¹ Kabili pakupita, amwene umuntu uwali impofu ukutula kukufyalwa kwakwe. ² Nabasambi bakwe bali mwipwishe, "Kafundisha, nani wabembwike, nyuyu muntu nangu bafyashi bakwe, pakuti afyalwe ngempofu?" ³ Yesu alyaswike ukuti, " Te ena nelyo abafyashi bakwe ababembwike, lelo nipa mulandu wa mulimo wakwa Lesa ukuti usokolokele muli ena. ⁴ Tuli nokubomba imilimo yawantuma ilyo kucili akasuba. Imfinshi ileisa elo nangu umo takalingwe ukubomba. ⁵ Nangu ningaba mucalo, ndilubuto lwa calo." ⁶ Panuma Yesu alanda ifi fintu, afwishile amate pa mushili, apangile amatipa ku mate, elo amusubili amatipa mu menso. ⁷ Alandile kuli ena, '' Kabiye kasambe mu cilambe cashi Shilomu" (icilepilibula " Ukutumwa"). Nao alile, ayasamba, nokubwela alemona. ⁸ Lelo kubena mupalamano nabonse aba mumwepo ngakalombaloma balandile, "Bushe te uyu muntu aleikala no kulomba?" ⁹ Bamo balandile ati, "eo." Bambi balandile ukuti, "Awe, amoneka kwati eo." Lelo alandile ati, "Ninebo." ¹⁰ Balandile kuli ena ati, " Nomba amenso yobe yamwene shani" ¹¹ Alibaswike, "Umuntu uwitwa Yesu apangile ulutipa no kunsuba mumenso yandi no kulanda kuli nebo ukuyasamba ku Shilomu; nalile nokuyasamba. ifyo namwene." ¹² Balandile kuli ena, "Alikwisa?" Alyaswike, ukuti nshishibe." ¹³ Basendele umuntu uwali impofu no kumutwala kuba Faliseo. ¹⁴ Bwali bushiku bwesabata elo Yesu apangile amatipa nokwisula amenso yakwe. ¹⁵ Napeka aba Faliseo balimwipushe uwamuposeshe amanso. Alandile kuli bena, " Icibika amatipa mumenso, elo nayasamba, nomba ndimukumona." ¹⁶ Bamo aba Muba Faliseo balandile ati, " Uyu muntu tafuma kuli Lesa pantu tasunga Isabata." Bambi balandile ati, "Bushe umuntu umubembu kuti abomba ifishibilo ngefi?" Nomba pali ukulekana pakati kabo. ¹⁷ Kabili baipwishe impofu napeka, nicinshi ulelanda pali uyu muntu, pakukuposha amenso?" Umwaume impofu alandile ati, "Nikasesema." ¹⁸ Kabili aba Yuda tabamusumine ati ali niimpofu uwapokelele amenso basuka baita abafyashi bakwe uyo uwapokelele amenso. ¹⁹ Baipwishe abafyashi ati, "Uyu mwana wenu uyo mulandapo ati afyelwe impofu? Nishani kabili alemona." ²⁰ Elo abafyashi bakwe ba bamwaswike, "Natwishiba ati mwana wenu elyo afyelwe impofu. ²¹ Nomba amona shani, tatwishibe, kabili nani uwacimuposha amenso. Mwipusheni, uyu mukulu. Kabili kuti ailandila umwine." ²² Abafyashi bakwe balandile ifi fintu, pamulandu balikwete umwenso naba Yuda. Kalekale aba Yuda bali nabasuminishanya ukuti onse uwasumina muli ena ati ni klistu nalingwa ukufumishiwa mu sinagogo. ²³ Pamulandu waici, abafyashi bakwe bandile, "mukulu, mwipusheni." ²⁴ Umuku wabubili balitile umuntu uwali impofu nokulanda kuli ena, "Pela ubikata kuli Lesa. Natwishiba ukuti uyu muntu mubembu." ²⁵ Elyo ulya umwaume yaswike ati, "Ine teti ngishibe ati mubembu. Nalimpofu, nomba ndimukumona." ²⁶ Balandile kuli ena, "Bushe cinshi aciciti kuli webo? Aiswile shani amenso yobe?" ²⁷ Alibaswike ati, Nimyeba kale, namufilwa ukufumfwa! Nicinshi mulefwaya ukumfwa napeka? Bushe tamulefwaya ukuba abasambi bakwe namwebo, mulefwaya? ²⁸ Nabo balimutukile nokulanda ati, " Iwe uli musambi wakwe, nomba fwebo tulibasambi bakwa Mose. ²⁹ Twaishiba ukutila Lesa alanda kuli Mose,nnomba tatwaishiba kuntu atula." ³⁰ Umuntu alyaswike no kulanda kuli bena, "Ici cipesha amano, mukukana ishiba uko afuma, elo ninshi aliswile amenso yandi. ³¹ Twaishiba ukutila Lesa takutika kubabembu, nomba umo ngawakwalesa acita nobufwayo bwakwe, alomfwa kuli ena. ³² Ukufuma apo icalo catampila takwatala akumfwikako umuntu uyo amenso yakwe yaisukapo uwafyelwe impofu. ³³ Ngacakuti uyu muntu tafuma kuli Lesa, tapali ico engacita." ³⁴ Balimwasuke nokulanda kuli ena, "Wafyalilwefye mumembu, nomba uletufunda?" Palyapene bamuposele panse. ^{35 38} Yesu alyumfwile ukuti nabamutamfwa mu Sinagogo. Amusangile panse no kulanda ati, " Nausumina mumwana wa Muntu?" ³⁶ Alyaswike no kulanda ati, "Ninani, Shikulu, pakuti musumine?" ³⁷ Yesu alandile kuli ena, "Naumumona, euyo ulelanda kuli webo." Umuntu alaindile, "Shikulu, Nasumina." noku mupepa. ³⁹ Yesu alandile, "Naishile mu calo ku bupingushi pakuti abo bonse abashimona bengamona nabo bonse abamona bengaba impofu." ⁴⁰ Bamo abamuba Faliseo abali nao baumfwile ifi fintu noku mwipusha, "Bushe fwebo tulimpofu?" ⁴¹ Yesu alandile kuli bena ati, "Ngamwali mpofu, ngatamwaba nemembu, namba mulanda ati, 'Tulamina,' ifyo fine efyo imembu shabelelela.