¹ Mu mweshi wa nisani, mu mwaka uwalenga amakumi yabili ku mfumu Atakisakisesi, asalile umwangashi, kabili nebo na piitile umwangashi no kuyapela imfumu. Nomba nebo nshalemoneka uwabulanda kuntanshi ya cinso cakwe. ² Nomba imfumu yalandile kuli nebo, ''cishi impumi yobe yabela iya bulanda? Taulemoneka umulwele. Ubu bulanda bwa ku mutima. ''Elyo naishile tiina sana. ³ Nalandile ku mfumu, ''Lekeni imfumu ikale ukutwalilila! cishi impumi yandi taingabela no bulanda? umusumba, icifulo ukwaba imipolo ya batata, walyo naulwa, kabili ne minshi yauko yalipya ku mulilo.'' ⁴ Elyo imfumu yalandile kuli nebo, ''cishi ulefwaya nebo incite? ''Elo na pepele kuli lesa wa mu mulu. ⁵ Na aswike imfumu, ''Nga camoneka ukuwama ku mfumu, kabili nga cakuti umubo umubomfi wenu na cita icisuma mu menso yenu, kuti mwantuma kuli yuda, ku musumba wa mipolo yaba tata, pakuti inkaukule cipya cipya. ⁶ ''Imfumu yalingaswike {kabili na na mfumu nao ninshi ekele bushilya na ena}, ''kwalepa shani ukokwine ukaya kabili ukabwela lilal? ''Imfumu yali temenwe pa kuutuma ilyo nebo na yebele inshiko. ⁷ Elyo nalandile ku mfumu, ''Nga cakuti casekesha imfumu, lekeni mu mpeleko amakalata aya kutwala kuli ba kateka aba kwishilya lya mu mana pa kweba ati ba kampele insambu sha kupita mu miputule yabo ilyo ndeya kuli yuda. ⁸ kabili kube inkalata iya kwa Asafi kasunga wa mu teengo wa mfumu, pakwebati akampeleko imbao ishakupanga imyalo yapa minshi ya malinga aya palamina ku chilonganino, na kucibumba ca musumba, na ku ng'anda intu nkalaikalamo. ''Élyo pantu ukuboko kusuma kwa kwa lesa kwali pali nebo, fintu naipwishe. ⁹ Naile kuli ba kateka ba citunga kwishilya lya mu mana no kubapela ba kalata ba mfumu. Nomba imfumu ya ntumine pamo na ba kalamba baba shilika na baume ba pali bakabalwe. ¹⁰ Lintu sanibalati umwina holoni na Tobia umwina Amoni umumbomfi baumfwile ifi, balifulilwe apakamba pantu bamwene ukuti umo naisa mukwafwa abantu abena isuleli. ¹¹ Elyo naishile ku yelusalemu kabili nali kulya inshiku shitatu. ¹² Naimine ubushiku, nebo na baume abanono. Nsha ebeleko nangu umo ico lesa wandi abikile mu mutima wandi ukucita pali yelusalemu. Takwali inama pamo na nebo, ukucila pali cimo ico napilwekepo. ¹³ Nafumine mu mukonko wa Gati ubushiku, ku cishima ca cisoka na ku mwinshi wacishala, ndemona ifibumba fya Yelusalemu, ifyo fyabongolwele neminshi yafimuti fintu yaonawile ku mulilo. ¹⁴ Elyo naile kumwinshi wa kafukanka na kushiba ca mfumu. Isende yalicepele apa kuti inama na pilwikepo ipite. ¹⁵ Elyo naile pamulu bulya bwine ubushiku ku mu poka poka no kumona ifibumba, kabili nalibwelele no kwingila pa mwinshi wa mupoka poka, kabili nalibwelele. ¹⁶ Intungulushi tabaishibeko uko naile nangu ico nalecita, kabili nshali nshila ibukishako aba Yuda, nangu niba shimapepo, nangu niba shimucindikwa, nangu nintungulushi, nangu nibambi abalebomba umulimo. ¹⁷ Nalandile kuli bena, "Namumona ubwafya buntu tulimo, Yelusalemu aona ulwa ne minshi yaiko ifyo yaonaulwa ku mulilo. Iseni, tukule cipya cipya icibumba ca Yelusalemu, pakweba ati tiwa nakabili mu musebanya." ¹⁸ Nabebele ukuti ukuboko ukusuma ukwa kwa Lesa wandi kuli pali nebo kabili namashiwi yamfumu ayo yalandile kuli nebo. Nabo balandile ati, "kanshi natwime tukuule."Elyo bakoseshe amaboko yabo pamulimo uusuma. ¹⁹ Nomba Sanibalati umwina Holoni, na Tabia umubomfi umwina Amoni, na Geshomu umwina Alabia baumfwile pali ici, baletuseka nokula tupunika, kabili balelanda ati, "cinshi mulecita? Bushe mulesangukila imfumu? ²⁰ Ëlyo nalibaswike, "Lesa wa mumulu akatupela ubusuma. Tuli babomfi bakwe kabili tukema nokukuula. Nomba tamukwete ulubali, tamukwete insambu, kabili tamukwete icibukisho mu Yelusalemu."