa ewawamishe mupepi naku ng'anda yakwe. Uwakonkelepo pali bena ni Hatushi umwana umwaume uwa kwa Hashabineya ewawamishe. ¹¹ Malikia umwana umwaume uwa kwa Halimu na Hashubu umwana umwaume uwa kwa Pahati-moabu ewawamishe ulubali ulwli mu mbali ya lupungu lwa mulungu. ¹² Uwakonkelepo pali bena ni Shalumu umwana umwaume uwa kwa Haloheshe, intungulushi ya citika wa ciputulwa ca Yelusalemu, ewawamishe ena pamo na bana bakwe abanakashi. ¹³ Hununi na baleikala mu Sanoa eba wamishe umwinshi wa mumukonko. Ebaukulile cipya cipya no kubikamo ifiibi, amaingwe, ne mipindo, bawamishe iminshi yakucishala ukufika kumata amakana. ¹⁴ Malikia umwana umwaume uwa kwa Lekabu, maala pali citika wa citungu ca Beti Hakelemu, ebawamishe umwinshi wakucishala, alikuliile no kubikamo ifiibi, amaingwe, ne mipindo. ¹⁵ Shalumu umwana umwaume wa kwa Koli-Hose, uwali maala pali citika wa citungu ca Misipa, akulile cipya cipya umwinshi waka muku mfuku. Alikulile, kabili alifimbilepo no kubikapo ifiibi, amaingwe, ne mipindo. kabili ewakulile cipya cipya icibumba ca cilambe caca Silomu icali kwibala lya mfumu, ukufika napa mulu ukutentemukila kwisamba ukufuma ku musumba wakwa Davidi. ¹⁶ Nehemia umwana umwaume wakwa Asibuki, uwali maala pali citika wa citungu ca Betisuli, ewawamishe pacifulo ukulinganya ukufuma ku mipolo yakwa Davidi, ukufika pa cilambe ca muntu-uwapangilwe, kabili no kufika pa ng'anda ya muntu uwa maka. ¹⁷ Panuma yakw abena Lebi ebawamishe, ukusanshakofye na Reumu umwana umwaume wakwa Bani no wakonkele pali ena, Hashabia, uwali maala pali citika wa citungu cakwe. ¹⁸ Panuma yakwe ena bamunyinabo ebawamishe, ukusanshakofye na Binui umwana umwaume wakwaHenadadi, uwali maala pali citika wa citungu cabena Keila. ¹⁹ Uwakonkelepo pali ena, Eseli umwana umwaume uwakwa Yeshua, maala wabena Mispa, ewawamishe na lumbi ulubali apalolenkene na pa kupilukila ukufika no kusungilwa ifyanso pa cifutu ca cibumba. ²⁰ Panuma yakwe Baluchi umwana umwaume uwakwa Ulia umwana umwaume uwakwa Sabai ewawamishe nalumbi ulubali ulwa onawilwe, ukufuma pa cifutu ca cibumba ukufika pa cibii ca ng'anda yakwa Eliashibu shimapepo mukalamba. ²¹ Panuma yakwe Melemoti umwana umwaume uwakwa Ulia umwana umwaume uwakwa Hakosi ewawamishe nalumbi ulubali, ukufuma pa ciibi ca ng'anda yakwa Eliashibu ukufika napa lutwe lwa ng'anda ya kwa Eliashibu. ²² Ukukonka pali ena ba shimapepo, abaume ukufuma ku ncende iyashingulwike Yelusalemu, ebawamishe. ²³ Panuma yabo Benjamini na Hushubu eba wamishe bushilya bwa ng'anda yabo. panuma yabo Asalia umwana umwaume uwakwa Maaseia umwana umwaume uwakwa Anania ewawamishe ing'anda iya konkelepo pa ng'anda yakwe. ²⁴ Panuma yakwe Binui umwana umwaume uwakwa Henadadi ewawamishe nalumbi ulubali, ukufuma pa ng'anda yakwa Asalia ukufika pa cfutu ca cibumba. ²⁵ Palali umwana umwaume wakwa Usai ewawamishe palya pa cifutu ca cibumba napalupungu alilundileko pa mulu ukufuma pa ng'anda yapa mulu iya mfumu napa musolo waba kalinda. panuma yakwe Pendaya umwana umwaume uwakwa Paloshi ewawamishe. ²⁶ Nomba ababomfi bamucilonganino abaleikala mu ofeli ebawamishe mupepi nabushilya bwa mwinshi wa menshi lwa ku kabanga kabili no lupungu lwa ku mwenapo. ²⁷ Panuma yakwe abena Tekoa ebawamishe nalumbi ulubali ulwali bushilya bwa lupunguq ulukalamba ulwa kumwenapo ukufika na kucibumba ca ofeli. ²⁸ Bashi mapepo ebawamishe pamulu wa mwinshi waba kabalwe, cila lubali ing'anda yakwe umwine. ²⁹ Panuma yabo Sadoki umwana umwaume uwakwa Imume ewawamishe lubali bushilya bwa ng'anda yakwe. Elyo panuma yakwe Shemaia umwana umwaume Shekania, uwalesunga umwinshi wakukabanga, ewawamishe. ³⁰ Panuma yakwe Hanania umwana umwaume uwakwa Shelemia, na Hanuni umwana umwaume uwalenga mutanda uwakwa Salafi ewawamishe na lumbi ulubali. panuma yakwe Meshulamu umwana umwaume wakwa Belekia ewawamishe bushilya bwa cikulwa cakwe cintu aleikalamo. ³¹ Panuma yakwe Malichiya, umo uwa ba kafula wa golide, ewawamishe ing'anda ukuyafika na kuba bobimfi ba cilonganino na balesulusha abali bushilya bwa mwinshi uwasontelwe na baleikala pa mulu wacikulwa pa cifutu. ³² Bakafula wa golide na balesulusha eba wamishe pakati ka cikulwa capa mulu wa cifutu na pa mwinshi wa mikooko.